Jeremaia 31:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Eghtɨ dughiar kamɨn guivir igiaba bar akuegh kumatɨzibagh ighiam, eghtɨ gumazir igiaba ko, gumazir ghuriba uaghan bar akuegh kumatɨzibagh ighiam. Kɨ men azir akaba agɨvagh, me damutɨ men naviba bar deragham. Kɨ men navibar itir osɨmtɨzibar amutɨ, da amɨragh ikɨtɨ, me bar akuegham.

Jeremaia 31:13 ပူးပေါင်းရင်းမြစ်များ

Onger Akaba 30:11

Nɨ nan navir osɨmtɨzim batoghezɨ kɨ bar akuegha ighiabagh ami. Kɨ faragha azirakar korotiaba aghui, ezɨ datɨrɨghɨn nɨ nan azirakar korotiaba suegha, nan azirakam oteghavkɨnizɨ nan navim derazɨ kɨ bar akonge.

Aisaia 61:3

Gumazamizir Saionɨn nguibamɨn aven ikiava aziba, kɨ bar akongezir arazim ko navir amɨrizim me danɨngtɨ, me gavgavigham. Egh kɨ averenir me uan dapanibagh atɨziba adegh, kurkazir aghuiba men kurkegham. Kɨ borem me daghuightɨ, me bar akuegh, men osɨmtɨzir ararem gɨvagham. Egh me ua uan gavgavim inigh, gumazim korotiar aghuim aruzɨ moghɨn, Ikiavɨra Itir God bagh bar akongegh onger akar aghuibar amuam. Egh me temer Okɨn, Ikiavɨra Itir God, uabɨ oparizibar mɨn, tuivigh ikɨ deraghvɨra Ikiavɨra Itir Godɨn gɨn mangɨ an ziar ekiam fam.

Aisaia 51:11

Kamaghɨra, gumazamizir Ikiavɨra Itir God akuragha ua iniziba, me uamategh izɨ, Saionɨn Mɨghsɨamɨn boroghɨn izɨva, bar akongegh tiariba akarɨva tuavir kamɨn izɨva ongam. Egh me dabirabir bar aghuim ikɨtɨ, bar akongezir arazir kam, a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh ua men ikian kogham.

Jeremaia 31:4

Ia Israelia, ia mati nan guivir igiar kɨ bar ifongezim, kɨ ia damightɨ ia ua kantrin gavgavimɨn ikiam. Egh ia akuegh, mati amizir igiaba buabav sogha, egha ighiam gizir marazi ko akueghɨva ighavamang ikɨ.

Jon Osirizir Akar Aghuim 16:22

Ezɨ kamaghɨra, ia datɨrɨghɨn naviba oseme. Eghtɨ kɨ ua ian gantɨ, ian naviba bar akuegham. Eghtɨ tav ian agoroger kam batueghan kogham.

Aisaia 51:3

“Kɨ Ikiavɨra Itir God, nguibar datɨrɨghɨn ikuvigha itir kam Saionɨn, kɨ bar an apangkufi. Egh kɨ an osɨmtɨziba, bar dar amightɨ da gɨvagham. A datɨrɨghɨn mati gigir kɨnimɨn mɨn iti, eghtɨ, kɨ bizir avɨrir bar aghuibar amutɨ da a bativightɨ, an azenir kɨ Idenɨn ingarizimɨn mɨn gan bar deragh gan ikiam. Eghtɨ bar akongezir arazim bar a gizɨvaghtɨ, an itir gumazamiziba zurara ighiar na mɨnabibar amu ikiam.

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Onger Akaba 149:3

Ia ighiabar amuva an ziam fɨva ighɨ. Ia gitaba ko, tambarinbav sogh an ziam fɨ.

Esta 9:22

Aruer kamningɨn Judaba uan apaniba agɨfa. Ezɨ iakɨnir kamra men osɨmtɨzim ko arareba gɨfa, ezɨ Judabar naviba derazɨ me bar akonge. Ezɨ Mordekai me mɨgɨa ghaze, ia isar ekiabav kɨm dar amu egh dar ikɨ. Egh dagher aghuiba uari ikarvagh uari danɨng, egh gumazir biziba puvatɨziba ia uaghan biziba me danɨng.

Nehemia 12:43

Dughiar kamɨn me ofan avɨriba God bagha dagh amua bar akonge. Bar guizbangɨra. Me fo, God me gamizɨma, me bar akonge. Ezɨ amiziba ko boriba uaghan bar akonge. Ezɨ gumazamizir saghon itiba, me dɨmdɨar nɨgɨnim ko bar akongezir nɨgɨnim barasi.

Nehemia 12:27

Ezɨ Jerusalemɨn dɨvazim gɨvazɨma, gumazamiziba iza uari akuvagha Godɨn ziam fava, dɨvazim isa God ganɨdi. Dughiar kamɨn, me Livaiba bar men diazɨ me iza uari akuvagha, bar akuegha ighiaba banga Godɨn ziam fe. Me ighiabagh amir dughiamɨn, Livain marazi itarir kapabar suigha dav sozima, marazi gitan igharagha garibagh ikararai.

Sekaraia 8:19

Ikiavɨra Itir Godɨn Gavgaviba Bar Itim kamaghɨn mɨgei, “Ia iakɨnir namba 4, ko 5, ko 7, ko 10ɨn, ia dar aruer maba ia osɨmtɨzir ia bativiba dagh nɨghnɨgha dagheba ataghɨrasi. Ezɨ osɨmtɨzibar dughiar kaba, da Judaba bar akongeghamin dughiar ekiaba. Kamaghɨn amizɨ, ia guizɨn akaba ko, gumazamizir igharaziba ko, deraghvɨra dapiaghamin araziba bar dagh ifongegh, dar amu.”

Aisaia 60:20

Kɨ Ikiavɨra Itir God, kɨ zurara nɨn angazangarimɨn mɨn ikɨtɨ, nɨn osɨmtɨzibar dughiam gɨvagham. Eghtɨ nɨ ua aruem uaghirir arazimɨn ganan kogham. Egh nɨ ua, iakɨnim uaghirir arazimɨn ganan kogham.

Esra 6:22

Me aruer 7plan bar akuegha Yis Puvatɨzir Bretɨn Isam Damuamin Dughiam, an isam gami. Me fo, Ikiavɨra Itir God, Asirian atrivim gamizɨ a me ko navir amɨrizim inigha, Israelia Godɨn Dɨpenimɨn ingangarimɨn men akura. Kamaghɨn amizɨ, me guizbangɨra bar akonge.

Gumazir Dapaniba 21:21

Ia gan, isar ekiam otivtɨ, Silon amizir igiaba ighiam bagh izɨtɨ, ia dɨkavigh mangɨ uari bagh amizir igiaba vaghvagh dar suikigh. Egh ia amiziba inigh gɨvaghɨva, uamategh uan nguazimɨn mangɨ.

Aisaia 61:2

A kamaghɨn akam akunasa na mɨkemegha na amada: Ikiavɨra Itir God gumazamizibagh ifongezir dughiam, an otogha gɨfa. Dughiar kamɨn, God ivezir kuram isɨ men apanibar anɨngam. Egha, a gumazamizir osemegha aziba, gavgavim men navibar anɨngasa na amada.

Onger Akaba 126:5

Gumazir aravɨra dagheba opariba, me dar dagheba iniva bar akuegh dɨmɨva arangam.

Onger Akaba 148:12

gumazir igiaba ko amizir igiaba ko gumazir ghuriba ko boriba, ia bar Ikiavɨra Itir Godɨn ziam fɨ.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.