Jeremaia 31:7 - Godɨn Eghaghanim: Akar Gavgavir Dɨkɨrɨzir Ghurim ko Igiam7 Egha Ikiavɨra Itir God ua kamaghɨn mɨgei, “Ia, Jekopɨn adarazi bagh bar akongegh ighiabar amu, gumazamizir kaba gumazir igharazibagh afira. Ia pamtem, ziar ekiam na danɨngamin ighiabar amu, egh kamaghɨn mɨkɨm, ‘Ikiavɨra Itir God, nɨ uan gumazamiziba ua me inigh, kar Israelian ikiavɨra itir varazira.’ အခန်းကိုကြည့်ပါ။ |
Jeremaia 31:7
37 ပူးပေါင်းရင်းမြစ်များ
Aisaia Israelia gɨnɨghnɨgha kamaghɨn akam akuri, “Guizbangɨra, Ekiam dughiar vamɨra gumazamizir nguazimɨn itiba bar men araziba tuisɨgh, zuamɨra men ivezir kuram isɨ me danighɨva bar me gasɨghasɨgham. Fomɨra, Israelian gumazamiziba, mati ongarimɨn itir gigimɨn mɨn bar avɨraseme, ezɨ pura bizim, me markɨ. Ekiam men ikiavɨra itir varazira, ua me inigham.”
Kɨ Ikiavɨra Itir Godɨn Gavgaviba Bar Itim, Israelian God, kɨ zurara angamɨra ikia, guizbangɨra mɨgɨa Akar Gavgavir kam gami, Moapia ko, Amonia me ikuvigham, mati Sodom ko, Gomora ikuvizɨ moghɨn me ikuvigham. Eghtɨ ikarɨzir ataghatariba otivigh men nguazim bar anevegham. Eghtɨ amangsɨzim itir moziba nguibar kamɨn otoghtɨ a bar ikuvigh kamaghɨra ikiam. Eghtɨ nan adarazir ikiavɨra itir varazira, me, me mɨsogh pura men biziba iniva, men nguaziba iniam.”
Ikiavɨra Itir God ua kamaghɨn Jekopɨn ovavir boribav gɨa ghaze, “Kɨ uamategh Israelian gumazamizir itir varazira ua me akuvagham. Egh mati gumazim sipsipba inigha iza dɨvazimɨn aven me akuvi moghɨn, kɨ ua me akuvagham. Eghtɨ me kalabusɨn dɨpenibar tiar akabar uari akuvam. Eghtɨ gumazamiziba ua ian nguazim bar a gizɨvagham, mati sipsipɨn avɨrim grazir aghuir avɨribar tongɨn ikia ada api.”
Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”
Asirian atrivim uan abuir gumazim amadazɨ, a iza dɨbovir akabar en Godɨn Zurara Ikiavɨra Itim mɨkeme. E fo, Ikiavɨra Itir God, an dɨbovir akaba baregha gɨfa, egh gumazir kamaghɨn amizim, God ivezir kuram a danɨngam. Kamaghɨn amizɨ, nɨ en akuragh God ko mɨkɨmtɨ, Ikiavɨra Itir God, e varazira en akuraghtɨ, e ovengan kogham.”
Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.
“O nguazir kamɨn itir ikɨzibar gumazamiziba, ia bar Ikiavɨra Itir Godɨn gumazamizibar ziaba fɨ. Ia aseba bar, ia Godɨn damazimɨn teviba apɨr. A gumazir an gumazamizibav sozi me ariaghɨriba, a ivezir kuram me danɨngam. A uan apanibar arazir kuraba ikarvasi. Egh a uan gumazamizibar nguazim damightɨ, an an damazimɨn bar zuegham.”
Egh ia zurara deraghvɨra Ikiavɨra Itir God, ian Godɨn Akar Gavgavir kɨ datɨrɨghɨn ia ganɨdibar gɨn mangɨtɨ, Ikiavɨra Itir God, ia damightɨ, ia ikɨzir igharazibar gumazamiziba gativagh men gantɨ, me ian apengan ikiam, mati ia men dapanimɨn ikɨtɨ, me ian puemɨn ikiam. Egh ia zurara bizir avɨriba ikɨva, bizitamɨn oteveghan kogham, mati ia ikɨzir igharaziba bar dar pɨn iti.
Eghtɨ me izɨ Saionɨn Mɨghsɨamɨn tugh bar akuegh, egh bar pamtemɨn araghasɨ dɨm ighiabar amuam. Egh bizir bar aghuir Ikiavɨra Itir God me ganɨngiziba bagh bar akuegham. Egh me wit ko, wain ko, olivɨn boreba ko, sipsipba ko, bulmakaun kɨ me ganɨngiziba, me da bagh bar akuegham. Egh me bar deraghvɨram otivigham, mati dagher azenim dɨpamɨn otevezir puvatɨ. Egh me ua pazɨ ikian kogham.
ကြော်ငြာတွေ