Jeremaia 31:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egh ia uam uari, uari bagh Samarian mɨghsɨabar wainɨn azenir igiabar ingar. Egh ia wainɨn azenir kaba oparizir darasi, ia uari uan wainɨn ikarɨzir kabar ovɨziba iniva bar akuegham.

Jeremaia 31:5 ပူးပေါင်းရင်းမြစ်များ

Amos 9:14

Kɨ uan gumazamiziba Israelia inigh, uamategh men nguibamɨn mangam. Eghtɨ me uan nguibar ekiar ikuviziba akɨrigh, ua dar apiam. Eghtɨ me ua wainɨn ikarɨziba opar wainɨn dɨpabar amɨva dar amam. Egh me uam azenibar ingar dar dagheba iniva dar amam.

Godɨn Araziba 28:30

“Egh ia gumazitam bagh amizim ginabaghtɨ, gumazir kam an ikeghan kogham. Puvatɨ. Gumazir igharazim a gakaghon a gekuigh a ko dakuam. Ia dɨpenimɨn ingarigh, egh an ikeghan kogham. Ia wainɨn azenim oparigh, egh an ovɨzibar ameghan kogham.

Maika 4:4

Kar Ikiavɨra Itir Godɨn Gavgaviba Bar Itim akam akɨrigha ghaze, gumazamiziba vaghvagh deraghvɨra uari uan wainɨn ikarɨziba ko fighɨn temebar boroghɨn dapiam. Egh me deragh ikɨtɨ, tav ua izɨ atiatim me danɨngan kogham.

Sekaraia 3:10

Kɨ Ikiavɨra Itir Godɨn Gavgaviba Bar Itim, kɨ ghaze, dughiar kam otoghtɨma, ia vaghvagh uan namakaba inigh izɨ ia ko ikiam. Eghtɨ me ia ko wainɨn azenibar daperagh fighɨn temebar apengan ikɨ, avughsɨ deraghvɨra ikiam.”

Obadia 1:19

Ikiavɨra Itir God Israel mɨgɨa ghaze: “Gumazamizir Negevɨn Distrighɨn aven itir nguibabar itiba, me Ison ovavir boribar mɨghsɨaba inigh dar ikiam. Eghtɨ ian gumazamizir mɨghsɨar muziaribar itiba, me Filistian nguaziba iniam. Eghtɨ Israelɨn igharaz darazi Efraimɨn nguazim ko Samaria nguazim iniam, eghtɨ Benjaminɨn adarazi Jordanɨn Fanem girɨgh, vongɨn aruem anadi naghɨn Gileatɨn danganim iniam.

Esekiel 36:8

“Eghtɨ Israelɨn mɨghsɨaba, ia gisɨn temeba ua murɨva Israelɨn ikɨzim bagh uam ovɨziba ituam. Me bar kɨran oveghangɨn uamategh uan nguibabar izam.

1 Samuel 21:5

Devit kamaghɨn Ahimelek mɨgei, “Kɨ guizbangɨra nɨ mɨgei, e dɨmangan amiziba koma akuizir puvatɨ. E zurara pura uan apanibav soghamin dughiaba, en mɨdorozir gumaziba ko men biziba Godɨn damazimɨn zue. E datɨrɨghɨn uaghan Godɨn damazimɨn zue.”

Godɨn Araziba 20:6

Ezɨ gumazitaba ti kagh ikia wainɨn azenir igiaba oparigha, egh dar wainɨn dɨpaba tɨghar da iniam? Gumazir kamaghɨn amiba ikɨ, egh uamategh uan dɨpenibar mangɨ. Me mɨdorozimɨn oveghtɨ, gumazir igharaziba men wainɨn ovɨzir igiaba iniam.

Onger Akaba 107:37

Ezɨ me dagheba opara, egha wainɨn beniba opari, egha dagher avɨriba ikia, wainɨn ovɨzir avɨriba iti.

Jeremaia 32:15

Guizbangɨra, arazir kamɨn mɨngarim kamakɨn: Ikiavɨra Itir Godɨn Gavgaviba Bar itim, Israelian God, a ghaze, Gɨn gumazamiziba ua dɨpeniba ko, nguaziba ko, wainɨn azeniba nguibar kamɨn a dagh ivezam.

Esekiel 28:26

Me nguazir kamɨn deravɨra ikɨ, egh dɨpenibar ingarɨva wainɨn azeniba oparam. Men boroghɨn itir gumazamizir men apanim gamua dɨbovir akar kurabar me mɨgeiba, kɨ ivezir kuram me danɨngam. Eghtɨ Israelia, deravɨra ikiam. Eghtɨ me kamaghɨn fogh suam, kɨ Ikiavɨra Itir God, men God.”

Maika 1:6

Kamaghɨn amizɨ, Ikiavɨra Itir God ghaze, “Kɨ Samarian nguibar ekiam gasɨghasigh, an mɨzumzuiariba azenan dar pozim mɨkɨnigham. Eghtɨ a wainɨn biar igiaba oparamin danganimɨn mɨn otogham. Kɨ an dɨpeniba bar da apɨrarightɨ, da dagɨar muziaribar otivigh ikiam. Eghtɨ dagɨar muziarir kaba irɨ poghpogh danganir zarimɨn magɨrɨ, dɨpenibar danganir faragha ikeziba avaraghan kogham.