Jeremaia 30:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ikiavɨra Itir God kamaghɨn mɨgei: “Ia Israelia, ia Jekopɨn ovavir boriba, ia nan ingangarir gumazamiziba, ia atiatingɨva dɨgavir kuram damuan markɨ. Bar guizbangɨra, ia kantrin saghon itir kamɨn kalabusɨn iti. Eghtɨ kɨ ua ia inightɨ, ia ua uan nguazimra izegh, deraghvɨra dapiagham. Eghtɨ tarazi ua ia damutɨ ia atiatingan kogham.

Jeremaia 30:10 ပူးပေါင်းရင်းမြစ်များ

Hosea 2:18

“Dughiar kamɨn, kɨ asɨzir atiaba ko, kuruziba ko, kuaraziba koma akar dɨkɨrɨzir gavgavim damigham. Eghtɨ da nan gumazamizibagh asɨghasɨghan kogham. Egh mɨdorozim gamir biziba, mati barir piba ko, afuziba, kɨ bar ada apɨrarigham. Eghtɨ nan gumazamiziba navir amɨrizimɨn ikɨ nguazir kamɨn ikiam, egh uam atiatingan kogham.

Jeremaia 29:14

Kɨ Ikiavɨra Itir God, kɨ guizbangɨra mɨgei, kɨ ia ateghtɨ ia nan boroghɨra izam. Eghtɨ kɨ ua ia damutɨ ia deraghvɨra ikiam. Eghtɨ kɨ kantriba ko danganir kɨ ia batoghezɨ ia ghueziba, kɨ me da bar moghɨra ia akuvagh ia iniam. Egh kɨ ua ian aku danganir ia fomɨra ikezimɨn mangam.

Aisaia 43:5

Kɨ ia ko iti, kamaghɨn ia atiatingan markɨ. Ian adarazi me aruem anadi naghɨn ko aruem uaghiri naghɨn iti, eghtɨ kɨ me akuvagh uamategh men aku izam.

Aisaia 44:2

Kɨ Ikiavɨra Itir God, kɨ fomɨra ian ingarigha ia gamizɨ, ia ikɨzir vamɨran oto. Ia uan amebabar navir averiabar ikezɨ, me tɨghar ia batamin dughiam, kɨ ian ingarigha deravɨra ian gari. O Jesurun, ia nan gumazamizibar ikiasa kɨ fomɨra ia ginabagha gɨfa. O Jekopɨn anabamɨn gumazamiziba, ia nan ingangarir gumazir aghuibar mɨn iti. Kamaghɨn amizɨ, ia atiatingan markɨ.

Aisaia 35:9

Laionɨn tam ko, asɨzir kurar mɨsozitam tuavir kamɨn mangan kogham. Asɨzir anɨngazir taba tuavir ekiar kam daruan kogham. Gumazamizir Ikiavɨra Itir God akuragha ua inizibara, tuavir kamɨn daruam.

Jon Osirizir Akar Aghuim 12:15

“Ia Saionɨn nguibar ekiamɨn itir gumazamiziba, ia atiatingan markɨ. Ia gan, ian atrivimra mara, ia bagha izi! A donkin nguzim gaperagha izi.”

Jeremaia 33:16

Eghtɨ dughiar kamɨn Jerusalemɨn nguibar ekiamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, “Ikiavɨra Itir God, A Guizɨn Arazir Aghuimɨn Mɨngarim.”

Jeremaia 23:3

Gumazamizir kɨ amangizɨ ghua kantrin igharazibar itiba, kɨ ua men ikiavɨra itir varazira aku izɨ me isɨ men dɨvazimɨn aven me arɨgham. Eghtɨ me borir avɨriba batɨva bar avɨrasemegham.

Jeremaia 3:18

Eghtɨ dughiar kamɨn Judaba ko Israelia, uari inigh notɨn amadaghan itir nguazir me itim ategh izɨ uari akuvagham. Egh me izɨ nguazir kɨ ian inazir afeziabagh anɨngizimɨn ikɨtɨ, nguazir kam men adarazir nguazimɨn mɨn ikɨ, kamaghɨra ikiam.”

Sekaraia 3:10

Kɨ Ikiavɨra Itir Godɨn Gavgaviba Bar Itim, kɨ ghaze, dughiar kam otoghtɨma, ia vaghvagh uan namakaba inigh izɨ ia ko ikiam. Eghtɨ me ia ko wainɨn azenibar daperagh fighɨn temebar apengan ikɨ, avughsɨ deraghvɨra ikiam.”

Esekiel 38:11

Nɨ suam: Kantrin kamɨn gumazamiziba navir amɨrizimɨn ikiava deravɨra iti. Men nguibar ekiaba bar, dɨvazir gavgavir da avɨniziba ko tiar akar gavgaviba puvatɨ. Kamaghɨn amizɨ, kɨ pura aven mangɨ me korogham.

Esekiel 16:52

Kamaghɨn amizɨ, nɨ datɨrɨghɨn uan arazir mɨzɨrɨzibar aghumsɨzim iniam. Kɨ ian gara bar ian araziba tuisɨgha ghaze, nɨn arazir kuraba bar ikuvizɨ kɨ bar dar aghua. Ezɨ amizir igharazimning, nan damazimɨn amizir aghuimningɨn mɨn oto. Bizir kam bangɨn, nɨ datɨrɨghɨn uan aghumsɨzir ekiam iniva navim bar ikuvigham.”

Jeremaia 30:3

Kɨ Ikiavɨra Itir God, nan gumazamiziba Israelia ko Judaba, me ua deraghvɨra ikiasa, kɨ me bagha dughiam amɨsevegha gɨfa. Kɨ ua men aku nguazir kɨ men ovavibagh anɨngizimɨn izam, eghtɨ a ua men nguazimra otogham.”

Jeremaia 23:6

Eghtɨ an atrivimɨn ikiamin dughiamɨn, Israelɨn nguibamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, ‘Ikiavɨra Itir God, A Guizɨn Arazir Aghuimɨn Mɨngarim.’

Aisaia 54:4

“O Jerusalem, nɨ uam aghumsɨghan kogham. Nɨ osɨmɨva atiatingan markɨ. Gumazamiziba ua dɨbovir akabar nɨ mɨkɨman kogham. Nɨ fomɨra aghumsɨzim ikezir dughiaba gɨnamadagham. Nɨ fomɨra uabɨra ikia, mati amizimɨn pam ovengezɨ, a uabɨra ikia, bar aghumsɨgha oseme. Kamaghɨn amizɨ, nɨ dughiar faragha ghuzir kam uam a gɨnɨghnɨghan kogham.

Aisaia 46:13

Bar puvatɨ. Nan akurvazim, a bar roghɨra izegha gɨfa. Eghtɨ kɨ ua mɨzuaman kogham. Israelia, kɨ zuamɨra izɨ ian akurvagh apanir ia abɨriba, kɨ bar puv me damightɨ, ia ua deravɨra ikiam. Egh kɨ uaghan Saionɨn nguibar ekiamɨn akurvaghtɨ, a deravɨra ikiam. Kɨ uan ziar ekiam ko gavgavim damightɨ, aning Israelia ian tongɨn azenim girɨgham.”

Aisaia 46:11

Kɨ aruem anadi naghɨn itir gumazir mam izasa an diagha gɨfa, eghtɨ a isamɨn mɨn mɨghegh izɨ kɨ damuasa nɨghnɨzir bizibar amuam. Kɨ damuasa mɨkemezir bizir kaba, kɨ mɨkemezir moghɨra an adar amuam. Bizir kɨ damuasa mɨseveziba, kɨ dar amuam.

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Aisaia 49:25

Ezɨ Ikiavɨra Itir God kamaghɨn Jerusalem mɨgei, “Kɨ guizbangɨra nɨn adarazi ko nɨn bizir aghuiba, apanir gavgaviba ko atrivir kuraba dam ada iniam. Nɨ mɨsozir gumaziba, kɨ nɨ bagh men mɨdoroziba ikarvagham, egh nɨn boribar akuragh ua me inigham.

Aisaia 14:3

Ia Israelia, Ikiavɨra Itir God ian mɨzazim ko dughiar kuram agɨvaghtɨ, ia deravɨra ikiam. Igharaz darazi ia abɨrima, ia men ingangarir mɨtɨabagh ami, eghtɨ osɨmtɨzir kam, datɨrɨghɨn gɨvagham.

Aisaia 44:1

Ikiavɨra Itir God ghaze, “Ia Israelia, ia Jekopɨn anabamɨn adarasi, ia oragh! Kɨ uabɨ ia amɨsevezɨ, ia nan ingangarir gumazamizibar iti.

Jeremaia 23:4

Kɨ Ikiavɨra Itir God, kɨ ghaze, Kɨ gumazir dapanir igiaba amɨseveghtɨ, me deraghvɨra gumazamizir kaba sipsipbar mɨn me geghuv men ganam. Eghtɨ gumazamiziba bizitamɨn atiatingan koghɨva, osɨmtɨzitaba puvatɨgh, egh men tav ovengeghan kogham.

Jeremaia 29:11

Kɨ Ikiavɨra Itir God, kɨ bizir ian akurvaghsɨ damuamiba, kɨ adagh nɨghnigha dagh fogha gɨfa. Kɨ deraghvɨra ia damutɨ ia navir amɨrizim ko, dabirabir aghuim ikiasa kɨ ifonge. Kɨ pazɨ ia damuan aghua. Ia bizir kɨ damuamin kabagh nɨghnɨgh, dughiar kam mɨzuam ikɨtɨ, an otogham.

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Joel 2:21

“Kɨ Ikiavɨra Itir God, kɨ arazir bar gavgavir ekiaba nɨ bagha dagh ami. Kamaghɨn amizɨ, O nan nguazim, nɨ atiatingan markɨ. Nɨ bar akongegh navim deragh.

Aisaia 49:12

Ia gan! Nan gumazamiziba nguibar bar saghon itibar ikegh izam. Marazi not ko aruem uaghiri naghɨn ikegh izam. Marazi uaghan Aswanɨn nguibamɨn amadaghan ikegh izam.”

Daniel 12:1

Ezɨ enselɨn korotiar ghurghurim aruzim, kamaghɨn mɨgei, “Dughiar kam otivam, enselɨn bar ekiam Maikel, kar Israelɨn gumazamizibar garir ensel, an otogham. Eghtɨ dughiar kamɨn osɨmtɨzir bar ekiam otivam. Egha fomɨra osɨmtɨzir kamaghɨn garitam nguazir kamɨn nguibatamɨn otozir puvatɨ. Ezɨ dughiar osɨmtɨzir kam otivamim, Israelian gumazamizir men ziaba Godɨn akɨnafarimɨn aven itiba God ua me iniam.

Hosea 2:20

Kɨ uan akar dɨkɨrɨzimɨn gɨntɨgham, eghtɨ nɨ nan amuimɨn mɨn ikɨ mamaghɨra ikiam. Egh nɨ fogh suam, kɨrara, kɨ nɨn Ikiavɨra Itir God.

Hosea 6:11

“O Judaba, ia uakan, kɨ ia amizir araziba bagh ian anɨngaghamin dughiam ginabagha gɨfa, eghtɨ ia ivezir kuram iniam, mati gumazim uan azenimɨn dagheba asi. Egh gɨn, kɨ uan gumazamizibar amutɨ, me ua deraghvɨra ikiam.”

Maika 4:9

Jerusalem, nɨ manmaghsua pamten arai? Nɨ tizim bagha amizim borim batasa mɨzazim isi moghɨn uabɨ barasi? Nɨ ti atriviba puvatɨ, a? Ezɨ nɨn fofozir gumaziba ti ariaghire, a?