Jeremaia 33:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egha me dɨkavigha Kaldiabav soghasava ami. Ezɨ kɨ Jerusalemian arazir kuraba bagha ataravɨra ikia, bar puvɨram me anɨngaghegha, men akuraghan aghua. Kamaghɨn, apaniba me mɨsoghtɨ me arɨghiram, eghtɨ men kuaba men nguibar ekiamɨn dɨpenibagh izɨvagham.

Jeremaia 33:5 ပူးပေါင်းရင်းမြစ်များ

Aisaia 8:17

Egh kɨ datɨrɨghɨn, Ikiavɨra Itir God damuasa mɨkemezir biziba, kɨ puram a mɨzuam da bagh gan ikiam. Kɨ fo, an akɨrim ragha Israelian gumazamizibagh asagha gɨfa, egh a ua ragh men ganan kogham. Eghtɨ kɨ nɨghnɨzir gavgavim an ikɨvɨra ikiam.

Jeremaia 21:10

Kɨ Ikiavɨra Itir God, kɨ guizbangɨra mɨgɨa ghaze, Kɨ Jerusalemɨn nguibar ekiam gasɨghasɨghasa nɨghnigha gɨfa. Kɨ ua deraghvɨra a damuan aghua. Kɨ Babilonɨn atrivimɨn amamangatɨghtɨ, a nguibar ekiar kam inigh uan mɨdorozir gumazibav kemeghtɨ, me a daboroghtɨ, a bar moghɨra isigh ikuvigh puvatɨgham.’ ”

Maika 3:4

Eghtɨ dughiatam gɨn izɨtɨ, ia akurvazim bagh Ikiavɨra Itir Godɨn arangtɨ, a ia bareghan kogham. Ia arazir kurabagh ami, kamaghɨn amizɨ, a ian azangsɨziba bareghan kogham, mati a uan guam ian modo.”

Aisaia 64:7

Gumazitam nɨn ziam dɨbora nɨ ko mɨgeir puvatɨgha, akurvazim bagha nɨn boroghɨn zuir puvatɨ. E ghaze, en arazir kuraba bangɨn, nɨ bar uan guam en modogha e ataghizɨ, en arazir kuraba e gasɨghasɨghizɨ, e bar ikuvigha iti.

Godɨn Araziba 31:17

Eghtɨ kɨ dughiar kamɨn bar men anɨngaghegham. Egh kɨ me ategh, egh uan guam bar men modogham. Eghtɨ me bar moghɨra ikuvigham. Eghtɨ bizir kurar avɨrim me bativtɨ, me dar gan fogh suam, ‘God ti e ko itir puvatɨzɨ, bizir kurar kaba e batifi.’

Esekiel 39:29

Kɨ uan Duam isɨ Israelɨn ikɨzim gingegham, egh uam akɨrim ragh me gasaraghan kogham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Jeremaia 18:17

Eghtɨ kɨ uan gumazamiziba akɨrim me gasaragh men akuraghan koghtɨ, apaniba izɨ men agɨraghtɨ me aregham. Mati amɨnim aruem anadi naghɨn ikegha pamtemɨn iza tintinimɨn bizibagh ivaima, da zui.”

Godɨn Araziba 32:20

Egha a ghaze, ‘Ia borir naviba gavgavigha nan akabar gɨn zuir puvatɨziba. Kɨ men gantɨ, osɨmtɨziba me bativigh me gasɨghasightɨ, kɨ uan guam men modogh, men akuraghan kogham.

Jeremaia 42:18

“Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei: Kɨ faragha puvɨra Jerusalemian anɨngagha, bar pazavɨra me gasɨghasɨki. Eghtɨ kamaghɨra, ia Isipɨn mangɨghtɨ, kɨ bar puvɨra ian anɨngaghegh, bar pazɨvɨra ia gasɨghasigham. Eghtɨ Kantrin Igharazibar Gumazamiziba, bizir kɨ ia gamiziba bareghɨva, atiating, dɨgavir kuram damigham. Egh me pazɨ ia damuva, egh dɨbovir akabar ia mɨkɨmam. Egh me uari akar kurabar uan apaniba mɨkɨmsɨ, me kamaghɨn mɨkɨmam, ‘Ia Judaba ikuvizɨ moghɨn, ia ikuvigham.’ Egh ia ua uan nguazir kamɨn ganighan kogham.”

Godɨn Araziba 31:18

Me arazir kurar kam damuva, na ategh asebar ziaba fam. Eghtɨ men arazir kurar kam bangɨn, kɨ dughiar kamɨn uan guam bar men modogh, men akurvaghsɨ tong nɨghnɨghan kogham.