Jeremaia 33:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Me na batuegha, arazir kuram gami. Ezɨ kɨ men arazir kuraba gɨnamadagham, egh men arazir kurabar osɨmtɨzim agɨvagh me damightɨ, me nan damazimɨn zuegham.

Jeremaia 33:8 ပူးပေါင်းရင်းမြစ်များ

Sekaraia 13:1

“Dughiar kam otoghtɨ kɨ mozir dɨpam damightɨ an anang otogh iram. Devitɨn ovaviba ko, Jerusalemɨn nguibamɨn itir gumazamizir igharaziba, me godɨn ifavaribar ziaba fava, arazir mɨzɨrɨzir avɨribagh ami. Eghtɨ dɨpar kam men arazir kuraba ruam.”

Esekiel 36:25

Egh dɨpar dɨkɨriam inigh, ian dapanibagh isɨn a kavamang ian arazir kuraba batueghtɨ, ia nan damazimɨn bar zuegham. Egh ian arazir kurar ia marvir guaba fem bagh, ia rueghtɨ ia zuegham.

Onger Akaba 51:2

Gumazamiziba rua ua zue moghɨn, nɨ na rueghtɨ nan arazir kuraba mangɨghtɨ kɨ zueka.

Akar Mogomem 1:5

Krais Iesus, a gumazir Godɨn akaba guizbangɨra dav geim. Egha a gumazir bar uabɨra faragha ovevemɨn ua dɨkavizim. Egha a nguazimɨn atriviba bar men ekiam. A uaghan ian apangkuv egh navir amɨrizim ia danɨng. A bar e gifonge, egha a uabɨ uan ghuzimɨn en arazir kuraba agɨvazɨ e fɨriaghɨre.

Esekiel 36:33

“Kɨ Ikiavɨra Itir Godɨn Ekiam, kɨ kamaghɨn mɨgei: Kɨ ian arazir kuraba batueghtɨ ia zueghamin dughiamɨn, kɨ ia ateghtɨ ia ua uan nguibar ekiabar ikɨva, ua danganir ian apaniba asɨghasɨghizibar ingaram.

Jeremaia 31:34

Kɨ Ikiavɨra Itir God, kɨ guizbangɨra mɨgei, dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ikiavɨra Itir God gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba. Eghtɨ kɨ men arazir kuraba gɨn amadaghɨva ua dagh nɨghnɨghan kogham.”

Jeremaia 50:20

Ezɨ kɨ Ikiavɨra Itir God, kɨ kamaghɨn mɨgei: Dughiar kamɨn kɨ Israelia ko Judan ikiavɨra itir varazira, kar kɨ taghizɨ deravɨra itiba, kɨ men arazir kuraba gɨn amadagham. Eghtɨ arazir kuratam ko osɨmtɨzir tam men ikian kogham. Eghtɨ gumazitam akatam me gasɨsɨ damuva avegham.”

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Onger Akaba 65:3

E uan arazir kuraba bagh nɨ bagh mangam. En arazir kurabar osɨmtɨziba e abɨrima e bar iraghue, ezɨ nɨrara en arazir kuraba gɨn amadi.

Aisaia 56:7

Ezɨ gumazamizir kaba, kɨ me inigh uan Mɨghsɨamɨn mavanangam. Me nan Dɨpenir na ko mɨgeimɨn ikɨtɨ, kɨ me damutɨ me bar akuegham. Me nan ofa gamir dakozim izɨ, asɨzim tuaghtɨ a bar isi mɨghɨrighamin ofa ko, ofan igharaziba na danɨngtɨ, kɨ da iniam. Guizbangɨra, nan Dɨpenimɨn ingangarimɨn mɨngarim kamakɨn, kar Nguaziba Bar Men Gumazamiziba na ko Mɨgeir Dɨpenim.

Aisaia 4:2

Dughiatam gɨn otoghtɨ, Ikiavɨra Itir God Ter Aguam damightɨ, a ua ghuzir igiam otogham. Eghtɨ a nguazim damutɨ dagher aghuiba otivam. Eghtɨ Israelian ikiavɨra itir varazira, me bizir kabar gantɨ, da bar deraghtɨ, me bar akuegham.

Ofa Gami 16:30

Arazir kamɨn mɨngarim kamakɨn: Dughiar kamra, ofa gamir gumazim ofa damuva ian arazir kuraba gɨn amangam, eghtɨ ia Ikiavɨra Itir Godɨn damazimɨn zuegham.

Onger Akaba 130:4

Nɨrara arazir kuraba gɨn amadi, kamaghɨn amizɨ, e nɨrarama atiating nɨn apengan ikiam.

Onger Akaba 130:8

A uan gumazamiziba Israelia men akuragha ua me ini, egh men arazir kuraba gɨn amangam.