Jeremaia 30:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Israelia fomɨra gavgavizɨ moghɨn ikiam. Eghtɨ kɨ men akuraghtɨ me deraghvɨra uan nguazim dapiagham. Eghtɨ gumazir pazɨ me damuamiba, kɨ puv me damigham.

Jeremaia 30:20 ပူးပေါင်းရင်းမြစ်များ

Jeremaia 32:39

Kɨ men navir averiabar aven navir vamɨra me danightɨ, me tuavir vamɨran gɨn mangam. Egh me zurara nan atiating nan apengan ikɨtɨ, kɨ me ko men boriba sara deraghvɨra me damuam.

Jeremaia 2:3

Egha dughiar kamɨn ia Israelia, ia nan gumazamizibara ikia, mati nan azenimɨn itir dagher faragha aniziba. Ezɨ nan dagher kabar maba isir gumazamiziba, osɨmtɨzim me batozɨ kɨ me gasɨghasɨki. Kɨ Ikiavɨra Itir God kɨ mɨkemegha gɨfa.”

Aisaia 51:22

Ezɨ Ikiavɨra Itir God, nɨn God, a nɨn Ekiam, a gumazir kotɨn aven nɨn akurvazima nɨ uan apaniba dɨkabɨrim, a kamaghɨn mɨgei, “Nɨ ganigh! Nan anɨngagharimɨn aven itir itarir nɨn agharimɨn itir kam, kɨ anedangi, kar itarir nɨ an apava onganigha pura tintinibar ingarizim. Eghtɨ nɨ gɨn ua kavɨn kamɨn wainɨn dɨpam aman kogham.

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Onger Akaba 102:28

E nɨn ingangarir gumazamiziba. Nɨ deraghvɨra en boribar gantɨ, me deraghvɨra ikiam. Egh nɨ men ovavir borir gɨn otivamibar akuraghtɨ, me deraghvɨra ikiam.

Onger Akaba 102:18

Bizir Ikiavɨra Itir God amir kam, tav akɨnafarimɨn an osirigh, eghtɨ en ovavir borir gɨn otivamiba a gɨfogh, egh uaghan an ziam fam.

Jeremaia 30:16

Guizbangɨra, ia gasɨghasɨzir adarasi, me uari ikuvigham. Ian apaniba mangɨ saghon itir nguibabar kalabusɨn ikiam. Gumazir paza ia gamigha ian biziba okemeziba, apaniba pazɨ me damuva, men biziba okɨmam.

Aisaia 54:14

Kɨ uan arazir aghuimɨn gɨn mangɨ nɨ damightɨ, nɨ gavgavigham. Eghtɨ gumazir nɨ dɨkabɨraghamin tam ua nɨn boroghɨn ikian kogham. Eghtɨ nɨ bizitam uam an atiatingan kogham. Atiatir arazim nɨn saghon ikiam.

Sekaraia 8:5

Eghtɨ borir doziba nguibar ekiamɨn uari akuvir danganibagh izɨvagh ikararang ikiam.

Sekaraia 10:8

“Kɨ uan gumazamiziba bar men dɨmɨva, me akumakum me inigh izam. Kɨ ua me inigh me damutɨ, me fomɨra ikezɨ moghɨn bar avɨrasemegham.

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.