Jeremaia 33:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Nɨ nan dɨmtɨ, kɨ nɨn dɨmdiam ikaragham. Egh bizir ekiar modogha itir nɨ fozir puvatɨziba, kɨ dar gun nɨ mɨkɨmam.

Jeremaia 33:3 ပူးပေါင်းရင်းမြစ်များ

Jeremaia 29:12

Egh dughiar kamɨn ia nan boroghɨn izɨva, egh nan dɨmɨva, egh na ko mɨkɨmtɨ, kɨ ian dɨmdiam baragham.

Aisaia 65:24

Egh me ifongezir biziba bagh nan azangsɨghtɨ, kɨ men azangsɨziba ikarvagham. Me na ko mɨkɨmvɨra ikɨtɨ, kɨ me baregh men akurvagham.

Efesus 3:20

Godɨn gavgavim en navir averiabar ingari, ezɨ gavgavir kam bar en nɨghnɨzibagh afira. Bizir God damuasa e an azangsɨziba, o bizir God damuasa e nɨghnɨziba, da mati pura biziba, an gavgavim bar dagh afira.

Aisaia 48:6

“Bizir kɨ fomɨram otivasa mɨkemeziba, da otivigha gɨvazɨ ia dar gani. Ezɨ ia datɨrɨghɨn kamaghɨn mɨkɨm suam, ‘Ekiam, a guizbangɨra mɨgei.’ Egh kɨ datɨrɨghɨn bizir igiar otivamibar gun ia mɨkɨmam, kar bizir mueghav itir kɨ fomɨra ia mɨkemezir puvatɨziba, ia tɨghar da baragham.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Godɨn Araziba 4:29

Egh ia dughiar kamɨn ua Ikiavɨra Itir God, ian God bagh izɨsɨ navim dɨkavam. Ia uan navir averiam ko duamɨn aven a burisɨ bar gavgavigh, a batogh bar an boroghɨra izam.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Godɨn Araziba 4:7

“Ia ikɨzir igharazibagh nɨghnɨgh, me purama ekevegha gavgafi, ezɨ men asetam men boroghɨra itir puvatɨ. Ezɨ Ikiavɨra Itir God, en God, e an deir dughiabar, a bar en boroghɨra ikia en akurvasi.

Aposel 2:21

Eghtɨ Ekiamɨn ziamɨn dɨmamin adarasi, a men akurvagham.’

Amos 3:7

Bar guizbangɨra, Ikiavɨra Itir Godɨn Ekiam damuasava amir biziba, a faragh uan ingangarir gumazibav kemegham, kar an akam inigha izir gumaziba, egh gɨn a mɨkemezɨ moghɨra dar amuam.

Onger Akaba 25:14

Gumazamizir Ikiavɨra Itir Godɨn atiatia an apengan itiba, a men namakam gami. Egha uan Akar Dɨkɨrɨzir Gavgavim azenara anekazɨ me a gɨfo.

Aisaia 45:3

Kɨ dagɨaba ko bizir aghuir nguibar kamɨn gumazamiziba danganir mogomebar atɨziba, inigh nɨ danɨngam. Eghtɨ nɨ kamaghɨn fogham, kɨ Ikiavɨra Itir God, Israelian God, kɨ uabɨ nɨn ziam dɨborogha, ua bagha nɨn dia.

Akar Mogomem 2:17

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, kɨ vaghvagh manan dagher datɨrɨghɨn muegav ititaba me danɨngam. Egh kɨ dagɨar ghurghuritaba me danɨngam. Egh dagɨar kabar kɨ men ziar igiaba osirigham, eghtɨ gumazitam ziar kabagh foghan kogham. Gumazamizir dagɨar kaba iniziba, merara dagh fogham.”

Matyu 13:35

Fomɨra Godɨn akam inigha izir gumazim kamaghɨn mɨgɨa ghaze, “Kɨ akar isɨn zuibara ia mɨkɨmam. Bizir maba, nguazir kam otozir dughiamɨn da muega iza datɨrɨghɨn tu, ezɨ kɨ bizir kabar eghaghanim damuasa.” Iesus akar kam damutɨ an otivasa, kamaghɨn an akar isɨn zuir kabagh ami.

Maika 7:15

Ikiavɨra Itir God akam ikaragha ghaze: “Kɨ faragha Isipɨn ia inigh azenan izasa dɨgavir kuram gamir araziba, kɨ datɨrɨghɨn uam ada ian akagham.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

1 Korin 1:2

ga akɨnafarir kam ia Korinɨn nguibar ekiamɨn itir sios bagha an osiri. Krais Iesus ia gamizɨma, ia a baghavɨra iti. Egha a ua bagha ia amɨsevezɨ, ia a ko poroghav iti. A ia ko, nguazimɨn itir gumazamizir Krais Iesusɨn ziam feba bar, a ia mɨsefe. Krais Iesus, en Ekiam. A men Ekiam, ko uaghan en Ekiam.

Jeremaia 23:35

Ia uan namakaba ko aveghbuabav geir dughiamɨn, ia kamaghɨn mɨkɨm, ‘Ikiavɨra Itir God, manmaghɨn akam ikara?’ o ‘Ikiavɨra Itir God, akar manam mɨkeme?’

Jeremaia 32:17

“O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.

Jeremaia 32:27

“Nɨ gan! Kɨ uabɨ kɨ Ikiavɨra Itir God, kɨ nguazir kamɨn gumazamiziba bar moghɨra men God. Kɨ bizitam damuan iburaghan kogham.

Daniel 2:18

Egha apangkuvim bagha Godɨn Uan Nguibamɨn Itim ko mɨkɨmasa me mɨgei. Egh uaghan irebar mogomemɨn itim bagh azangsɨghtɨ, an an mɨngarim en akagham. Eghtɨ e Babilonɨn fofozir gumazir igharaziba ko aremeghan kogham.

Daniel 2:22

Egha God nɨ bizir aven modoghav itir me fozir puvatɨziba men akakasi. Ezɨ zurara angazangarim nɨn iti, ezɨ nɨ mɨtatemɨn itir biziba, nɨ dagh fogha gɨfa.

Daniel 2:23

Nan ovavibar God, nɨ fofozim ko gavgavim na ganɨngi egha nɨ nan dɨmdiam baraki, egha bizir e nɨn azangsɨghizir kam, en aka. Egha nɨ atrivimɨn irebamɨn mɨngarim, en aka. Kɨ bizir kam bagha nɨ mɨnabagha, bar nɨn ziam fe.”