Jeremaia 30:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Kɨ Ikiavɨra Itir God, kɨ ia ko ikɨ ian akurvagham. Kɨ ia batoghezɨ, ia ghua kantrin igharazibar tongɨn itiba, kɨ bar me agɨvagham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Jeremaia 30:11 ပူးပေါင်းရင်းမြစ်များ

Jeremaia 10:24

O Ikiavɨra Itir God, nɨ uan arazir aghuimɨn e akɨrmɨgh, pura en anɨngaghan markɨ. Nɨ en anɨngagheghtɨ e bar moghɨra ikuvigham.

Jeremaia 1:19

Kɨ Ikiavɨra Itir God, kɨ mɨkemegha gɨfa, Kɨ uabɨ nɨ ko ikɨ nɨn akurvagham. Eghtɨ gumazir kaba nɨn apanimɨn ikɨva, nɨ dɨkabɨragh nɨ abɨnsɨ damuva avegham.”

Jeremaia 4:27

Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Jeremaia 1:8

Kɨ nɨ ko ikɨ egh nɨn akurvagham. Kamaghɨn, nɨ men atiatingan markɨ. Kɨ Ikiavɨra Itir God, kɨ nɨ mɨkemegha gɨfa.”

Aisaia 8:10

God e ko iti. Kamaghɨn amizɨ, bizir ia damuasa nɨghnɨzim, ia a damutɨ, ian tuavim pɨrightɨ, bizir kam otoghan kogham. Ia bizir avɨribav mɨkɨmam, eghtɨ dar dagheba puvatɨgham.

2 Timoti 4:22

Ekiam nɨn duam ko ikɨ. Egh an apangkuvim bar moghɨra ia ko ikɨ.

Aposel 18:10

Kɨ nɨ ko iti, nan gumazamizir avɨriba nguibar ekiar kamɨn iti. Kamaghɨn tav pazɨ nɨ damighan kogh, egh nɨ mɨsueghan kogham.”

Matyu 28:20

Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”

Jeremaia 15:20

Kɨ gumazamizir kabar damazimɨn nɨ damightɨ, nɨ brasɨn dɨvazimɨn mɨn tugh gavgavigham. Kɨ datɨrɨghɨn nɨn akuragha, nɨ ko iti. Eghtɨ gumazamizir kaba nɨn apanim damuva nɨ dɨkabɨraghan kogham. Kɨ Ikiavɨra Itir God, kɨ kamaghɨn mɨkemegha gɨfa.

Jeremaia 5:18

Egha Ikiavɨra Itir God, dughiar kamɨn ua kamaghɨn na mɨgei, “Apaniba dughiar kamɨn izɨ, egh Israelia bar me gasɨghasighan kogham.

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

Onger Akaba 6:1

O Ikiavɨra Itir God, nɨ adarim ikɨ pamten na mɨkɨman markɨ. Nɨn navim ikuvightɨ, nɨ ivezir kuram na danɨngan markɨ.

Matyu 1:23

A kamaghɨn mɨkeme: “Amizir gumazitam ko akuizir puvatɨzim navim asegh, otaritam bategham. Eghtɨ me ziar kam Emanuel a darɨgham, ziar kamɨn mɨngarim kara, ‘God e ko iti.’ ”

Esekiel 11:13

Kɨ Godɨn akamɨn me mɨgɨavɨra itima, Benaian otarim Pelatia irɨgha maghɨrama areme. Ezɨ kɨ tevimning apɨrigha guam nguazim girɨgha pamten kamaghɨn dɨa mɨgei, “O Ikiavɨra Itir Godɨn Ekiam, manmaghɨn ami? Nɨ ti Israelian gumazamizir ikiavɨra itir varazira nɨ bar me kuvarɨmasa o?”

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

Ofa Gami 26:44

Egh ia apanibar nguazimɨn ikɨtɨ, kɨ bar ia ateghan kogh, bar ia gasɨghasɨghan kogham. Bar puvatɨ. Kɨ fo, kɨ kamaghɨn damightɨ, Akar Dɨkɨrɨzir Gavgavir kɨ ia ko amizir kam, a gɨvagham. Kɨ Ikiavɨra Itir God, ian God, kɨ arazir katam damighan kogham.

Godɨn Araziba 4:31

Ikiavɨra Itir God, ian God, a Godɨn apangkuvim itim. Kamaghɨn amizɨ, a pura ia ataghɨragh ia gasɨghasighan kogham. Egh an Akar Dɨkɨrɨzir Gavgavir a uabɨ ian inazir afeziaba ko amizir kam gɨn amadaghan kogham.

Esekiel 6:8

“Kɨ tarazi ateghtɨ, me ikɨvɨra ikiam. Eghtɨ tarazi mɨdorozimɨn tintinibar aregh mangɨ kantrin igharazibar ikiam.

Hosea 11:9

Nan anɨngagharim ian ti. Eghtɨ kɨ pazɨ ia damuan kogham. Egh kɨ ua ia gasɨghasɨghan kogham. Nan araziba gumazamizibar arazibar mɨn zuir puvatɨ. Kɨ Godɨn Bar Zuezim, ezɨ nan araziba bar deragha bar zue, egha kɨ ia ko iti. Kɨ atar izɨ bar ia gasɨghasɨghan kogham.

Ua Me Ini 34:7

Kɨ zurara uan gumazamizir avɨriba bar men apangkuvigh mangɨvɨra ikɨtɨ, men igiav otariba otivigh ikɨ kamaghɨra ikiam. Egha kɨ men arazir kuraba ko arazir akaba batoziba ko, igharagha garir bizir kurar avɨriba gɨn amadi. Egha kɨ garima, arazir kurabagh amir gumazamiziba, me osɨmtɨzim itima, kɨ ivezir kuram me ganɨdi. Egh men boribar borir gɨn otivamiba kɨ ivezir kuram me danɨng, mangɨtɨ men igiav otaribar boriba otivigham.”