Jeremaia 31:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Ezɨ kɨ Ikiavɨra Itir God, kɨ ghaze, Resel, nɨ uam azian markɨ. Nɨ uan damazimɨn teriba adɨsigh. Nɨn azir akam pura zuir puvatɨ. Nɨn boriba apanibar kantri ategh ua nɨ bagh izam.

Jeremaia 31:16 ပူးပေါင်းရင်းမြစ်များ

Rutɨn Eghaghanim 2:12

Nɨ arazir aghuim gamizir bizim, Ikiavɨra Itir God nɨ ikaragh ivezir aghuim nɨ danɨng. Guizbangɨra, Ikiavɨra Itir God, Israelian God nɨ geghuv nɨ avaragh nɨn ganasa nɨ ifonge, kamaghsua nɨ a bagha ize. Eghtɨ a deraghvɨra nɨ damuam.”

Jeremaia 30:3

Kɨ Ikiavɨra Itir God, nan gumazamiziba Israelia ko Judaba, me ua deraghvɨra ikiasa, kɨ me bagha dughiam amɨsevegha gɨfa. Kɨ ua men aku nguazir kɨ men ovavibagh anɨngizimɨn izam, eghtɨ a ua men nguazimra otogham.”

Hibru 11:6

Ezɨ gumazir nɨghnɨzir gavgavim Godɨn itir puvatɨzim, a Godɨn ifongiamɨn gɨn mangan koghtɨ an a bagh bar akongeghan kogham. Guizbangɨra, gumazir Godɨn boroghɨra mangasava amim, a nɨghnɨzir gavgavim kamaghɨn ikɨ, God a iti. Egh a nɨghnɨzir gavgavim kamaghɨn ikɨ, God deravɨra gumazamizir a buribagh ami.

Hibru 6:10

God a gumazir kuram puvatɨ, a ingangarir aghuir ia amizibagh fo, ia God gifongezir arazimra Godɨn gumazamizibar akagha men akurvasi, egha ia kamaghɨn amuavɨra iti. Egh a bizir kaba bakɨnɨghnighan kogham.

2 Eghaghaniba 15:7

Eghtɨ iarara ingangarir aghuim damusɨ bar gavgafigh. Ia bar mɨtivigh gavgavightɨ, Ikiavɨra Itir God ian ingangarimɨn gan, deravɨra ia damuam.”

Jeremaia 33:7

Kɨ dughiar kamɨn Judaba ko Israelia damightɨ me ua deraghvɨra ikiam. Egh me damightɨ me uan gumazamizir fomɨra ikeziba, ikezɨ moghɨn gavgavigh ikiam.

Jeremaia 30:18

Ikiavɨra Itir God kamaghɨn mɨgei: “Kɨ Jekopɨn adarazir apangkuvigh, egh men akuragham. Eghtɨ me uari bagh dɨpenibar ingar, egh deraghvɨra ua uan nguazimɨn ikiam. Egh Jerusalem fomɨra ikezɨ moghɨn, me uam an ingaram. Egh atrivimɨn dɨpenim me an danganimra an ingaram.

Aisaia 30:19

Ia Jerusalemia, ia Saionɨn Mɨghsɨamɨn iti, ia ua kuarkuv aziv arangan kogham. Ezɨ Ikiavɨra Itir God datɨrɨghɨn ian apangkuvigha, deravɨra ia damuasa gara iti. Egh ia uari bagh an azangsɨgh an dɨmtɨ, a zuamɨra ian dɨmdiam baregh ian akuragham.

Fofozir Gumazim 9:7

Aria, nɨ mangɨ damɨ bar akongegh. Egh nɨ wainɨn dɨpam amɨ navir amɨrizim inigh. God arazir kamɨn amamangatɨ.

Jeremaia 23:3

Gumazamizir kɨ amangizɨ ghua kantrin igharazibar itiba, kɨ ua men ikiavɨra itir varazira aku izɨ me isɨ men dɨvazimɨn aven me arɨgham. Eghtɨ me borir avɨriba batɨva bar avɨrasemegham.

Aisaia 25:8

Egh God ovevem dɨkabɨragh, a gasɨghasɨgh, bar a gafiragham. Ikiavɨra Itir God, en Ekiam, men ararem agɨvagham, egh bar gumazamizibar damazibar teriba bar da adizam. Egh a uan gumazamizir aghumsɨgha itiba, a men aghumsɨziba bar da gɨvagham. Kar, Ikiavɨra Itir God kamaghɨn damuasa mɨkemezir akam.

1 Tesalonika 4:14

E kamaghɨn nɨghnɨzir gavgavim iti. Iesus aremegha ua dɨkafi. Kamaghɨn amizɨ, en nɨghnɨzir gavgavim kamakɨn, God gumazir nɨghnɨzir gavgavim an ikiava ovengezibar amightɨ, me ua dɨkavigh egh Iesus ko ua izam.

Jeremaia 29:14

Kɨ Ikiavɨra Itir God, kɨ guizbangɨra mɨgei, kɨ ia ateghtɨ ia nan boroghɨra izam. Eghtɨ kɨ ua ia damutɨ ia deraghvɨra ikiam. Eghtɨ kɨ kantriba ko danganir kɨ ia batoghezɨ ia ghueziba, kɨ me da bar moghɨra ia akuvagh ia iniam. Egh kɨ ua ian aku danganir ia fomɨra ikezimɨn mangam.

Onger Akaba 30:5

Guizbangɨra, a en atarir adariba, da dughiar otevimra iti. Ezɨ dughiar e nguazir kamɨn itimɨn, a uan navim sara e gifongegha deragha e gami. Dɨmangan en temeriba iregham, egh amɨmzaraghan e deragh ikɨ bar akuegham.

Hosea 1:11

Eghtɨ ikɨzir kamning, Juda ko Israel ua uaning akuvagh, kantrin vamɨran otogham. Me gumazir men faragh mangamin vamɨra amɨseveghtɨ, men kantri, ua kantrin bar gavgavimɨn otogham, eghtɨ me damuamin biziba, da bar deravɨram otivam. Me mati God ingarizir azenimɨn mɨn otogham, mati Jesrilɨn azenir aghuim. Bar guizbangɨra, God ingangarir kam damuamin dughiam, a bar dughiar ekiam.

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Jenesis 43:31

Egha gɨn a uan guam rue. Egha a gavgavim inigha uamategha me bagha iza ingangarir gumazim mɨgɨa ghaze, nɨ mangɨ dagheba tuigh dagher dakozim dafegh.

Jenesis 45:1

Ezɨ Josep oregha bar apangkuvir ekiam ikia, egha kamaghɨn an aziasava ami. Kamaghɨn, a uan ingangarir gumazibar diagha ghaze, “Ia bar moghɨra azenimɨn mangɨ.” Eghtɨ a uabɨra uan aveghbuaba ko ikiam. Egha a kamaghɨn me mɨgɨa ghaze, “Kɨ Josep. Kɨ ian aveghbuam.”

Onger Akaba 126:5

Gumazir aravɨra dagheba opariba, me dar dagheba iniva bar akuegh dɨmɨva arangam.

Aisaia 40:10

Ia gan. Ikiavɨra Itir God, ian Ekiam, a uan gavgavir ekiam sara izi. A uan apaniba dɨkabɨragha gɨfa. Egha a uan gumazamiziba, ua me inigha izi, mati bizir aghuir a mɨdorozimɨn me dɨkabɨragha inizir biziba.

Esekiel 37:21

Eghtɨ nɨ me mɨkɨm suam: Kɨ Ikiavɨra Itir Godɨn Ekiam, kɨ kamaghɨn mɨgei: Israelia ghua kantrin igharazibar tongɨn itibar aven, kɨ me akuvagh, me inigh ua men nguazimɨn izam.