Jeremaia 30:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ikiavɨra Itir Godɨn anɨngagharim ikɨ mangɨvɨra ikɨtɨ, bizir a damuasa nɨghnɨziba, a bar moghɨra dar amu da gɨvagham. Eghtɨ ia dughiar abuananamɨn, bizir kabagh fogham.

Jeremaia 30:24 ပူးပေါင်းရင်းမြစ်များ

Jeremaia 23:20

Ikiavɨra Itir Godɨn anɨngagharim ikɨvɨra ikɨ mangɨ, bizir a damuasa nɨghnɨziba bar ada gɨvagham. Egh dughiar abuananamɨn, ia gumazamiziba bizir kaba deraghvɨram adagh fogham.”

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Maika 4:1

Gɨn otivamin dughia tamɨn, mɨghsɨar Ikiavɨra Itir Godɨn Dɨpenim tughav itim, ziar bar ekiam iniam. Egh a pɨn mar ikɨ mɨghsɨar igharaziba bar dagh afiragham. Eghtɨ Kantrin Igharazibar Gumazamiziba bar izɨ an uari akuvagh ikiam.

Esekiel 38:16

Nɨ nan gumazamiziba Israelian apanim damusɨ izam, mati amozir ekiamɨn ghuariar pɨzim me avara. Dughiar abuananam otoghtɨ, kɨ nɨ isɨ uan nguazim mɨsoghsɨ nɨ amadagham. O Gok, kɨ kamaghsua, nɨ damighamin arazir kamɨn, kɨ uabɨ isɨ Kantrin Igharazibar Gumazamizibar akagham, eghtɨ me na gɨfogh suam, kɨ Godɨn bar zuezim.

Daniel 10:14

Ezɨ kɨ bizir gɨn nɨn gumazamiziba bativamim mɨkɨmtɨ nɨ foghasa ize. Nɨ irebamɨn mɨn ganizir bizir kam, a bizir gɨn izamibar eghaghanim nɨn aka.”

Daniel 2:28

Ezɨ Godɨn Uan Nguibamɨn Itim, a iti, a bizir mogomebar mɨngariba azenim garɨsi. Atrivim, God bizir gɨn otivamibar nɨn akaghasa irebar kam nɨ ganɨngi. Ezɨ kɨ datɨrɨghɨn irebar nɨ uan dakozimɨn akua ganizimɨn, gun nɨ mɨkɨmam.

Jeremaia 48:47

“Eghtɨ dughiar abuananamɨn, kɨ Moapian dabirabim damightɨ a ua deragham. Kɨ Ikiavɨra Itir God, kɨ mɨkemegha gɨfa.” Ikiavɨra Itir God, Moapia kot darɨghasa mɨkemezir akar kaba, da datɨrɨghɨn gɨfa.

Jeremaia 4:8

Ikiavɨra Itir Godɨn anɨngagharir ian itim gɨvazir puvatɨ, an anɨngagharim ikiavɨra iti. Kamaghɨn amizɨ, ia azirakar korotiabar aghuigh aziva, azirakar ighiar amɨrizibar amu.

Aisaia 46:11

Kɨ aruem anadi naghɨn itir gumazir mam izasa an diagha gɨfa, eghtɨ a isamɨn mɨn mɨghegh izɨ kɨ damuasa nɨghnɨzir bizibar amuam. Kɨ damuasa mɨkemezir bizir kaba, kɨ mɨkemezir moghɨra an adar amuam. Bizir kɨ damuasa mɨseveziba, kɨ dar amuam.

Aisaia 14:24

Ikiavɨra Itir Godɨn Gavgaviba Bar Itim kamaghɨn akar dɨkɨrɨzir mam gami: “Bar guizbangɨra, bizir kɨ damuasa nɨghnigha gɨvazim, kɨ a damuam.

1 Samuel 3:12

Kɨ faragha Elin mɨkemezɨ moghɨn, kɨ datɨrɨghɨn, bizir kurabar me damuam.

Godɨn Araziba 31:29

Kɨ fo, kɨ oveghtɨ, nan gɨrakɨrangɨn, ia arazir aghuim ko kuram tuisɨgh aning gɨnɨghnɨghan aghuagham. Egh ia arazir kɨ ia mɨkemeziba ategh akɨrim dagh asaragham. Egh ia Ikiavɨra Itir Godɨn damazimɨn arazir kurar bar avɨrim damuam. Eghtɨ ia amir arazir kaba bangɨn, Ikiavɨra Itir God bar ian anɨngagh, bizir bar kurar avɨriba amangɨtɨ, da ia bativam.”

Godɨn Araziba 4:30

Egh ia osɨmtɨzir ekiam ikɨtɨ, bizir kurar kaba ia bativtɨ, ia navibagh iragh uamategh Ikiavɨra Itir God, ian God bagh mangɨ an akamɨn gɨn mangam.

Dɨboboniba 24:14

Egha Balam kamaghɨn Balak mɨgei, “Kɨ uamategh uan adarazi bagh mangasava ami. Egh kɨ faragh ikiangsɨzim nɨ danɨngtɨ, nɨ fogham, Israelia gɨn manmaghɨn ganamin araziba nɨn adarazir amuam.”

Jenesis 49:1

Egha Jekop uan boribar diazɨ, me izima, a kamaghɨn me mɨgei, “Ia nan boroghɨra izɨtɨ, kɨ bizir gɨn ia bativamibar gun ia mɨkɨmam.

Jeremaia 49:39

“Egh dughiar abuananamɨn, kɨ Elamian dabirabim akɨrightɨ, a ua deragh otogham. Kɨ Ikiavɨra Itir God, kɨ mɨkemegha gɨfa.”

Jeremaia 49:37

Apaniba izɨ Elamia mɨsoghtɨ me arɨghiramin dughiam, kɨ me damightɨ me foghɨva, bar puvɨram atiatigham. Kɨ Ikiavɨra Itir God, kɨ uan anɨngagharim akakaghsɨ, bizir bar kuram damightɨ, an Elam batogham. Egh kɨ mɨdorozir gumazibar amightɨ, me, me mɨsogh men agɨntɨgh mangɨtɨ, me bar arighireghamin dughiamɨn tugham.

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.