Jeremaia 31:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ men aku izamin dughiamɨn, me uan arazir kurar me amiziba gɨn amangɨsɨ, na ko mɨkɨm azi, na ko tuavimɨn izam. Kɨ me inigh men faragh mangɨ dɨpar aghuim itir danganimɨn otogh, men aku tuavir aghuibar mangɨtɨ, me ireghan kogham. Guizbangɨra, kɨ Israelian afeziamɨn mɨn itima, Efraim nan otarir ivariamɨn mɨn iti.

Jeremaia 31:9 ပူးပေါင်းရင်းမြစ်များ

Matyu 5:4

Ia datɨrɨghɨn azia itir gumazamiziba, ia bar akuegham. Kamaghɨn ian naviba deragh.

Jeremaia 3:4

Ia datɨrɨghɨn na mɨgɨa ghaze, ‘Ikiavɨra Itir God, nɨ en afeziam, egha igiamra e gifongegha iza datɨrɨkɨn.

Ua Me Ini 4:22

Eghtɨ nɨ kamaghɨn atrivim mɨkɨm suam, ‘Ikiavɨra Itir God kamaghɨn nɨ mɨgei, “Israel nan otarir ivariam.

Jeremaia 50:4

Ikiavɨra Itir God kamaghɨn mɨkeme: “Bizir kaba otivamin dughiamɨn, Israelian gumazamiziba ko Judaba uari akuvagh ua uan nguazimɨn izam. Me izɨva navibagh iragh aziva, uamategh na baghvɨra izam. Kɨ Ikiavɨra Itir God, men God.

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Aisaia 63:13

A men faragha zuima, me tuavir ongarir bar konimɨn itimɨn aruava an gɨn zui. Egha me ghua dɨpaba puvatɨzir danganimɨn itir, hoziar atiabar mɨn pamtemɨn dɨka ghua daghirezir puvatɨ.

Onger Akaba 23:2

A na inigha ghua grazir aghuiba itir danganimɨn na atɨzɨ, kɨ dagh isɨn irav iti. A na inigha dɨpar aghuiba itir danganibar zuima, kɨ dar boroghɨn avughsa iti.

Akar Mogomem 7:17

Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

Luk Osirizir Akar Aghuim 6:21

Ia datɨrɨghɨn mɨtiriam aziba, ia gɨn izɨvagham, kamaghɨn ian naviba deragh. Ia datɨrɨghɨn azi darasi, ia gɨn akam, kamaghɨn ian naviba deragh.

Matyu 6:9

“Kamaghɨn amizɨ, ia kamaghɨn God ko mɨkɨm: “ ‘En Afeziar uan Nguibamɨn itim, nɨn ziam bar zue, ezɨ arazir kuraba an saghon iti.

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

Jeremaia 3:19

Kɨ Ikiavɨra God, kɨ ua kamaghɨn mɨgei, “Israelia, kɨ fomɨra ia damightɨ ia guizbangɨra nan boribar otivasa nɨghnɨsi. Egha nguazir bar aghuir kam ia danɨngasa bar akonge. Nguazir dirir kam, gumazamizir igharazibar nguaziba bar dagh afira. Eghtɨ ia an ikɨ mamaghɨra ikiam. Kɨ kamaghɨn ia gɨnɨghnɨgha ghaze, ia na dɨpon suam, Nɨ en Afeziam. Egh ia zurara nan gɨn izɨ, uamategh mangan markɨ.

Aisaia 64:8

O Ikiavɨra Itir God, nɨ en Afeziam, nɨ mati mɨnebar ingarir gumazim. Ezɨ e mati, gumazim nguazim isa uan dafarimningɨn nguazir mɨnebar ingari. Ezɨ nɨ uan dafarimningɨn en ingari.

Aisaia 57:14

Ikiavɨra Itir God kamaghɨn mɨgɨa ghaze, “Nan gumazamiziba ua na bagh izɨ. Kamaghɨn amizɨ, ia me bagh deraghvɨra tuaviba akɨr, egh tuavim apɨrizɨ biziba isɨ da makun. Puvatɨghtɨ, bizir katam men suetam mɨtɨghtɨma me daghiregham.

Hibru 12:23

Ia Godɨn borir ivariabar ivɨriar ekiam batogha gɨfa, kar Godɨn Nguibamɨn itir Akɨnafarimɨn ziaba osirigha gɨvazir darasi. Ia Godɨn kam batogha gɨfa, a gumazamiziba bar men araziba tuisɨghamin Jas. Ia, gumazir fomɨra Godɨn damazimɨn bar deragha egha aremegha, deravɨram otiviziba, ia men duaba batifi.

Hibru 12:13

ia da inigh tuavir aghuimɨn daruvɨra ikɨ. Ia kamaghɨn damutɨ ian sueba bar ikuvighan kogham. Puvatɨ, da ua deragham.

Hibru 5:7

Ezɨ dughiar Iesus nguazimɨn itim, a pamtemɨn God ko mɨgɨa egha diav azi. A fo, an ovengan koghsɨ, God an akuraghamin gavgavim iti. Kamaghɨn amizɨ, a uabɨ uan ifongiam dɨkabɨragha Godɨn apengan ikia, an akam barasi. Ezɨ God an dɨmdiam barasi.

Akɨnafarir Pol Romɨn Nguibar Ekiamɨn Itir Sios Bagha Osirizim 8:26

Kamaghɨra, e gavgaviba puvatɨzir darasi, Godɨn Duam en akurvasi. E fozir puvatɨ, e manmaghɨn biziba bagh God ko mɨkɨmam? En mɨgɨrɨgɨaba otefe. Kamaghɨn amizɨ, Godɨn Duam uabɨ e bagha God ko mɨgɨa, tuavara, an ararem akar e mɨkɨman asazibagh afira.

Matyu 3:3

Godɨn akam inigha izir gumazim Aisaia fomɨra Jonɨn gun mɨgɨa ghaze, “Gumazir tiarir mam gumazamiziba puvatɨzir danganimɨn dɨa ghaze, ‘Ia Ekiam bagh tuaviba azenɨva, dar kɨr.’ ”

Hosea 12:4

Dughiar kamɨn, a Godɨn ensel ko mɨsogha a gafira. Egha Jekop uabɨn apangkuvasa puvɨra Godɨn ingarava ara, an azangsɨsi. Dughiar igharazimɨn, God Betelɨn nguibamɨn Jekop bato, egha a ko mɨgei.

Aisaia 63:16

O Ikiavɨra Itir God, nɨ bar guizbangɨra en Afeziam. En inazir afeziamning, Abraham ko Jekop, aning ua e ko itir puvatɨ, egha e gɨfozir puvatɨ. Ezɨ nɨrara, nɨ fomɨram en Akurvazir Gumazimɨn ikia, e geghuva deragha en gara iza datɨrɨghɨn tu.

Godɨn Araziba 32:6

Ia bar onganigha fofozitam tong ian dapanibar itir puvatɨ. Ikiavɨra Itir God, a ian afeziam. A ian ingarizɨ ia otivigha datɨrɨghɨn ikɨzir mamɨn mɨn oto. Ezɨ kar ti ia an arazir aghuiba ikarvaghasa, arazir kurar kamɨn a gami.

1 Eghaghaniba 29:10

Egha Atrivim Devit gumazamizibar damazimɨn Ikiavɨra Itir Godɨn ziam fa kamaghɨn a mɨnabi: “O Ikiavɨra Itir God, nɨ en inazir afeziam Israelɨn God, e nɨn gumazamiziba, e zurara nɨn ziam fɨ mamaghɨra ikiam.

Dɨboboniba 2:18

“Eghtɨ aruem uaghiri naghɨn, anabar 3pla, Efraimɨn anabamɨn ababanim itir fleghɨn boroghɨn, me uan ikɨziba ko uan gumazir dapaniba ko ikɨ. Amihutɨn otarim Elisama, a Efraimɨn anabamɨn gumazir dapanim, ezɨ Efraimɨn anabam, 40,500plan gumaziba iti, me mɨdorozim damuan tughatɨ. Ezɨ Efraimɨn anabamɨn adarazir mɨriamɨn, Manasen anabamɨn adarazi ikɨ. Ezɨ Pedasurɨn otarim Gamaliel, a Manasen anabamɨn gumazir dapanim, ezɨ Manasen anabam 32,200plan gumaziba iti, me mɨdorozim damuan tughatɨ. Ezɨ Manasen anabamɨn adarazir mɨriamɨn, Benjaminɨn anabamɨn adarazi ikɨ. Ezɨ Gideonin otarim Abidan, a Benjaminɨn anabamɨn gumazir dapanim, ezɨ Benjaminɨn anabam, 35,400plan gumaziba iti, me mɨdorozim damuan tughatɨ. Anabar 3plan kaba bar moghɨra, men dɨbobonim, 108,100plan gumaziba. Dughiar Israelia tuavimɨn mangamimɨn, 3plan anabar kabar adarasi, me Livaibar gɨn mangam.

Onger Akaba 89:27

Kɨ David amɨsevezɨ a nan otarir ivariamɨn iti. A nguazimɨn atriviba bar dagh afiragh, men atrivir dapanimɨn ikiam.

Onger Akaba 107:7

A me inigha biaghatɨgha ghua nguibar ekiar me an aven dapiamin mamɨn me atɨ.

Aisaia 42:16

Kɨ uan gumazamiziba inigh tuavir me fomɨrama aruizir puvatɨzimɨn me atɨghtɨ, me an mangam. Me datɨrɨghɨn mati damaziba okavigha amɨnirbɨrimɨn iti. Eghtɨ kɨ amɨnirbɨrim me dam anedegh, angazangarim me danɨngam. Tuavir fɨghtɨzir kurar me fomɨram aruiziba, kɨ da akozeghtɨ, me tuavir voroghɨra ireghav itibar aruam. Kɨ guizbangɨra, me gɨn amadaghan kogham. Bizir kɨ damuasa mɨkemezir kaba, kɨ tam ateghan kogham. Kɨ guizɨn dar amightɨ, da otivam.

Aisaia 43:20

Nan gumazamizir kɨ ua bagha mɨseveziba, me dɨpabar amɨ, kɨ dɨpam damightɨ, a danganir mɨsɨngizimɨn otoghtɨ, bizir kam bangɨn asɨzir atiaba, ko afiar atiaba, ko poneba ziar ekiam na danɨngam.

Aisaia 45:11

Ikiavɨra Itir God, a Israelian Godɨn Bar Zuezim. Egha a Godɨn men ingarizim, a me gamizɨ me ikɨzir vamɨran gumazamizibar oto, a kamaghɨn mɨgɨa ghaze, “Ia gɨn otivamin biziba bagh nan azangam. Egh arazir manam kɨ an gɨn mangɨ uan boribar ganɨva, egh arazir manam kɨ an gɨn mangɨ uan dafarimningɨn ingangarim damuam, ia dar amusɨ, bar na mɨkɨman markɨ. Bar markiam. Kar nan bizir kɨ damuamibara.

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Malakai 2:10

E bar moghɨra afeziar vamɨra iti. Ezɨ Ikiavɨra Itir Godɨn vamɨra an e gamizɨ e otifi. Egha manmaghsuavɨra, e uari uan namakaba ko, dɨkɨrɨzir akaba abɨagharɨsi? Egha manmaghsuavɨra, e Ikiavɨra Itir God, en ovaviba ko Dɨkɨrɨzir Akar Gavgavim an gɨn zuir puvatɨ? Arazir kam, bar ikufi!

Godɨn Araziba 14:1

Moses kamaghɨn Israelia mɨgei, “Ikiavɨra Itir God, ian God, a ua baghavɨra ia ginabazɨ ia an boriba. Kamaghɨn amizɨ, ian gumazitam aremeghtɨ ia a bagh aziva, ikɨzir igharaziba ami moghɨn, uan mɨkarzibar ghor, egh mɨnedevir arɨzibagh isan markɨ.