Jeremaia 3:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Kɨ Ikiavɨra Itir God, kɨ kamaghɨn mɨgɨa ghaze, Dughiar gɨn zamin kamɨn, ian dɨbobonim ian nguazimɨn bar avɨrasemegham. Eghtɨ gumazamiziba ua nan Akar Dɨkɨrɨzir Gavgavimɨn Boksiam mɨkɨman kogham. Egh ia Boksiar kam gɨn amadagh uam a gɨnɨghnɨghan kogham. Egh ia Akar Dɨkɨrɨzir Gavgavimɨn Boksiar igiatam, uam an ingarighan kogham.

Jeremaia 3:16 ပူးပေါင်းရင်းမြစ်များ

Esekiel 37:26

Kɨ me ko Akar Dɨkɨrɨzir Gavgavim damightɨ a ikɨ mamaghɨra ikiam. Me Akar Dɨkɨrɨzir Gavgavimɨn gɨn mangɨ navir amɨrizim ko dabirabir aghuim ikiam. Eghtɨ kɨ deravɨra me damuam. Kɨ me damightɨ, me ekɨva bar avɨrasemegham. Egh kɨ uan Dɨpenim men tongɨn anetɨghtɨ, a ikɨ mamaghɨra ikiam.

Aisaia 65:17

Ikiavɨra Itir God kamaghɨn mɨgei, “Ia ganigh! Kɨ overiar igiam ko nguazir igiamɨn ingarasava ami. Eghtɨ gumazamiziba ua fomɨram otivizir bizibagh nɨghnɨghan kogham. Guizbangɨra, ia bar da bakɨnɨghnigham.

Matyu 3:9

Egh ia pura uarigh nɨghnɨgh suam ‘E Abrahamɨn ovaviba.’ Kɨ ia mɨgei, God dagɨar kabara amightɨ da Abrahamɨn ovavibar mɨn otivighamin gavgavim iti.

Jeremaia 31:8

Bar guizbangɨra, kɨ notɨn amadaghan itir nguibar kam ko nguazir oteviba bar uan gumazamiziba inigh, ua men aku izam. Damazir kuraba itir gumaziba, ko suer kuraba itir gumaziba ko, amizir navir adaseba ko, amizir boriba batasava amiba, me uaghan izam. Eghtɨ gumazamizir avɨrim uamategh nguibar kamɨn izam.

Jeremaia 30:19

Eghtɨ Israelia na mɨnabir ighiabar amuam. Egh me ighiabar amuva, egh bar akongegham. Eghtɨ kɨ me damightɨ me bar avɨrasemegham, egh me ua varazira ikian kogham. Eghtɨ kɨ gumazamizir igharazibar amightɨ, me men ziaba dɨkabɨraghan kogham, me ziar ekiam me danɨngam.

Aisaia 61:4

Ia Ikiavɨra Itir Godɨn gumazamiziba, ia fomɨra ikuvizir nguibar ekiaba ua da akɨr, egh bizir ikuvigha gɨvagha azenir avɨribar ikegha gɨvaziba akɨram.

Aisaia 60:22

O Jerusalem, gumazir nɨn ikia ziam puvatɨzim, a gumazamizir ikɨzir dafamɨn afeziamɨn otogham. Ezɨ ikɨzir muziariba, me bar avɨrasemegham, mati kantrin bar ekiar gavgavibar gumazamizibar mɨn otivigham. Kɨ Ikiavɨra Itir God, kɨ mɨkemegha mɨsevezir dughiam, kɨ bizir kabar amutɨ, da zuamɨram otivigham.”

Matyu 1:11

Ezɨ Josaia Jehoiakin ko an aveghbuar mabar afeziam. Dughiar kamɨn Israelia ghua kalabuziar gumazamizibar mɨn Babilonɨn nguibar ekiamɨn ghue.

Sefanaia 3:11

“Nan gumazamiziba, ia guizbangɨra nan akam batoke. Eghtɨ kɨ bizir kabar amutɨ da otivamin dughiamɨn, ian tongɨn itir gumazir uari fa akaba batoziba, kɨ bar me batuegham. Eghtɨ ia Jerusalemɨn ikiam, kar nan mɨghsɨam, egh ia ifaghatɨ ua nan akaba batoghan kogham. Kamaghɨn amizɨ, ia uamategh Jerusalemɨn izeghɨva, nɨ ua uan arazir kurabagh nɨghnɨgh aghumsɨghan markɨ.

Amos 9:9

“Ia oragh! Kɨ pura mɨkɨmtɨma, Israelia nɨghɨva akongam, mati gumazim rais mɨsogha, da amɨsɨvasa dagh ivazvasi. Eghtɨ Israelian gumazamizir kuraba raizɨn afezibar mɨn, kantrin igharazibar tongɨn nguazim giregham.

Jeremaia 31:27

“Kɨ Ikiavɨra Itir God, kɨ ghaze, Kɨ dughiar mam amɨsefe, egh kɨ gumazamiziba ko asɨzibar amightɨ, da Judaba ko Israelian nguazimɨn otiv bar avɨrasemegham. Mati gumazim dagher azenimɨn ingarigha, dagher avɨribagh amizɨ da otifi.

Jeremaia 7:4

Ia kamaghɨn mɨgei, ‘Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim.’ Egha ia kamaghɨn mɨgɨa uarira uarigh ifari. Dɨpenir kam tong ian akuragh ia damutɨ, ia Godɨn damazimɨn deraghvɨra ikian kogham.

Jeremaia 3:17

Eghtɨ dughiam izɨtɨ gumazamiziba kamaghɨn mɨkɨmam, Jerusalem uabɨ, a Ikiavɨra Itir Godɨn atrivir dabirabimɨn mɨn ikɨ. Eghtɨ kantriba bar dar gumazamiziba izɨ an uari akuv, Ikiavɨra Itir Godɨn ziar ekiam fam. Egh me uan navir averiabar aven damuasa ifongezir arazir kuraba ko men arazir akam batoziba, me ua dar gɨn mangan kogham.

Esekiel 15:5

Avim tɨghar an isiam, ingangariba an puvatɨ. Ezɨ datɨrɨghɨn avim tong an isightɨ, a guizbangɨra ingangariba bar an puvatɨgham.”