Jeremaia 31:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Kɨ gumazamizibar amutɨ, me ofan avɨriba inigh na bagh izam. Eghtɨ kamaghɨra, ofa gamir gumaziba dagher aghuir avɨriba ikiam. Eghtɨ kɨ bizir bar aghuiba uan gumazamizibar anɨngtɨ, me bizitamɨn oteveghan kogham. Kɨ Ikiavɨra Itir God, kɨ mɨkemegha gɨfa.”

Jeremaia 31:14 ပူးပေါင်းရင်းမြစ်များ

Jeremaia 31:25

Eghtɨ gumazitamɨn mɨkarzim amɨragham, kɨ ua gavgavim a danɨngam. Eghtɨ gumazitam amɨragh damaziba an siram, kɨ gavgavir igiam a danɨngam.”

1 Pita 2:9

Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.

Jeremaia 33:9

Eghtɨ nguazir kamɨn gumazamiziba bar bizir avɨrir aghuir kɨ Jerusalemia gamizibar ganigham. Egh gumazamizir kaba bar akuegh navir amɨrizim nan ikɨva, ziar ekiam na danɨngam. Egh gumazamizir kaba Jerusalemian dabirabir aghuimɨn ganɨva, bizir aghuir kɨ Jerusalem ganɨngizibar ganɨva, atiating nɨghɨva akong dɨgavir kuram damigham.”

Efesus 3:19

Guizbangɨra Krais gumazamizibagh ifongezir arazim a gumazamizibar fofozim bar a gafira. Eghtɨ ia guizbangɨra arazir kam gɨfogham. Eghtɨ bizir aghuir God gizɨvaziba, uaghan bar ia gizɨvagham.

Onger Akaba 107:9

Guizbangɨra, a kuariba pɨrir adarasi, dɨpaba me ganɨdima, me apa bar izefi. Ezɨ mɨtiriaba azi darasi, a dagheba me ganɨdima, me apa bar izefi.

Efesus 1:3

E Krais Iesusɨn poroghav iti, ezɨ tuavir kamɨn God deravɨra e gamua en duabar akurvaghasa uan Nguibamɨn otivir bizir aghuiba e ganɨdi. Kamaghɨn, e God mɨnamam, a en Ekiam Krais Iesusɨn Afeziam ko an God.

Matyu 5:6

Ia gumazamizir arazir aghuiba baghavɨra ikia egha mati gumazim mɨtiriam an azi, egha mati gumazim kuarim an pɨri, God ian mɨtiriam a gɨvagham. Kamaghɨn ian naviba deragh.

Aisaia 61:6

Eghtɨ ia uari Ikiavɨra Itir Godɨn ofa gamir gumazibar mɨn ikɨtɨ, me ziar kam Godɨn ingangarir gumaziba ia darɨgham. Eghtɨ Kantrin Igharazibar Gumazamiziba ia bagh bizir avɨriba inigh izɨtɨ, ia bizir bar avɨriba ikiam. Eghtɨ ia bizir avɨrir me ia danɨngamiba bagh, bar akuegham.

Aisaia 25:6

Egh Saionɨn Mɨghsɨam, Ikiavɨra Itir Godɨn Gavgaviba Bar Itim, isar bar ekiam kantribar gumazamiziba bar me bagh a damuam. Eghtɨ isar kam bar deragham, egh asɨzir bar aghuir oviba itiba ko, damamin wainɨn dɨpar bar aghuiba an ikiam.

Onger Akaba 132:16

Kɨ Saionɨn itir ofa gamir gumaziba ingangarim me danightɨ, me kɨ nguazimɨn gumazamizibar akurvagh ua me iniamin akam, me me mɨkɨmam. Eghtɨ Saionɨn gumazamiziba bar akuegh tiariba akaram.

Onger Akaba 132:9

Nɨn ofa gamir gumaziba me zurara arazir aghuibara damuam. Arazir aghuir kaba men kurkazir aghuimɨn mɨn ikiam. Eghtɨ nɨn gumazamizir nɨ baghavɨra itiba, bar akuegh pamten kamagh dɨmɨva arang mɨkɨmam.

Onger Akaba 65:4

Gumazamizir nɨ uan Dɨpenimɨn ikiasa mɨsevegha inigha ghueziba, me bar akongegh. Nɨn Dɨpenir kam, bizir bar aghuir avɨriba an iti. Kamaghɨn, e nɨn Dɨpenimɨn gumazamiziba uari akuvi naghɨn ikɨ, navir amɨrizim ikiam.

Onger Akaba 63:5

Nan duam bar deraghavɨra ikia mati, gumazim dagher aghuiba amegha bar ikɨri. Kamaghɨn, kɨ bar akuegha nɨn ziam fa ighiabagh ami.

Onger Akaba 36:8

Nɨn Dɨpenimɨn dagher avɨriba itima, nɨn gumazamiziba apa izɨvagha mamaghɨra iti. Mati nɨ uan faner aghuimɨn gumazamizibar amamangatɨzɨ, me anepi moghɨn, nɨ bizir aghuir bar avɨriba e ganɨdi.

Nehemia 10:39

E Israelian gumaziba ko Livain ovavir boriba, en witɨn naba ko wainɨn dɨpar naba ko olivɨn boremɨn naba da inigh, Godɨn Dɨpenimɨn izɨ dagheba arɨghamin danganimɨn dar arɨgham, danganir kam, Godɨn Dɨpenimɨn itarir ekiaba uaghan an aven iti. Godɨn Dɨpenimɨn aven itir danganir kam uaghan, ofa gamir gumaziba, ko Godɨn Dɨpenimɨn tiar akamɨn garir gumaziba, ko Godɨn Dɨpenimɨn onger akabar faragha zuir gumaziba, uaghan me ikiamin danganim kagh iti. “Bar guizbangɨra, e Godɨn Dɨpenimɨn garir ingangarir kam ateghan kogham. “Akar Dɨkɨrɨzir Gavgavir kamɨn akaba, kamaghɨra tu.”

2 Eghaghaniba 6:41

“O Ikiavɨra Itir Godɨn Gavgavim, nɨ dɨkavigh, uan Akar Dɨkɨrɨzir Gavgavimɨn Boksiam sara izɨ uan avughsir danganimɨn ikɨ. Akar Dɨkɨrɨzir Gavgavimɨn Boksiar kam, a nɨn gavgavir bar ekiam aka. O Ikiavɨra Itir Godɨn Gavgavim, nɨ zurara uan ofa gamir gumazibar akuragh, eghtɨ nɨn arazir kam, a men kurkazir aghuimɨn mɨn ikiam. Eghtɨ nɨn gumazamizir nɨ baghavɨra itiba, nɨn arazir aghuiba bangɨn bar akongegham.

Onger Akaba 17:15

Eghtɨ kɨrara, kɨ gumazir nɨn damazimɨn derazim, kɨ nɨn guamɨn ganam. Kɨ dakuigh osegh dɨkavigh fogh suam, nɨ na ko iti, egh kɨ bar akuegham.

Onger Akaba 90:14

Nɨ zurarama en apangkufi. Nɨn apangkuvir kam mɨzarazibar e gizɨvɨra ikɨ. E dughiabar ikɨ zurara onger akabar amuva, naviba deragh ikiam.

Jeremaia 50:19

Kɨ Israelia inigh, sipsipbar mɨn men aku ua men danganimɨn izam, eghtɨ me Karmelɨn Mɨghsɨam ko, Basanɨn Distrik ko, Efraimɨn Mɨghsɨam ko, Gileatɨn Distrighɨn, dar grazibar amam. Me puvɨra dar amɨ mangɨ naviba bar izevegham.

Hagai 2:19

Guizbangɨra, ian dagher dɨpenir ekiar dagheba arɨziba, datɨrɨghɨn witba dar puvatɨ. Eghtɨ ian wainɨn ikarɨziba ko, fighɨn temeba ko, pomigranetɨn temeba ko, olivɨn temeba, da tɨghar bam. Datɨrɨghɨn ikegh mangɨ, kɨ bar deraghvɨra ia damuam.”

Godɨn Araziba 33:23

Egha a kamaghɨn Naptalin anabamɨn adaraziv gɨa ghaze, “Ikiavɨra Itir God deragha Naptali gamua egha bizir bar aghuiba isa a ganɨngi. Ezɨ men nguazim Galilin Dɨpar Akarer mɨriamɨn ikegha ghua saut ko aruem ghuaghiri naghɨn amadaghan iraghu.”

Onger Akaba 63:2

Kɨ nɨn Dɨpenimɨn aven nɨn ganasa ifonge, nɨ uan gavgavim ko ziar ekiam nan akaghasa kɨ ifonge.

Onger Akaba 63:6

Nɨ dughiabar zurara nan akurvasi. Ezɨ kɨ dɨmagaribar uan mɨsiam girɨghav ikia nɨrara nɨghnɨsi. Kɨ tuarir nguzim uan amebamɨn avɨzimɨn apengan iti moghɨn, kɨ bar nɨn boroghɨn ikia, bar akuegha ighiabagh ami.

Onger Akaba 85:13

Ikiavɨra Itir God, gumazamizibar amightɨ, me arazir an damazimɨn derazimɨn gɨn mangam. Eghtɨ arazir kamra, God ua izamin tuavim atɨgham.

Esekiel 34:14

Egh da Israelɨn mɨghsɨabar ikɨva grazir aghuibar amam. Da nguazir aghuimɨn ikɨ avughsɨ deraghvɨra ikiam.