Jeremaia 31:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ me izɨ Saionɨn Mɨghsɨamɨn tugh bar akuegh, egh bar pamtemɨn araghasɨ dɨm ighiabar amuam. Egh bizir bar aghuir Ikiavɨra Itir God me ganɨngiziba bagh bar akuegham. Egh me wit ko, wain ko, olivɨn boreba ko, sipsipba ko, bulmakaun kɨ me ganɨngiziba, me da bagh bar akuegham. Egh me bar deraghvɨram otivigham, mati dagher azenim dɨpamɨn otevezir puvatɨ. Egh me ua pazɨ ikian kogham.

Jeremaia 31:12 ပူးပေါင်းရင်းမြစ်များ

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Joel 3:18

Dughiar kamɨn, wainɨn azenir avɨriba otivigh mɨghsɨaba avegham, eghtɨ mɨghsɨar muziariba bar, bulmakaun avɨriba dar ikiam. Eghtɨ gɨn Judan nguazimɨn itir daghurir dakeziba, dɨpar avɨriba zurara dagh izɨvagh ivemaram. Eghtɨ dɨpatam Ikiavɨra Itir Godɨn Dɨpenimɨn ikegh azenan izɨ, emɨr ivemar Akasɨn Temeba Itir Danganir Zarimɨn mangam.

Aisaia 58:11

“Ezɨ kɨ Ikiavɨra Itir God, kɨ zurara deravɨra ian gara ia mangamin tuavim ian akakagh, bizir ian ifongiaba agɨvamba ia danɨngam. Ia datɨrɨghɨn mati nguazir dɨpaba puvatɨzim, a bar ikuvighav iti, eghtɨ kɨ ia damightɨ ia bar deragh gumazamizir bar gavgavibar otivigham. Egh ia bar deravɨra ikiam, mati azenir dɨpar avɨrim itim, egha mati mozir dɨpam datir puvatɨ.

Jon Osirizir Akar Aghuim 16:22

Ezɨ kamaghɨra, ia datɨrɨghɨn naviba oseme. Eghtɨ kɨ ua ian gantɨ, ian naviba bar akuegham. Eghtɨ tav ian agoroger kam batueghan kogham.

Aisaia 65:19

Kɨ uaghan Jerusalem bagh bar akuegh uan gumazamiziba bagh navir aghuim ikiam. Eghtɨ Jerusalemɨn igiamɨn aven, gumazamiziba mɨzazim isava arair nɨgɨniba ua puvatɨghtɨ, gumazamizibar, azirakaba puvatɨgham.

Aisaia 60:20

Kɨ Ikiavɨra Itir God, kɨ zurara nɨn angazangarimɨn mɨn ikɨtɨ, nɨn osɨmtɨzibar dughiam gɨvagham. Eghtɨ nɨ ua aruem uaghirir arazimɨn ganan kogham. Egh nɨ ua, iakɨnim uaghirir arazimɨn ganan kogham.

Akar Mogomem 21:4

Egh a men damazir teriba vaghvagh da adizam. Bizir faragha itir kurar kabanang, da bar gɨvagham. Eghtɨ gumazamiziba uam ovengan kogham, egh me ua naviba osɨmɨva egh uam azian kogham, egh ua mɨzaziba inian kogham.”

Akar Mogomem 7:17

Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

Akɨnafarir Pol Romɨn Nguibar Ekiamɨn Itir Sios Bagha Osirizim 2:4

Manmaghɨn amizɨ God arazir aghuibar nɨ gamua, egha dughiar ruarimɨn nɨ mɨzua ikia, nɨn arazir kuram bagha ivezir kuram zuamɨra nɨ ganɨngizir puvatɨ. Godɨn arazir aghuarir kam, nɨ ti an garima a ti pura bizim? Nɨ uan navim giraghasa God ifuegha arazir aghuimɨn nɨ gami. Nɨ foz, o?

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Onger Akaba 130:4

Nɨrara arazir kuraba gɨn amadi, kamaghɨn amizɨ, e nɨrarama atiating nɨn apengan ikiam.

Esekiel 20:40

“Kɨ Ikiavɨra Itir Godɨn Ekiam, kɨ kamaghɨn mɨgei, kotiar kam gɨvaghtɨma, ia nan gumazamiziba bar uamategh Israelɨn nguazimɨn mangɨ nan mɨghsɨar ruarir bar pɨn ghuavanabozir kamɨn mangɨ nan ziam fam, eghtɨ kɨ bar ia gakuegham. Ia uan ofaba ko, ian bizir ia ifongegha faragha atɨziba ko, ian bizir bar aghuir na baghavɨra itiba, ia na bagh ada inigh izɨ na danɨngtɨ kɨ bar akuegham.

Aisaia 51:11

Kamaghɨra, gumazamizir Ikiavɨra Itir God akuragha ua iniziba, me uamategh izɨ, Saionɨn Mɨghsɨamɨn boroghɨn izɨva, bar akongegh tiariba akarɨva tuavir kamɨn izɨva ongam. Egh me dabirabir bar aghuim ikɨtɨ, bar akongezir arazir kam, a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh ua men ikian kogham.

Aisaia 1:30

Ia temer okɨn ekiam mɨsigha aremezɨ moghɨn, ia arɨmɨghiregham. Egh ia mati azenim dɨpaba puvatɨgha kuvizɨ moghɨn, ia ikuvigham.

Jeremaia 31:4

Ia Israelia, ia mati nan guivir igiar kɨ bar ifongezim, kɨ ia damightɨ ia ua kantrin gavgavimɨn ikiam. Egh ia akuegh, mati amizir igiaba buabav sogha, egha ighiam gizir marazi ko akueghɨva ighavamang ikɨ.

Jeremaia 3:14

“Kɨ Ikiavɨra Itir God, kɨ kamaghɨn mɨgɨa ghaze, Ia gumazamizir akɨrim ragha na gasaraziba, kɨrara ian Ekiam, ezɨ ia nan boribara. Kɨ vaghvagh ian nguibaba ko ikɨzibar aven, ian tarazi inigh ua uan mɨghsɨam Saionɨn izam. Kamaghɨn amizɨ, ia uamategh na bagh izɨ.

Jeremaia 31:6

Eghtɨ dughiar kamɨn, Efraimɨn anabamɨn adarazir gumazir eghuvir mɨghsɨabar itiba, me kamaghɨn dɨmam, ‘Ia bar moghɨra dɨkavigh izɨ, e Saionɨn Mɨghsɨamɨn mavanangam. E Ikiavɨra Itir God bagh mangam, en God.’ ”

Jeremaia 31:7

Egha Ikiavɨra Itir God ua kamaghɨn mɨgei, “Ia, Jekopɨn adarazi bagh bar akongegh ighiabar amu, gumazamizir kaba gumazir igharazibagh afira. Ia pamtem, ziar ekiam na danɨngamin ighiabar amu, egh kamaghɨn mɨkɨm, ‘Ikiavɨra Itir God, nɨ uan gumazamiziba ua me inigh, kar Israelian ikiavɨra itir varazira.’

Jeremaia 31:24

Gumazir azenibar ingariba ko, gumazir sipsipbagh eghuva, egha dar gariba sara uaghan, me Judan nguaziba ko nguibar ekiabar ikiam.

Jeremaia 31:25

Eghtɨ gumazitamɨn mɨkarzim amɨragham, kɨ ua gavgavim a danɨngam. Eghtɨ gumazitam amɨragh damaziba an siram, kɨ gavgavir igiam a danɨngam.”

Jeremaia 32:15

Guizbangɨra, arazir kamɨn mɨngarim kamakɨn: Ikiavɨra Itir Godɨn Gavgaviba Bar itim, Israelian God, a ghaze, Gɨn gumazamiziba ua dɨpeniba ko, nguaziba ko, wainɨn azeniba nguibar kamɨn a dagh ivezam.

Jeremaia 33:12

“Kɨ Ikiavɨra Itir Godɨn Gavgaviba Bar Itim, kɨ kamaghɨn mɨkeme: Datɨrɨghɨn nguazir kam ko an itir nguibaba ikuvigha iti, ezɨ gumazamiziba ko asɨziba dar itir puvatɨ. Ezɨ gɨn, gumazamiziba ua nguibar kabar ikiam. Eghtɨ grazir aghuiba dar aghungam, eghtɨ sipsipbagh eghuvir gumaziba kantrin kamɨn nguazir oteviba bar, ua uan ingangarim damuam. Me graziba itir danganir aghuibar sipsipbar aku mangɨtɨ me aghuvsam.

Jeremaia 33:13

Egh me uan sipsipba mengam. Ingangarir kam, me uan mɨghsɨar dozir aruem uaghiri naghɨn itiba ko, mɨghsɨaba itir danganir igharaziba ko, Negevɨn sautɨn amadaghan iti naghɨn ko, Benjaminɨn anabamɨn nguazim ko, Jerusalemɨn boroghɨn itir nguibaba ko, Judan nguibar ekiaba bar, me ingangarir kam damuam. Kɨ Ikiavɨra Itir God, kɨ kamaghɨn mɨkeme.”

Esekiel 34:14

Egh da Israelɨn mɨghsɨabar ikɨva grazir aghuibar amam. Da nguazir aghuimɨn ikɨ avughsɨ deraghvɨra ikiam.

Hagai 2:19

Guizbangɨra, ian dagher dɨpenir ekiar dagheba arɨziba, datɨrɨghɨn witba dar puvatɨ. Eghtɨ ian wainɨn ikarɨziba ko, fighɨn temeba ko, pomigranetɨn temeba ko, olivɨn temeba, da tɨghar bam. Datɨrɨghɨn ikegh mangɨ, kɨ bar deraghvɨra ia damuam.”

Aisaia 52:8

Ia oragh. Ian gumazir nguibar ekiamɨn bizibar gariba, uari uan damazibar gantɨ, Ikiavɨra Itir God uamategh Saionɨn nguibamɨn izam, eghtɨ me bar akuegh pamten dɨmɨva, arangɨva onger akabar amu.

Esekiel 36:30

Kɨ ian temer bebar amightɨ, da ovɨzir bar avɨriba ikɨ bar avɨrasemegham. Eghtɨ dagheba otevir dughiaba ua ia bativan kogham. Eghtɨ ia Kantrin Igharazibar Gumazamizibar damazimɨn uam aghumsɨghan kogham.

Sekaraia 8:12

Kɨ me ateghtɨ, me navir amɨrizim ko, dabirabir aghuim ikɨva uan azeniba oparam. Eghtɨ amozir ekiar avɨriba izɨtɨma men wainɨn ikarɨziba bɨtɨma, men dagheba deravɨram otivam. Nan gumazamizibar ikiavɨra itir varazira, kɨ me bagh bizir aghuir kabar amuam.