Jeremaia 31:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁴ Kɨ Ikiavɨra Itir God, kɨ guizbangɨra mɨgei, dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ikiavɨra Itir God gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba. Eghtɨ kɨ men arazir kuraba gɨn amadaghɨva ua dagh nɨghnɨghan kogham.”

Jeremaia 31:34 ပူးပေါင်းရင်းမြစ်များ

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

Hibru 8:12

Eghtɨ kɨ men apangkuvigh men arazir kuraba gɨn amangɨva, egh ua dagh nɨghnɨghan kogham.”

1 Jon 2:27

Ezɨ Godɨn Duam ia avaragha, ia ko iti. Eghtɨ gumazitam ian sure damuan kogham. Godɨn Duam biziba bar ian sure gami. Godɨn Duamɨn akaba guizbangɨra, da ifari puvatɨ. Godɨn Duam ian sure gamizɨ moghɨn, ia Krais ko ikɨ.

Aisaia 54:13

Kɨ Ikiavɨra Itir God, kɨ uabɨ nɨn boriba bar men sure damuam, eghtɨ me dabirabir bar aghuim ikiam.

Jeremaia 33:8

Me na batuegha, arazir kuram gami. Ezɨ kɨ men arazir kuraba gɨnamadagham, egh men arazir kurabar osɨmtɨzim agɨvagh me damightɨ, me nan damazimɨn zuegham.

Jeremaia 50:20

Ezɨ kɨ Ikiavɨra Itir God, kɨ kamaghɨn mɨgei: Dughiar kamɨn kɨ Israelia ko Judan ikiavɨra itir varazira, kar kɨ taghizɨ deravɨra itiba, kɨ men arazir kuraba gɨn amadagham. Eghtɨ arazir kuratam ko osɨmtɨzir tam men ikian kogham. Eghtɨ gumazitam akatam me gasɨsɨ damuva avegham.”

Jon Osirizir Akar Aghuim 6:45

Akar kam kamaghɨn Godɨn akam inigha izir gumazibar Akɨnafarimɨn iti, ‘God bar gumazamizibar sure damuam.’ Ezɨ kamaghɨn gumazamiziba Afeziamɨn akam baregha, Afeziam da fofozim isa na bagha izi.

1 Jon 2:20

Ezɨ ia, Iesus Godɨn Duam ia ganɨngizɨ a ia avaragha, ia gamima, ia bar guizɨn akam gɨfo.

Jon Osirizir Akar Aghuim 17:3

Ezɨ zurara itir ikɨrɨmɨrir aghuarim, a kamakɨn: Gumazamizir ikɨrɨmɨrir aghuarir kam iniziba, me nɨ gɨfo, nɨ uabɨra nɨ guizbangɨn God. Egha me Krais Iesus gɨfo, nɨ anemadazɨ a ize.

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Jeremaia 24:7

Egh kɨ men navir averiabar aven nɨghnɨzir aghuiba me danɨngtɨ, me kamaghɨn fogh suam, Kɨ uabɨ, kɨ Ikiavɨra Itir God. Eghtɨ me ua na bagha izɨva, na ko navir vamɨran ikiam. Egh nan gumazamizibar otivightɨ, kɨ men Godɨn ikiam.

1 Jon 5:20

Egha e uaghan fo, Godɨn Otarim nguazir kamɨn izegha, egha e guizɨn God gɨfoghasa, a fofozim e ganɨngi. Ezɨ e, guizɨn God uan Otarim Krais Iesus ko, aningɨn poroghav iti. Krais Iesus, a guizɨn God. Egha a ikɨrɨmɨrir aghuir zurara itim e ganɨngi.

Aposel 10:43

Godɨn akam inigha izir gumaziba bar, me Iesusɨn guizɨn akar kam akuni. Egha ghaze, gumazitam nɨghnɨzir gavgavim Iesusɨn ziamɨn ikɨtɨ, God Iesusɨn ziamɨn an arazir kuraba gɨn amangam.”

Habakuk 2:14

Eghtɨ nguazimɨn itir gumazamiziba bar deraghvɨra Ikiavɨra Itir God gɨfogham. Eghtɨ fofozir kam, nguazimɨn oteviba bar dagh izɨvagham, mati ongarim bar ghua uan danganimra tu.

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Hibru 5:12

Ia fomɨra Kraisɨn adarazir otivigha gɨfa, ezɨ kamaghɨn ia gumazamizibar Godɨn akam men sure gamighai. Puvatɨ, ian nɨghnɨziba oteveghavɨra iti, kamaghɨn gumazir igharaziba, Godɨn akar faraghavɨra ian sure gamiziba, me ua ian sure damuam. Ia dagher gavgaviba inian fɨrɨn, ia otem apavɨra iti.

1 Tesalonika 4:9

Kɨ Kraisɨn adarazi uarigh ifongezir arazim ia bagh osiran kogham. Kɨ fo, God uabɨ ia uarigh ifueghamin arazim bagha ian sure gami.

Efesus 1:7

E fo, Kraisɨn ovevemɨn God uam e inigha en arazir kuraba gɨn amada. Godɨn apangkuvim guizbangɨra bar ekevegha izɨfa. Kamaghɨn a uan apangkuvim e gufusfuzima an e girava, fofozir aghuim ko nɨghnɨzir aghuim e ganɨdi.

2 Korin 4:6

Fomɨra God kamaghɨn mɨgɨa ghaze, “Mɨtatemɨn aven, angazangarim otogh siragham.” Ezɨ Godɨn kamnangran angazangarim iza en navir averiabar ikia e gamizɨma, e Godɨn fofozir aghuiba iti. E Krais Iesusɨn guamɨn angazangarir kamɨn gara, egha e Godɨn angazangarim ko an gavgavim gɨfo.

Aisaia 11:9

Dughiar kamɨn, nguazimɨn itir gumazamiziba bar deraghvɨra Ikiavɨra Itir God gɨfogham. Eghtɨ fofozir kam, nguazimɨn oteviba bar dagh izɨvagham, mati ongarim bar ghua uan danganimra tu. Kamaghɨn amizɨ, God baghavɨra itir mɨghsɨamɨn itir gumazamiziba ko, gumazamizir igharaziba bar moghɨra uari inigh deraghvɨra ikɨva, tav pazɨ tav damuan kogh, egh me gasɨghasɨghan kogham.

2 Korin 2:10

Eghtɨ ia gumazitamɨn arazir kuraba gɨn amangɨtɨ, kɨ uaghan da gɨn amangam. Eghtɨ kɨ gɨn amangamin arazir kuratam ikɨtɨ, kɨ ian akurvaghsɨ Kraisɨn damazim a gɨn amangam.

Matyu 11:27

Egha Iesus ua kamaghɨn mɨgei, “Nan Afeziam biziba bar da isa nan dafarim gatɨ. Ezɨ gumazitam Otarim gɨfozir puvatɨ. Afeziam uabɨra a gɨfo. Egha tav Afeziam gɨfozir puvatɨ. Otarim uabɨra, ko gumazir Otarim ifuegha Afeziam isa men akaziba, merara Afeziam gɨfo.

Aisaia 33:24

Eghtɨ dughiar kamɨn, Jerusalemɨn itir gumazitam kamaghɨn mɨkɨman kogham, “Kɨ arɨmariam iti.” Eghtɨ Ikiavɨra Itir God Jerusalemɨn itir gumazamizibar arazir kuraba gɨnamangam.

Aisaia 30:26

Eghtɨ dughiar kamɨn, iakɨnimɨn angazangarim aruemɨn angazangarimɨn mɨn siragham. Eghtɨ aruem isiragh gavgavightɨ an angazangarim bar ekevegh, a fomɨra garir angazangarim gafiragham. Mati nɨ 7plan aruebar aruer angazangariba inigha aruer vamɨra gisafura. Ikiavɨra Itir God uamategh uan gumazamiziba deravɨra me damu men mɨzaziba ko osɨmtɨziba adeghtɨ me ghuamagheghamin dughiamɨn, bizir kaba otivam.

1 Eghaghaniba 28:9

“Ezɨ nan otarim Solomon, kɨ nɨ mɨgei, nɨ bar deraghvɨra uan afeziamɨn God gɨfogh an apengan ikɨsɨ, nɨ uan navir averiamɨn aven nɨghnɨzir bar vamɨra ikɨ. Egh nɨ an ifongiamɨn gɨn mangɨsɨ bar gavgafigh. Ikiavɨra Itir God en nɨghnɨziba ko ifongiabagh fo, kamaghɨn amizɨ, nɨ kamaghɨn damu. Nɨ an ifongiam gɨfoghsɨ bar gavgavightɨ, a nɨn amamangatɨghtɨ nɨ deravɨra a gɨfogham. Egh nɨ akɨrim ragh a gasaraghtɨ, a nɨ batuegh akɨrim ragh nɨ gasaraghtɨ nɨ zurara an saghon ikiam.

1 Samuel 2:12

Elin otarimning, Hopni ko Finias, aning gumazir bar kuramning. Aning ofa gamir gumazimning, egha aning ghaze, Ikiavɨra Itir God a pura bizim, egha aning arazir kurar guar avɨrir igharagha garibagh ami.

Jon Osirizir Akar Aghuim 17:6

“Kɨ nɨn ziar ekiam isa nguazir kamɨn gumazir nɨ na ganɨngizibar aka. Me nɨn gumazamiziba, ezɨ nɨ me na ganigha gɨfa. Ezɨ me deravɨra nɨn akam baragha an gɨn zui.

Luk Osirizir Akar Aghuim 1:77

Godɨn apangkuvim e ko itima, a uan gumazamiziba ua me iniamin fofozim me ganɨga, men arazir kuraba gɨn amadi. Aruemɨn angazangarim Godɨn Nguibamɨn ikegh e bagh izighiram.

Hibru 8:11

Dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ekiam gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba.

Aisaia 38:17

Ezɨ osɨmtɨzir ekiar na bativiba, kɨ dar gara fo, da nan akurvaghasa otifi. Ezɨ datɨrɨghɨn, nɨ bar moghɨra nan arazir kuraba gɨn amadagha gɨfa. Nɨ bar moghɨra na gifuegha nan amamangatɨzir puvatɨzɨ, kɨ Gumazamizir Oveaghuezibar Nguibamɨn ghuzir puvatɨ.

Jeremaia 32:40

Egh kɨ me ko Akar Dɨkɨrɨzir Gavgavir Igiam damuam. Eghtɨ Akar Dɨkɨrɨzir Gavgavir kam ikɨ mamaghɨra ikiam. Kɨ kamaghɨn akam akɨrigh suam, Kɨ deragh me damuamin arazim ateghan kogham. Egh kɨ nɨghnɨzir aghuim me danɨngam, eghtɨ me nan atiating nan apengan ikiam, egh me ua na ateghan kogham.

Hosea 2:20

Kɨ uan akar dɨkɨrɨzimɨn gɨntɨgham, eghtɨ nɨ nan amuimɨn mɨn ikɨ mamaghɨra ikiam. Egh nɨ fogh suam, kɨrara, kɨ nɨn Ikiavɨra Itir God.

Onger Akaba 25:7

Kɨ uan igiamra ikiava amizir arazir kuraba, ko nan arazir akaba batoziba, nɨ dagh nɨghnɨghan markɨ. O Ikiavɨra Itir God, nɨ deragha na gamua bar nan apangkufi, kamaghɨn amizɨ nɨ na gɨnɨghnɨgh.

Aisaia 29:24

Eghtɨ gumazamizir nɨghnɨzir aghuiba itir puvatɨziba, datɨrɨghɨn nɨghnɨzir aghuiba iniam. Ezɨ gumazamizir imoba puv akaba batoziba, me nan akaba baraghsɨ bar ifuegham.”

Aisaia 33:6

Egh ia Ikiavɨra Itir Godɨn gumazamiziba, a zurara deragh ian ganɨva, ia damutɨ ian dabirabim deragh gavgavigh ikiam. Egh a bizir aghuiba ia danɨngtɨ ia deraghvɨra ikiam. A nɨghnɨzir aghuiba ko, fofozir avɨriba ko, arazir an atiatiava an apengan itiba, da bizir bar aghuibar mɨn, an ada isa ia ganɨdi.

Aisaia 52:6

Kamaghɨn amizɨ, kɨ uabɨ mɨsevezir dughiamɨn, kɨ uabɨ uan gumazamiziba ua me iniam, eghtɨ me deravɨra nan ziam gɨfogham. Egh me kamaghɨn fogh suam, kɨrara, kɨ Ikiavɨra Itir God, kɨ uabɨra biziba bar dar gun mɨgei.”

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Maika 7:19

Nɨ uam en apangkufigh. Egh uan suemɨn biziba dɨka da abɨri moghɨn, en arazir kuraba dɨkɨ da abɨnigh, da akunightɨ da ongarir konim bar an aven magɨrɨgh.