Jeremaia 33:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Kɨ Ikiavɨra Itir God, kɨ bizitam damusɨ a gɨnɨghnɨghɨva, kɨ bizir kam damightɨ an otogham. Kɨ Ikiavɨra Itir God, kar nan ziamra. Ezɨ kɨ kamaghɨn mɨgei:

Jeremaia 33:2 ပူးပေါင်းရင်းမြစ်များ

Aisaia 37:26

“ ‘Senakerip, nɨ kamaghɨn fozir puvatɨ, kɨ fomɨra bizir kabar amuasa nɨ amɨsefe. Kɨ, nguibar gavgavir dɨvazir gavgaviba itiba, kɨ dagh asɨghasɨghasa, gavgavim nɨ ganɨngi. Ezɨ nɨ nan nɨghnɨzimra gɨn ghua nguibar kaba akaragharɨghizɨ da iregha, mati me dagɨaba pozibav kɨnizɨ, da iti.

Ua Me Ini 15:3

Ikiavɨra Itir God, a bar mɨdorozir gumazir gavgavim. Ziar kam, Ikiavɨra Itir God, kar an ziam.

Ua Me Ini 6:3

Azenir bar faragha ghua gɨvazibar, kɨ Abraham ko Aisak ko Jekop, me batifi. Ezɨ me fo, kɨ Gavgaviba Bar Itir God. Egha kɨ uan ziam Ikiavɨra Itir God, an gun me mɨkemezir puvatɨ. Me ziar kam gɨfozir puvatɨ.

Akar Mogomem 21:10

Ezɨ Godɨn Duam pamtem nan ingarima, ensel na inigha ghua mɨghsɨar bar ekiamɨn ghuavanabo. Egha Nguibar Ekiar God Baghavɨra Itim, Jerusalem nan aka. Nguibar kam a Godɨn damazimɨn ikegha Godɨn Nguibam ategha izaghiri.

Aisaia 62:7

Ia an dɨmvɨra ikɨ mangɨtɨ, a Jerusalem damightɨma, a uamategh tugh gavgavighamin dughiam otogham. Eghtɨ dughiar kamɨn, Jerusalem nguazir kamɨn gumazamizibar damazimɨn, bar pɨn ikiam.”

Aisaia 43:21

Gumazamizir kaba, bar akuegh nan ziar ekiamɨn gun mɨkɨmasa, kɨ ua bagha men ingarigha me gamizɨ, me nan adarazir otifi.”

Aisaia 43:1

Ia Israelia, ia Jekopɨn anabamɨn adarasi, Ikiavɨra Itir God ian ingarigha ia gamizɨ, ia gumazamizir ikɨzir vamɨran otozɨ, a kamaghɨn ia mɨgei: “Kɨ ian akuragha gɨvagha, ian ziaba ia garɨki, kɨ ua baghavɨra ia amɨsefe. Kamaghɨn amizɨ, ia atiatingan markɨ.

Aisaia 14:32

E Israelia, e gantɨ, Filistian abuir gumaziba izɨ uarir akurvaghsɨ en azangsɨghtɨ, e manmaghɨn men akam ikarvagham? E kamaghɨn men akam ikarvagham, “Ikiavɨra Itir God, Saionɨn nguibamɨn ingarigha a gamizɨ a tugha gavgafi. Ezɨ an gumazamiziba osɨmtɨzir ekiaba me bativir dughiabar, me a bagh mangɨ an aven modogh deravɨra ikiam.”

Onger Akaba 102:16

Ikiavɨra Itir God, gɨn ua Saionɨn nguibamɨn ingarigh, egh uan gavgavim ko angazangarim sara gumazamizibar akagham.

Onger Akaba 87:5

Kɨ kamaghɨn Jerusalem mɨkɨmam, ‘Kar gumazamiziba bar men nguibam.’ ” Godɨn Bar Pɨn Itim, uabɨ Jerusalem asaragh, a damightɨ a bar gavgavigham.

Akar Mogomem 21:2

Ezɨ Nguibar God Baghavɨra Itim, a Jerusalemɨn igiam, kɨ an gari. Kɨ an garima, a Godɨn damazimɨn ikegha Godɨn Nguibam ategha izaghiri. A uabɨ akɨrigha, kurukazir bar aghuim gami, mati amizim uan pamɨn ikiasa kuruke.

Hibru 11:16

Egha me uan nguazir ghurim gɨnɨghnɨzir pu. Puvatɨ. Me nguazir igharazir iniasava amim, a bar deragha nguazir me ataghizim bar a gafira. A Godɨn Nguibamra. God me bagha nguibar kam akɨrizɨ a iti, eghtɨ me an ikiam. Egha gumazir kaba kamaghɨn God mɨgɨa ghaze, “Nɨ en God.” Ezɨ, God men akar mɨkemezir kamɨn aghumsɨghizir puvatɨ.

Hibru 11:10

Abraham zurara nɨghnɨzir gavgavim ikia nguibar ekiar gavgavigha itir kamɨn ganasa mɨzua iti. Nguibar ekiar kam, God uabɨra tuavir an ingaramibagh nɨghnigha, egha uabɨ an ingari.

Amos 9:6

Ikiavɨra Itir God, uan Dɨpenim uan Nguibar bar pɨn itimɨn an ingarigha, egha overiam gamizɨ, a bar pɨn ikia nguazim avara, mati dɨpenimɨn siriam anevara. Egha an ongarimɨn diazɨ, a dɨkavigha izima, ana isa nguazim gisɨn a inge. God uabɨra bizir kabagh ami, ezɨ an ziam kamakɨn, Ikiavɨra Itir God.

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Jeremaia 32:18

Nɨ zurara tausenɨn gumazamizir avɨribar apangkufi. Eghtɨ gumazitam arazir kuratam damigham, nɨ ivezir kuram a danɨngɨva, uaghan an boriba ko an arazir kuraba ikarvagham. God nɨ bar gavgafi, ezɨ nɨn gavgavim bar en gavgavim gafira. Ezɨ nɨn ziam kamakɨn: Ikiavɨra Itir Godɨn Gavgaviba Bar itim.

Jeremaia 10:16

Ezɨ Ikiavɨra Itir God, a Jekopɨn ovavir boribar God, a uabɨ biziba bar adar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Jeremaia 16:21

Ezɨ Ikiavɨra Itir God kamaghɨn mɨgei, “Nɨ oragh! Kɨ gumazamizir arazir kurabagh amiba dughiar vamɨrara men sure damigham. Dughiar kamɨn kɨ men sure damutɨ, me nan gavgavir ekiam gɨfogham. Egh me fogh suam, Nan ziam, Ikiavɨra Itir God.”

Jeremaia 51:19

Ezɨ Ikiavɨra Itir God, a Jekopɨn ovavir boribar God, a uabɨ biziba bar dar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Aisaia 42:8

“Kɨrara, kɨ Ikiavɨra Itir God, kar nan ziam. Ezɨ kɨ uabɨra, ia nan ziar ekiamra fɨ. Ia gumaziba ingarizir marvir guatamɨn ziam fan bar markɨ.