Jeremaia 30:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Kɨ ian akurvaghsɨ, ia bagh na ko mɨkɨmamin gumaziba puvatɨ. Egha uaghan ian mɨkarziba akɨrightɨ, da ua deraghamin marasinba puvatɨ.

Jeremaia 30:13 ပူးပေါင်းရင်းမြစ်များ

Jeremaia 46:11

Ikiavɨra Itir God kamaghɨn mɨgei, “Kantri Isip, nɨ mati guivir igiar mam duaba nɨn mɨkarzimɨn otifi. Nɨ Gileatɨn mangɨgh danganir kamɨn marasinɨn aghuiba buri. Egh nɨ marasinɨn igharagha gariba bagh, bar puvɨra ingar da inighan kogham. Marasinɨn tam nɨn duabar amutɨ, da akumighan kogham.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Jeremaia 33:6

“Eghtɨ kɨ gɨn nguibar ekiar kamɨn akuragham, eghtɨ nguibam ko an gumazamiziba ua deragh otivigham. Eghtɨ kɨ dughiar bar aghuim me danightɨ, me deragh dapiaghtɨ, apaniba me mɨsoghan kogham.

Jeremaia 30:17

Ian apaniba kamaghɨn mɨgei: ‘Saion mati bizir kɨnim, egha bar ikufi. Ezɨ gumazitam an apangkuvir puvatɨ. Kɨ uabɨ ian mɨkarzibar amightɨ, da ua deragham, egh ian duabar amightɨ, da mɨsigham.’ Kɨ Ikiavɨra Itir God, kɨ kamaghɨn mɨkemegha gɨfa.”

1 Jon 2:1

Nan boriba, ia arazir kurabar amuan kɨ aghuagha, ia bagha akar kam osiri. En tav arazir kuratam damightɨ, en akurvazim iti. An Afeziam ko ikia e bagha a ko mɨgei. Gumazir kam a Krais Iesus, an araziba bar dera.

1 Pita 2:24

Ezɨ Krais en arazir kuraba isa uan mɨkarzim gatɨgha, egha ter ighuvimɨn areme. A kamaghsua, e arazir kuraba bar ada ateghɨva, angamɨra ikɨva arazir aghuibar amuam, kamaghɨn amizɨ an areme. Me a mɨsoghezɨma an mɨzazir dafar kam ia gamizɨ, ia ua dera.

Nahum 3:19

Nɨ mati gumazir duar ogorim iti. Ezɨ nɨn duam damightɨ an akumamin marasinba puvatɨ. Nɨn duam akumighan kogham. Bar puvatɨ. Nɨ fomɨra paza gumazir avɨribagh ami, ezɨ gumazitam arazir bar kurar nɨ me gamitamɨn arɨ mangɨghan kogham. Kamaghɨn amizɨ, gumazamiziba nɨn osɨmtɨzim bareghɨva, dafaribav sogh bar akuegham.

Hosea 14:4

Ikiavɨra Itir God kamaghɨn mɨgei: “Kɨ gumazamizir na ataghizir kaba ua me iniam. Kɨ uan navir averiamɨn bar me gifuegh, uam men ataran kogham.

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Esekiel 22:30

“Kɨ gumazir men tongɨn itir kamaghɨn garitam, a bagha ruia an apizir puvatɨ. Tinara nguazir kamɨn gumazamiziba bagh nan damazimɨn tughɨva, nguibar ekiam avɨnizir dɨvazir akaraghireziba akɨram. Eghtɨ kɨ nguibar kam gasɨghasighan kogham. Kɨ kamaghɨn damuamin gumazitamɨn apizir puvatɨ.

Aisaia 59:16

A garima, gumazamiziba paza gumazir igharazibagh amima, men akuraghamin gumazitam itir puvatɨ. Ezɨ a kamaghɨn ganigha dɨgavir kuram gami. Egha uabɨ uan gavgavim ko uan arazir aghuimɨn, a ua me inigha, me gamizɨ me deravɨra iti.

Aisaia 1:6

Duaba an dapanim bar anegɨrigha uaghira an suemningɨn tu, ezɨ an mɨkarzitam pura itir puvatɨ. Duar igharagha garir avɨriba an mɨkarzimɨn iti, ezɨ an mɨkarzim pura fɨfɨki. Me an duaba ruezir puvatɨgha da nomkezir puvatɨ. Egha me tong marasin tam dagh aghuizir puvatɨ.

Onger Akaba 142:4

Kɨ uabɨn boroghɨn gari, gumazir nan akurvaghamiba puvatɨ. Ezɨ gumazir nan gan na geghuvamiba puvatɨ. Kɨ mongamin danganiba puvatɨ.

Onger Akaba 106:23

Kamaghɨn, God ghaze, a uan gumazamizibagh asɨghasɨgham. Ezɨ God inabazir ingangarir gumazim Moses dɨkavigha abuir gumazimɨn mɨn Godɨn damazimɨn tu, egha Israelian akurazɨ Godɨn anɨngagharir kam iraghuzɨ, God me gasɨghasɨghizir puvatɨ.

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Jopɨn Akɨnafarim 5:18

E fo, God osɨmtɨzim ko mɨzazim gumazitam danigh, egh a damightɨ, a gɨn ua ghuamaghegham.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Ua Me Ini 15:26

Ezɨ God me mɨgei, “Ia deragh nan akam baragh. Kɨrara Ikiavɨra Itir God, ian God, ia arazir nan damazimɨn deraziba, ia dar amu. Egh ia nan Akar Gavgaviba ko arazir kɨ ifongeziba bar dar gɨn mangɨ. Ia kamaghɨn damutɨ, kɨ pazɨ ia damuan koghɨva, arɨmariar kurar kɨ Isipɨn gumazamizibagh anɨngiziba ia danɨngan kogham. Guizbangɨra, kɨ ian Ikiavɨra Itir God. Kɨ ian arɨmariaba akɨrizɨ ia ghuamazi.”

Jeremaia 17:14

O Ikiavɨra Itir God, nɨ nan arɨmariam akɨrightɨ, kɨ bar guizbangɨra ghuamagheka. Nɨ nan akuraghtɨ, kɨ guizbangɨra deraghvɨra ikiam. Kɨ ziar ekiam nɨraram anɨdi.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Jeremaia 6:7

Kɨ orazi, arazir kuram, mati dɨpaba mozir pamɨn ikia zuraram otivavɨra iti moghɨn, zurara Jerusalemɨn otifi. Me zurara nguibar ekiamɨn aven bizibagh asɨghasɨgha, gumazamizir igharazibav sosi. Kɨ men gari, men avɨriba duaba ikia egha arɨmariaba iti.

Esekiel 30:21

“O nguazir kamɨn gumazim, kɨ Isipɨn atrivimɨn gavgavim abɨra, mati kɨ an agharim mɨsogha anepɨri. Ezɨ tav an agharim noghezir puvatɨ, eghtɨ a ua deragh gavgavightɨ, a ua mɨdorozir sabamɨn suigham.