Jeremaia 3:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Juda garima, Israelia nɨghnɨzir gavgavim nan itir puvatɨgha, gumaziba isa da koma akuir arazim gami. Ezɨ kɨ par ikɨzimɨn anegɨvasa akɨnafarim osirigha a ganɨngi. Ezɨ an buaramizim Juda arazir kamɨn ganigha, atiatir puvatɨgha nɨghnɨzir gavgavir nan itir arazim ataki. A uaghan ghua asebar ziaba fe, mati tuavimɨn amizim arazir gumaziba okɨa me isava akuim gami.

Jeremaia 3:8 ပူးပေါင်းရင်းမြစ်များ

Godɨn Araziba 24:1

Egha Moses ua kamaghɨn mɨgɨa ghaze, “Gumazitam amizitamɨn ikɨ, egh gɨn an arazir a ifongezir puvatɨzimɨn ganigh, an amɨraghɨva, egh amuir ikɨzim agɨvamin akɨnafarim osirigh, amizir kam danigh anemadaghtɨ a mangɨ.

Hosea 3:4

Kamaghɨra, Israelia dughiar ruarimɨn tong pura ikegham. Egh me atriviba ko gumazir dapaniba puvatɨgham. Me aseba bagh ofabar amuan kogham. Egh dagɨar guariba, ko nedazir me dar gara bizir gɨn otivamibagh fofoziba, ko marvir guaba, me bar da ategham.

Aisaia 50:1

Egha Ikiavɨra Itir God kamaghɨn Israelian gumazamizibav gei: “Jerusalemɨn nguibar ekiam, mati ian amebam. Ia ti ghaze, gumazim uan amuim batuegha bar anemadazɨ a ghuzɨ moghɨn, kɨ akɨrim ragha bar a gasara, a? Egh ia mamaghɨn nɨghnɨghtɨ, akɨnafarir poroghamiba uari ataghɨrazimɨn akam, a managh iti? Egha kɨ uaghan gumazitamɨn bizitam inizir puvatɨgha, uam a ikarazir puvatɨ. Ezɨ ia tizim bagha kamaghɨn nɨghnɨgha ghaze, ia nan boriba, kɨ uan ikarvazim akɨrmɨghsɨ, dagɨaba bagh pura ingangarir gumazir kɨnibar mɨn gumazir igharazibar ingarsɨ, ia amadagham? Kamaghɨn puvatɨ. Ian arazir kurar avɨribara na gamima, kɨ ian anɨngaghegha, akɨrim ragha Jerusalem gasaragha, a isa gumazir igharazibar agharim gatɨ.

Esekiel 23:9

Kamaghɨn amizɨ, kɨ a isa, Asirian gumazir a bar ifongegha, me baghavɨra itibar agharim gatɨ.

Esekiel 16:47

Amizir kamning faragha arazir bar kurar kɨ bar aghuazibagh ami. Ezɨ nɨ aningɨn dagarir noziba dɨkɨva aningɨn mɨn arazir mɨzɨrɨzibar amuasava ami. Ezɨ dughiar otevimɨn nɨn arazir bar kurar nɨ amiba bar aning amir arazir kurabagh afira.

Jeremaia 3:1

Ikiavɨra Itir God ua Israelia mɨgɨa ghaze: “Gumazim uan amuim batueghtɨ a mangɨ gumazir igharazimɨn ikegh, egh uamategh uan par faragha ikezim bagh izeghtɨ, an par faragha ikezim uam a inian kogham. A kamaghɨn damightɨ, kantrin kamɨn nguazim nan damazimɨn bar mɨzegham. Israelia, ia tintinibar gumazir avɨriba isa me koma akuigha gɨfa. Egha datɨrɨkɨn ia uamategh na bagh izasa, a?

Godɨn Araziba 24:3

gumazir kam uaghan an aghuaghɨva, uaghan amuir ikɨzim agɨvamin akɨnafarim osirigh a danigh anemadaghtɨ a mangɨ. O an par namba 2 ti areme,

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Jeremaia 33:24

“Gumazamiziba ghaze: ‘Fomɨra Ikiavɨra Itir God Israelia ko Judaba me amɨsevezɨ, me a baghavɨra ikɨzir pumuningɨn iti. Ezɨ datɨrɨghɨn an akɨrim ragha me gasaragha gɨfa.’ Gumazamizir kaba akar kamagh garibav gɨa, egha me nan gumazamizibagh ifongezir puvatɨgha, ghaze, men ganganimɨn, nan gumazamizibar kantri ovegha gɨfa.

Esekiel 16:46

“Nguibar ekiam Samaria, a notɨn amadaghan iti, a mati nɨn avenemebam. Ezɨ nguibar ekiam Sodom, a fomɨra sautɨn amadaghan ike, a mati nɨn afumim. Ezɨ nguibar dozir an boroghɨn itiba, da mati an guiviba.

Esekiel 16:51

“Samarian arazir kuraba avɨrasemezir puvatɨzɨ, dar dɨbobonim mong nɨn arazir kurabar dɨbobonimɨn apengan iti. Nɨn arazir kuraba an arazir kurabagh afiragha bar mɨze. Ia 3plan amiziba, kɨ ian arazir kurabar gari, nɨn arazir kurabara bar ikufi. Ezɨ amizir igharazimningɨn arazir kuraba, kɨ dar gari, da mati pura biziba.

2 Eghaghaniba 21:11

Ezɨ Jehoram uaghan Judan kantrin mɨghsɨabar itir danganibar asebar ziaba fasa danganibar ingari. Egha a Juda ko Jerusalemɨn nguibar ekiamɨn gumazamizibagh ekuizɨ, me akɨrim ragha Ikiavɨra Itir God gasaragha, an damazimɨn arazir kurabagh ami.

Jeremaia 5:7

Ikiavɨra Itir God akar kam Jerusalemɨn nguibamɨn itir gumazamizibav gɨa ghaze, “Bizir me ifongeziba, kɨ bar ada isa me ganɨngi, ezɨ me ua na ategha aser kabar gɨn zui, mati gumazim uan amuim ategha, tuavimɨn amizibar gɨn ghu. Kamaghɨn, kɨ manmaghsuvɨra ian arazir kuraba gɨn amangam? Bar puvatɨgham.

Esekiel 23:44

Me zurara amizir kamning bagha ghua tuavimɨn amizimɨn arazimɨn mɨn aning gami. Ohola ko Oholiba, kar amizir arazir mɨzɨrɨzibagh amimning.