Jeremaia 32:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ “O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.

Jeremaia 32:17 ပူးပေါင်းရင်းမြစ်များ

Jeremaia 32:27

“Nɨ gan! Kɨ uabɨ kɨ Ikiavɨra Itir God, kɨ nguazir kamɨn gumazamiziba bar moghɨra men God. Kɨ bizitam damuan iburaghan kogham.

Jenesis 18:14

Abraham, nɨ orakigh, Ikiavɨra Itir God bizitam damusɨ iburaghan kogham. Azenir munamɨn iakɨnir kamran, dughiar kɨ dɨborozimɨn kɨ uamategham. Eghtɨ dughiar kamra Sara otarim ikiam.”

Jopɨn Akɨnafarim 42:2

“Kɨ datɨrɨghɨn fo, nɨrara biziba bar dar amuamin gavgavim iti. Egha nɨ uan ifongiamɨn gɨn ghuava amir ingangariba, tav dar anogoreghan kogham.

Matyu 19:26

Ezɨ Iesus damazim meraram asaragha ghaze, “Bizir kaba gumazimɨn bar osemegham. Bizir kaba Godɨn osemezir puvatɨ. A biziba bar dagh ami.”

Ua Me Ini 20:11

Guizbangɨra, Ikiavɨra Itir God 6plan aruebar nguazim ko overiam, ongarimɨn ko dar itir biziba bar adar ingari. Egha namba 7ɨn aruem an avughse. Kamaghɨn amizɨ, Ikiavɨra Itir God, Sabatɨn dughiam deraghavɨra a gɨnɨghnɨgha an anogorogha a gamizɨma, an a baghvɨra ikiamin dughiamɨn oto. Kar Godɨn dughiamra.

Jeremaia 27:5

Kɨ uabɨ uan gavgavir ekiamɨn nguazir kamɨn ingari, egha kɨ uaghan gumazamiziba ko, asɨzibar ingarizɨ da nguazir kamɨn iti. Kɨ uabɨ uan ifongiamɨn gɨn ghua, nguaziba abɨgha gumazamizibagh anɨdi.

Luk Osirizir Akar Aghuim 18:27

Ezɨ Iesus kamaghɨn me ikaragha ghaze, “Bizir kaba gumazimɨn bar osemegham. Bizir kaba Godɨn osemezir puvatɨ. A biziba bar dagh ami.”

2 Atriviba 19:15

Egha Hesekia kamaghɨn Ikiavɨra Itir God ko mɨgei, “O Ikiavɨra Itir Godɨn Gavgaviba Bar Itim, nɨ Israelian God, nɨ enselɨn bar gavgavibagh afiragha bar pɨn uan atrivir dabirabim gaperaghav iti. Ezɨ nɨn gavgavim enselɨn bar gavgavibar gavgavim gafira. Nɨrara, nɨ guizbangɨra God, nɨ nguazir kamɨn kantribar gumazamiziba bar me gativagha men gari. Nɨrara, overiam ko nguazimɨn ingari.

Aisaia 45:12

Kɨrara, kɨ nguazimɨn ingarigha, nguazir kamɨn itir gumazamizibar ingarizɨ, me an iti. Kɨ uan gavgavimɨn overiamɨn ingarigha pɨn anetɨzɨ, a iti. Kɨrara, kɨ aruem ko iakɨnim ko mɨkovezibagh ativagha dar gari.

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Onger Akaba 102:25

Nɨ bar faraghavɨra nguazir kamɨn ingari, ezɨ a gavgavigha ikiavɨra iti. Nɨ uan dafarimningɨn, overiam ko bizir pɨn itibar ingari.

Jeremaia 51:15

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Nehemia 9:6

Gumazamiziba kamaghɨn God ko mɨgɨa ghaze: “Nɨ uabɨra nɨ Ikiavɨra Itir God. Nɨ overiam ko mɨkoveziba ko nguazim ko ongarim ko bizir bar adar itiba, nɨ bar dar ingari. Nɨ angamɨra itir ikɨrɨmɨrim bar dagh anɨngi. Nɨn Nguibamɨn itir enselba iteviba apɨra nɨn ziam fe.

Aisaia 42:5

Ikiavɨra Itir God, an overiamɨn ingarigha a isa inimɨn mɨn an onegha anetɨ. Egha nguazir kamɨn ingarigha, an itir biziba bar dar ingarigha dagh amizɨ, da otivigha aghui. Egha angamɨra ikiamin amɨnim ko gavgavim isa nguazir kamɨn gumazamizibagh anɨngi. Godɨn kamra, uan ingangarir gumazim mɨgɨa ghaze,

Daniel 2:22

Egha God nɨ bizir aven modoghav itir me fozir puvatɨziba men akakasi. Ezɨ zurara angazangarim nɨn iti, ezɨ nɨ mɨtatemɨn itir biziba, nɨ dagh fogha gɨfa.

Jeremaia 51:19

Ezɨ Ikiavɨra Itir God, a Jekopɨn ovavir boribar God, a uabɨ biziba bar dar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Jeremaia 1:6

Ezɨ kɨ Ikiavɨra Itir Godɨn akar kam baregha, kamaghɨn an akam ikaragha ghaze, “Ti puvatɨgham. Ikiavɨra Itir God, nan Ekiam, kɨ gumazir bar igiam, egha kɨ akam akunamin arazibagh fozir puvatɨ.”

Jeremaia 14:13

Ezɨ kɨ an akam ikaragha ghaze, “Oio, Ikiavɨra Itir God, en Ekiam, nɨ oragh. Nɨn akam inigha izir gumazir maba akar igharagha garibar gumazamizibav gei. Me kamaghɨn nɨn akam akura ghaze, Apaniba ia mɨsueghtɨ ia arɨmɨghireghan kogham. Egh ia dagheba otevegha arɨmɨghireghan kogham. Egh Ikiavɨra Itir God deragh ia damightɨ, ia nguazir kam bar deraghvɨrama an ikiam.”

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

Aposel 15:18

Ekiam kamaghɨn mɨkeme. A bizir kaba fomɨra gumazamizibar akazɨ me dagh fo.’ ”

Aposel 14:15

“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.

Sekaraia 12:1

Kar mɨgɨrɨgɨar Ikiavɨra Itir God Israelia bagha anɨngizim. Ikiavɨra Itir God overiam ko, nguazimɨn ingarigha, gumazamizibar ingarigha, ikɨrɨmɨrir angamɨra itim me ganɨngi. A kamaghɨn mɨgei,

Aisaia 44:24

“Kɨ Ikiavɨra Itir God, ian Akurvazir Gumazim, ia uan amebamɨn navir averiamɨn ikezɨ a tɨghar ia batamin dughiamɨn, kɨ uabɨ, uan adarazir otivasa ian ingari. Kɨ kamaghɨn ia mɨkɨmasa: Kɨ uabɨra bizibagh amizɨ da otifi. Kɨ uabɨra overiam ko nguazimɨn ingarigha, aning isa aningɨn danganimɨn aning atɨ.

Esekiel 11:13

Kɨ Godɨn akamɨn me mɨgɨavɨra itima, Benaian otarim Pelatia irɨgha maghɨrama areme. Ezɨ kɨ tevimning apɨrigha guam nguazim girɨgha pamten kamaghɨn dɨa mɨgei, “O Ikiavɨra Itir Godɨn Ekiam, manmaghɨn ami? Nɨ ti Israelian gumazamizir ikiavɨra itir varazira nɨ bar me kuvarɨmasa o?”

Esekiel 9:8

Me gumazamizibav soagharɨzir dughiamɨn, kɨ uabɨra ikia Godɨn Dɨpenimɨn aven iti. Egha kɨ nguazim girɨgha fuagha, uan guam nguazim mɨtuagha diava ara ghaze, “O Ikiavɨra Itir Godɨn Ekiam, nɨ uan anɨngagharim isɨ Jerusalemia gingamin dughiamɨn, nɨ Israelian ikiavɨra itir varazira bar me gasɨghasɨgham, o?”

Jeremaia 4:10

Ezɨ kɨ kamaghɨn mɨgei: “Ame! Ikiavɨra Itir God, nan Ekiam, nɨ Judaba ko Jerusalemia gifara ghaze, Kar me deraghvɨra ikiamin dughiam. Ezɨ puvatɨ, datɨrɨghɨn apaniba izɨ, uan mɨdorozir sababar me mɨsoghtɨ me arɨmighiram.”

Mak Osirizir Akar Aghuim 10:27

Ezɨ Iesus men gara kamaghɨn me mɨgei, “Bizir kaba bar gumazamizibar osemegham. Bizir kaba Godɨn osemezir puvatɨ. A biziba bar dagh ami.”

2 Atriviba 3:18

Elisa ua kamaghɨn mɨgei, “Ikiavɨra Itir God ghaze, Dɨpam ia ganɨdir ingangarir kam, an damazimɨn a bizir ekiam puvatɨ. A bizir bar muziarim. Ezɨ Ikiavɨra Itir God ua bizir igharazitam damuasa. Ia Moapian mɨsoghamin dughiam, a ia ateghtɨ, ia me abɨnigham.

Onger Akaba 136:12

A uan gavgavir ekiamɨn, ua me inigha ize. A zurara en apangkuvigha mamaghɨra iti.

Aisaia 59:1

Ia oragh! Ia kamaghɨn nɨghnɨghan markɨ, Ikiavɨra Itir God ian akurvaghamin gavgaviba puvatɨ. Egh ia kamaghɨn nɨghnighan kogham, an kuariba pɨrizɨ, e an deir dɨmdiaba, an ada barazir puvatɨ.

Jeremaia 33:3

Nɨ nan dɨmtɨ, kɨ nɨn dɨmdiam ikaragham. Egh bizir ekiar modogha itir nɨ fozir puvatɨziba, kɨ dar gun nɨ mɨkɨmam.

Daniel 6:20

Ana otogha gɨvagha, bar osemegha kamaghɨn dei, “Daniel, nɨ Godɨn Ikia Mamaghɨra Itimɨn ingangarir gumazim! Nɨn Godɨn nɨ nɨghnɨzir gavgavim an ikia zurara teviba apɨra an ziam fer kam, a nɨn akuragha laionbar akabar kuazɨ, da nɨ amezɨ o puvatɨ?”

Sekaraia 8:6

“Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir kabar varazira, me kamaghɨn nɨghnɨsi, kɨ mɨkemezir biziba ti otivan kogham. Ezɨ kɨ Ikiavɨra Itir Godɨn Gavgaviba Bar Itim kamaghɨn nɨghnɨzir pu. Puvatɨ. Kɨ biziba bar dar amuamin gavgavim iti, kɨ dar amusɨ dar amuam.”

Dɨboboniba 11:23

Ezɨ Ikiavɨra Itir God Moses ikaragha ghaze, “Kɨ ti gavgaviba puvatɨghama? Nɨ kɨran oveghangɨn ganigh fogham, nan mɨgɨrɨgɨam ti daghem otogham, o puvatɨgham.”