Jeremaia 3:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ia kamaghɨn na mɨgɨa ghaze, nɨ ti zurara en anɨngaghɨ egh zurara en ataran kogham.’ Ia kamaghɨn mɨgɨa, egha uan ifongiamɨn gɨn ghua arazir kurar avɨribagh amua ghuavɨra iti.”

Jeremaia 3:5 ပူးပေါင်းရင်းမြစ်များ

Maika 7:3

Gumazamizir bar arazir kurabagh fogha dagh amiba, me zuraram arazir kurabagh ami. Gavmanɨn ingarir gumaziba ko, jasba kotɨn dughiamɨn, me gumazamizibar azangsɨzima, me moga dagɨabar me giveza me gakaghorima, me paza kotiaba barasi. Gumazir ziar ekiaba itiba pura uan ifongiabar jasbav geima, jasba guizɨn arazim ategha pura gumazir kurar kabar ifongiabar gɨn zui.

Maika 2:1

Ia gumazir dɨmagaribar akui puvatɨgha, arazir kurabar amuasa nɨghnɨgha itiba, amɨnim tirazɨ arazir kurar kam damuamin tuavim otozɨ, ia zuamɨrama a gami. Ia kamaghɨn amir gumazamiziba iavzika! Ia bar ikuvigham.

Esekiel 22:6

“Ia oragh! Ian tongɨn itir Israelian gumazir dapaniba bar uari uan gavgaviba fava igharaz daraziv suagharɨsi.

Jeremaia 3:12

Kamaghɨn amizɨ, Jeremaia, nɨ dɨkavigh notɨn amadaghan mangɨ dɨmɨva nan akamɨn gun kamaghɨn me mɨkɨm, Kɨ Ikiavɨra Itir God, kɨ ghaze, Israelia, ia nɨghnɨzir gavgavir nan itir arazim ataki, mati amizim uan pam ategha par igharazimɨn iti. Nan apangkuvir arazim a bar ekefe. Kamaghɨn ia uamategh na bagh izɨ. Kɨ ua navir kuram ian ikɨ zurara ian anɨngaghan kogham.

Aisaia 57:16

Kɨ uan gumazamiziba zurara akam me gasɨ men ataran kogham. Kɨ men atar me damutɨ, men ikɨrɨmɨrim ikuvigh bar gɨvagham, men ikɨrɨmɨrir kam, kɨ uabɨ me ganɨngi.

Aisaia 64:9

O Ikiavɨra Itir God, nɨ zuraram en arazir kurar e amibagh nɨghnɨgh puv en anɨngaghan markɨ. Nɨ kamaghɨn nɨghnɨgh, e bar nɨn gumazamiziba, nɨ tong en apangkufigh.

Onger Akaba 85:5

Manmaghɨn ami, nɨ en atar kamaghɨra ikɨtɨ, nɨn adarim gɨvaghan kogham o?

2 Eghaghaniba 29:10

“Kamaghɨn amizɨ, kɨ datɨrɨghɨn Ikiavɨra Itir God, a Israelia en God ko Akar Dɨkɨrɨzir Gavgavim damuasa uan navir averiamɨn aven nɨghnɨsi, eghtɨ a uam en anɨngaghan kogham.

Onger Akaba 85:6

Nɨ ua ikɨrɨmɨrir e itir kam damightɨ a igiamɨn otogh, gavgavim e danɨngtɨ e tuivigh gavgavigham. Eghtɨ e nɨn gumazamiziba, nɨ bagh bar akuegh nɨn ziam fam.

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Jeremaia 8:6

Kɨ kuarim atɨgha me barazi, me deragha guizɨn akatam na mɨgeir puvatɨ. Egha men tav uan arazir kuraba gɨn amangasa mɨgeir puvatɨ. Egha nan azangsɨgha ghaze, kɨ arazir kurar manamrama ami? Me vaghvagha uan ifongiabar gɨrara ghua, mati hoziaba mɨdorozim bagha ghuaba arigha ivemara ghuavɨra iti.