Jeremaia 31:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Jeremaia 31:20 ပူးပေါင်းရင်းမြစ်များ

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Aisaia 63:15

O Ikiavɨra Itir God, nɨ uan Nguibamɨn iti, nguibar kam nɨn gavgavim ko angazangarim a gizɨfa. Eghtɨ nɨ pɨn ikɨ vazimɨn en gan. Nɨ tizim bagh dɨkavigh uan arazir e baghavɨra itim ko gavgavir ekiam en akakaghan aghua? Nɨ ti uamategh uan apangkuvim ko ifongiar uan navir averiamɨn aven itim, en akakaghan aghua. Nɨ ti uam e gifongezir puvatɨz, o?

Onger Akaba 103:13

E fo, afeziaba uan boribar apangkuvi moghɨra, Ikiavɨra Itir God uan gumazamizir an atiatia an apengan itibar apangkufi.

Hosea 14:4

Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Gumazir Dapaniba 10:16

Egha Israelia uan marvir guaba makunigha, aseba ategha, ua Ikiavɨra Itir God baghavɨra iti. Ezɨ Ikiavɨra Itir God Israelia aterir osɨmtɨzir kabar gara ghua bar me giporpore.

Filipai 1:8

God kamaghɨn fo, Krais Iesusɨn apangkuvim uabɨ nan navim gamima kɨ bar ian ganasa bar ifonge.

Jeremaia 48:36

Guizbangɨra, Moapia inizir bizir aghuiba, da bar ovegham. Kamaghɨn amizɨ, Kirheresɨn nguibamɨn gumazamiziba ko Moapia bar moghɨra, kɨ uan navimɨn aven bar men apangkufi. Kɨ mati gumazim apangkuvir ekiam ikia, egha marvim givia azirakar onger akabagh amua iti.

Aisaia 16:11

Kamaghɨn amizɨ, kɨ Moapia ko, Kirheresɨn nguibar ekiamɨn gumazamiziba bagha nan navim bar oseme. Gumazimɨn navim bar osemegha gita mɨsogha ighiar amɨrizibagh ami moghɨn, nan navim bar oseme.

Jeremaia 31:9

Kɨ men aku izamin dughiamɨn, me uan arazir kurar me amiziba gɨn amangɨsɨ, na ko mɨkɨm azi, na ko tuavimɨn izam. Kɨ me inigh men faragh mangɨ dɨpar aghuim itir danganimɨn otogh, men aku tuavir aghuibar mangɨtɨ, me ireghan kogham. Guizbangɨra, kɨ Israelian afeziamɨn mɨn itima, Efraim nan otarir ivariamɨn mɨn iti.

Jeremaia 3:19

Kɨ Ikiavɨra God, kɨ ua kamaghɨn mɨgei, “Israelia, kɨ fomɨra ia damightɨ ia guizbangɨra nan boribar otivasa nɨghnɨsi. Egha nguazir bar aghuir kam ia danɨngasa bar akonge. Nguazir dirir kam, gumazamizir igharazibar nguaziba bar dagh afira. Eghtɨ ia an ikɨ mamaghɨra ikiam. Kɨ kamaghɨn ia gɨnɨghnɨgha ghaze, ia na dɨpon suam, Nɨ en Afeziam. Egh ia zurara nan gɨn izɨ, uamategh mangan markɨ.

Solomon 5:4

Kɨ orazi, nan roroar gumazir kɨ bar ifongezim, tiam kuighasa uan dafarim isa aven tiar torimɨn amadagha tiar akamɨn igugunimɨn suirazɨ, nan mɨkarzim na dɨkafi, ezɨ kɨ a baghavɨra ikia bar akonge.

Aghuzir Akaba 3:12

Guizbangɨra, gumazamizir Ikiavɨra Itir God ifongeziba a me akɨrmɨsi, mati afeziam uan otarir a bar ifongezim akɨri.

1 Atriviba 3:26

Ezɨ guizɨn borir kamɨn amebam bar uan borimɨn apangkuvigha kamaghɨn atrivim mɨgei, “Nan gumazir ekiam, markɨ. Ga uaning! Nɨ borim amizir munam danɨngigh. Nɨ a mɨsueghtɨ an aremeghan markɨ.” Ezɨ amizir igharazim ghaze, “Puvatɨ. Nɨ gan tav danɨngan kogham. Nɨ pura tongɨram anebɨkigh.”

Godɨn Araziba 32:36

Ikiavɨra Itir God uan ingangarir gumazamizibar gantɨ men gavgavim gɨvagham. Eghtɨ a men apangkuvigh suam, me nan damazimɨn osɨmtɨziba puvatɨ. Dughiar kamɨn, gumazamizir vabara ikɨvɨra ikɨtɨ, a men akurvagham.

Jenesis 43:30

Egha Josep uan dozim bar an apangkuvigha, bar aziasava ami. Egha zuamɨra dɨkavigha akuir danganimɨn aven ghughava, azi.

Luk Osirizir Akar Aghuim 15:32

Nɨn dozim aremegha ua dɨkafi. Egha an ovengezɨ e uam an api. Kamaghɨn amizɨ, e a bagh isam gamua ivarvari.’ ”

Jeremaia 3:12

Kamaghɨn amizɨ, Jeremaia, nɨ dɨkavigh notɨn amadaghan mangɨ dɨmɨva nan akamɨn gun kamaghɨn me mɨkɨm, Kɨ Ikiavɨra Itir God, kɨ ghaze, Israelia, ia nɨghnɨzir gavgavir nan itir arazim ataki, mati amizim uan pam ategha par igharazimɨn iti. Nan apangkuvir arazim a bar ekefe. Kamaghɨn ia uamategh na bagh izɨ. Kɨ ua navir kuram ian ikɨ zurara ian anɨngaghan kogham.

Jeremaia 33:26

ezɨ bar guizbangɨra, kɨ Jekopɨn ovavir boriba ko nan ingangarir gumazim Devitɨn ikɨzim, akɨrim ragh me gasaraghan kogham. Puvatɨ. Kɨ Abraham ko, Aisak ko, Jekopɨn ovavir boriba gativsɨ, Devitɨn ovavir boribar tongɨn atrivibar amutɨ me otivam. Guizbangɨra, kɨ kuarkuvim men ikɨ me damutɨ, me ua deraghvɨra ikiam.”

Esekiel 33:11

Nɨ me mɨkɨm suam, kɨ Ikiavɨra Itir Godɨn Ekiam, kɨ zurara angamɨra ikia mamaghɨra ikia, egha kɨ uan ziamɨn bar guizbangɨra ia mɨgei: Arazir kurabagh amir gumazamiziba ariaghɨrima, nan navim derazir puvatɨ. Kɨ kamaghsua, me arazir kuraba ategh angamɨra ikiasa kɨ ifonge. O Israelɨn ikɨzim, ia oragh! Arazir kurar ia amiba, ia da atakigh, egh ua na bagh izɨ. Ia tizim bagha ovengasa?

Ofa Gami 26:44

Egh ia apanibar nguazimɨn ikɨtɨ, kɨ bar ia ateghan kogh, bar ia gasɨghasɨghan kogham. Bar puvatɨ. Kɨ fo, kɨ kamaghɨn damightɨ, Akar Dɨkɨrɨzir Gavgavir kɨ ia ko amizir kam, a gɨvagham. Kɨ Ikiavɨra Itir God, ian God, kɨ arazir katam damighan kogham.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.