Jeremaia 30:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ “Kɨ Ikiavɨra Itir God, kɨ kamaghɨn mɨkeme: E orazima, gumazamiziba navir amɨrizimɨn itir puvatɨgha, bar atiatia dɨgavir kuram gamua bar puvɨram azi.

Jeremaia 30:5 ပူးပေါင်းရင်းမြစ်များ

Amos 8:10

Ia isar ekiabagh amua bar akongezir dughiaba, kɨ dagh iraghtɨ, da mati gumazim ovengezɨ, ia an aghuimazimɨn iti moghɨn ikiam. Kɨ ian onger akabagh iraghtɨ, da azir onger akabar mɨn otivigham. Kɨ ia damutɨ ia azirakar korotiabar aghuigh, egh uan osɨmtɨzim akakaghsɨ, bar moghɨra uan dapanir arɨzibagh isegham. Kɨ ia damutɨ ia mati poroghamimning borir vamɨrara itima, an areme, ezɨ aning a bagha osemezɨ moghɨn, ia azi bar osemegham. Dughiar kurar kamɨn osɨmtɨzim, mati ia dagher mɨsozim amezɨ a ia mɨsozi moghɨn, a mangɨvɨra ikɨ mangɨ gɨvagham.

Aisaia 5:30

Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Jeremaia 46:5

Ezɨ datɨrɨghɨn manmaghɨn ami? Kɨ Ikiavɨra Itir God, kɨ Isipian garima, me bar puvɨram atiatigha ara uamategha ize. Apaniba men mɨdorozir gumazir gavgaviba dɨkabɨra, ezɨ Isipia mɨdorozim ategha zuamɨra ua ize. Me atiatir biziba da tintinibar iti. Kamaghɨn me ua ikɨgha gɨrakɨrangɨn garir puvatɨ.

Jeremaia 25:36

Ikiavɨra Itir God danganir men sipsipba apir grazibagh asɨghasɨki. Kamaghɨn amizɨ, ia oragh! Datɨrɨghɨn sipsipbagh eghuvir gumaziba bar puv aziava arai.

Jeremaia 9:19

Guizbangɨra, Saionɨn nguibar ekiamɨn aven, gumazamiziba kamaghɨn ara egha azirakar ighiabagh amua ghaze, ‘Aio! E bar ikufi! Apaniba en dɨpenibagh asɨghasigha gɨfa. Ezɨ e uan nguazim ategham. Kamaghɨn e bar aghumsɨki.’ ”

Jeremaia 8:19

Mevzika, nan adarazi nguazir oteviba bar adar ikia egha ara kamaghɨn dei, ‘Ikiavɨra Itir God ua Saionɨn nguibamɨn atrivimɨn itir puvatɨghama, a? Egha a manmaghsua en akurazir puvatɨ?’ ” Ezɨ Ikiavɨra Itir God kamaghɨn akam ikaragha ghaze: “Manmaghsua ia nan gumazamiziba kantrin igharazibar asebar nedazibar ingara egha dar ziaba fe? Ian arazir kam na gamima, kɨ bar ian anɨngaghe.”

Aisaia 59:11

Osɨmtɨzir kaba e gamima, e bar osemegha arai, mati afiar atiaba aroi. E dughiabar aghumra ikia aziavɨra iti, mati kuarazir bunbaba aghumram arai. E Godɨn guizɨn arazim bagha mɨzua iti. Bar puvatɨ. E Godɨn akurvazim bagh an gara iti. Ezɨ a bar en saghon iti.

Jeremaia 8:16

Ezɨ apaniba notɨn amadaghan, Danɨn anabamɨn adarazir nguazimɨn otivigha gɨfa, ezɨ e hoziaba barazi me bar puv avɨghagha pamtemɨn arai. Ezɨ hoziar kaba araima, en nguazir oteviba ivazvazima, e bar puvɨrama atiati. E fo, apaniba Jerusalemɨn nguibam ko an tir gumazamiziba ko, bar en nguazimɨn itir biziba bar dagh gasɨghasɨghasa izi.”

Jeremaia 12:12

Eghtɨ apanir avɨriba otivigh, gumazamiziba puvatɨzir danganir mɨghsɨabar tuavimɨn izɨ, biziba bar dagh asɨghasɨgham. Guizbangɨra, kɨ Ikiavɨra Itir God, kɨ apanibar amutɨ, me ian kantrin otevir mamɨn ikegh, mangɨ otevir igharazimɨn gumazamiziba bar me gasɨghasɨgham. Eghtɨ gumazitam ua deragh ikian kogham.

Jeremaia 30:4

Ikiavɨra Itir God Israelia ko Judabagh nɨghnɨgha ghaze:

Jeremaia 6:22

Ikiavɨra Itir God kamaghɨn mɨgei, “Ia gan! Mɨdorozir gumaziba notɨn amadaghan ikegha izasava ami. Me bar gavgavigha, bar saghon ti. Egha me mɨsoghasa mɨdorozir biziba akɨra iti.

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Habakuk 1:6

Ia oragh! Kɨ Babilonia damightɨ me gumazamizir bar gavgavibar otivigham. Gumazamizir kaba, me gumazamizir bar kuraba, me uaghan mɨsozir gumazamiziba. Egha me datɨrɨghɨn pura tintinibar kantribar ghua, gumazamizir igharazibar dɨpeniba isa, me dɨkabɨri.

Habakuk 1:10

Me atriviba ko, nguibar ekiabar gumazir dapanibar ingaravaka, dɨbovibar me gami. Egha me nguibar ekiamɨn garima, a dɨvazir gavgavim iti, ezɨ me puv an ingaravati. Egha me dɨvazir mɨriamɨn nguazir pozim mɨkɨnigh, egh an mavanang dɨvazimɨn uari akunigh, nguibar ekiamɨn aven mangɨ an biziba bar ada inigham.