Jeremaia 30:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ikiavɨra Itir God ua kamaghɨn mɨgei: “Ia Israelia, me puv ia mɨsoke, eghtɨ ian mɨzazim ikɨvɨra ikɨtɨ, ian duar ekiaba akumighan kogham.

Jeremaia 30:12 ပူးပေါင်းရင်းမြစ်များ

Jeremaia 15:18

Manmagh amizɨ mɨzazir kam nan ikiavɨra iti? Egha manmagh amizɨ, me osɨmtɨzim na ganɨgavɨra iti, mati duaba nan mɨkarzimɨn ikiavɨra ikia mɨdir puvatɨ? Kɨ garima, nɨ nan akurazir puvatɨ, mati gumazim mozir pam bagha ghua garima, a dakezɨ a tam amezir puvatɨ.”

Jeremaia 30:15

Ia uan duar kaba bagh azirakar avɨribar amuan markɨ. Duar kaba akumighan kogham. Ia arazir kurar avɨribagh ami, egha osɨmtɨzir ekiam iti. Kamaghɨn kɨ arazir kamɨn ia gami.

Jeremaia 14:17

“Jeremaia, nɨ gumazamizibar apangkuvamin akamɨn me mɨkɨm. Nɨ kamaghɨn mɨkɨm, ‘Kɨ Jeremaia, kɨ arueba ko dɨmagaribar azivɨra ikɨtɨ, nan damazimning temeriba dagh izɨvagh mamaghɨra ikiam. Nan gumazamiziba, guivir kɨ bar ifongezimɨn mɨn, kɨ bar deravɨra men gari. Ezɨ apaniba nan gumazamiziba puvɨra me mɨsoagharɨghizɨ, me bar moghɨra ikufi, mati me duar dafar kuraba iti.

2 Eghaghaniba 36:16

Ezɨ gumazamiziba, akam inigha izir gumazibar akabar aghuagha dar abara me dɨpovavɨra iti, ezɨ Ikiavɨra Itir Godɨn anɨngagharim oto. Egha an anɨngagharir kam an gumazamizibar ikiavɨra iti, ezɨ me a gitavɨraghan tuaviba puvatɨ.

Esekiel 37:11

Ezɨ a kamaghɨn na mɨgei, “Nguazir kamɨn gumazim, Israelɨn ikɨzim, mati agharir mɨsɨngizibar mɨn aremezɨ moghɨn iti. Egha me zurara ghaze: En aghariba mɨsigha gɨfa. E ua deraghvɨra ikian kogham. Egh e bar gɨvagham.

Jeremaia 6:7

Kɨ orazi, arazir kuram, mati dɨpaba mozir pamɨn ikia zuraram otivavɨra iti moghɨn, zurara Jerusalemɨn otifi. Me zurara nguibar ekiamɨn aven bizibagh asɨghasɨgha, gumazamizir igharazibav sosi. Kɨ men gari, men avɨriba duaba ikia egha arɨmariaba iti.

Hosea 5:13

“Efraimia uarir gara fo, me puv arei. Ezɨ Judaba uari uan duar ekiabar gari. Egha me dɨkavigha kantri Asirian ghua uarir akurvaghasa atrivir ekiam gakaghora an azangsɨsi. Ezɨ Asirian atrivim men arɨmariabagh amima, me ghuamazir puvatɨ. A men duabagh amima, da ua aguir puvatɨ.

Maika 1:9

Eghtɨ Samarian gumazamizibar osɨmtɨzim, mati mɨdir puvatɨzir duaba. Eghtɨ Judaba, uaghan kamaghɨra mɨzazim iniam. Jerusalem, kar nan gumazamizibar nguibam, a mɨzazim iniamin dughiam uaghan bar roghɨra izi.”

Nahum 3:19

Nɨ mati gumazir duar ogorim iti. Ezɨ nɨn duam damightɨ an akumamin marasinba puvatɨ. Nɨn duam akumighan kogham. Bar puvatɨ. Nɨ fomɨra paza gumazir avɨribagh ami, ezɨ gumazitam arazir bar kurar nɨ me gamitamɨn arɨ mangɨghan kogham. Kamaghɨn amizɨ, gumazamiziba nɨn osɨmtɨzim bareghɨva, dafaribav sogh bar akuegham.

Jeremaia 8:22

Kɨ orasi, Gileatɨn nguazim ti marasinɨn aghuiba uam an iti. Egha me ti uaghan doktan maba iti. Ezɨ manmagh amizɨ, nan gumazamiziba ghuamaghezir puvatɨ?

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.