Jeremaia 27:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kantriba bar an apengan ikɨ, egh uaghan an otarim ko, an igiav otarir gɨn otivamim sara men apengan ikiam. Me Babilonɨn apengan ikɨ mangɨ, kɨ Babilon gasɨghasɨghamin dughiar kɨ mɨsevezimɨn tugham. Dughiar kamɨn, kantrin avɨriba ko atrivir gavgaviba Babilonɨn dɨkabɨragh, me damutɨ me pura men ingangarir gumazir kɨnibar otivigham.

Jeremaia 27:7 ပူးပေါင်းရင်းမြစ်များ

Jeremaia 52:31

Judan Atrivim Jehoiakin, Babilonɨn 37plan azenibar kalabusɨn itima, Evil Merodak, Babilonɨn atrivimɨn oto. Egha azenir kamɨn aven an namba 12ɨn iakɨnim otogha ghua, namba 25ɨn aruemɨn otozɨ, Evil Merodak Jehoiakinɨn apangkuvigha, kalabusɨn anegɨfa.

Akar Mogomem 16:19

Ezɨ Babilonɨn nguibar ekiam bɨaghiregha 3plan okoruabar otifi, ezɨ gumazamizibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn kap bar aneme, kar Godɨn anɨngagharir arazimɨn wainɨn kap.

Akar Mogomem 14:8

Ezɨ enselɨn an gɨrara irir mam iza ghaze, “Babilonɨn nguibar ekiam bar ikufi! Guizbangɨra a ikuvigha gɨvazɨ gumazitam an itir puvatɨ. Babilonɨn Nguibar Ekiar kamra gumazamizibagh amizɨ, me a ko arazir uari bakɨa akuir arazir kurar gavgavibagh ami, mati me wainɨn gavgavim me ganɨngizɨ, me aneme.”

Habakuk 2:7

Ia gumazir igharaz darazi abɨniziba, ia uari gumazir munamɨn bizim inigh, egh uam a ikarvaghamin osɨmtɨzir ekiaba ikiam. Eghtɨ igharaz darazi zuamɨra ia bagh izɨ, ia mɨkɨm suam, arazir gumazir munamɨn bizim inigha uam a ikarvaghamin, ia zuamɨram a ikaragh. Guizbangɨra, apaniba izɨ ian bizibagh eku, da ater mangam.

Aisaia 21:9

Egha kɨ datɨrɨghɨn gumazibar garima, gumazim karis gaperazɨ hoziar pumuning a gekuigha izi, ezɨ maba kamaghɨra aning tɨva izi.” Egha gumazir kam ua kamaghɨn mɨgei: “Babilon ikuvigha gɨfa, a ikuvigha gɨfa. Ezɨ men asebar marvir guaba nguazim giregha bar mɨsaraghire.”

Aisaia 13:1

God kantri Babilon gasɨghasɨghasa, kamaghɨn, a irebamɨn mɨn garir bizimɨn aven, akam isa Emosɨn otarim, Aisaia ganɨngi.

Onger Akaba 37:13

Ekiam kamaghɨn fo, gumazamizir kuraba gɨvaghamin dughiam a izi. Kamaghɨn a men ingaravati.

Jeremaia 27:22

‘Apaniba bizir kaba bar ada inigh Babilonɨn mangam. Eghtɨ bizir kaba Babilonɨn ikɨ mangɨ dughiar kɨ inabazimɨn, kɨ uam adagh inɨrɨgham. Eghtɨ dughiar kamɨn kɨ ua me inightɨ, me ua Jerusalemɨn ikiam.’ ”

Jeremaia 34:1

Babilonɨn Atrivim Nebukatnesar uan mɨdorozir gumaziba ko, iza Jerusalemia ko, Judan nguibar ekiaba ko mɨsozir dughiamɨn, Ikiavɨra Itir God akam isa Jeremaia ganɨngi. Nebukatnesarɨn apengan itir kantriba bar dar ikɨzibar mɨdorozir gumaziba, me bar Nebukatnesarɨn gɨn ghua Jerusalem mɨsosi. Dughiar kam, Ikiavɨra Itir God kamaghɨn Jeremaia mɨgei,

Jeremaia 44:30

Bizir kɨ ia damuamim a kamakɨn, Isipɨn Atrivim Hofra, kɨ a isɨ apanir a mɨsueghtɨ ana aremeghamimɨn dafarim darɨgham. Arazir kamra, kɨ faragha Judan Atrivim Sedekaia gami. Babilonɨn Atrivim Nebukatnesar Sedekaian apanim gami, egh a mɨsueghtɨ an aremeghasa, kɨ a isa Nebukatnesar ganɨngi.”

Jeremaia 46:13

Babilonɨn Atrivim Nebukatnesar izɨ Isipɨn kantri ko mɨsoghamin dughiamɨn, Ikiavɨra Itir God akar mam isa uan akam inigha izir gumazim Jeremaia ganɨngi. Akar kam kamakɨn:

Daniel 2:37

Atrivim, nɨ faraghavɨra ikia, egha atrivir maba bar dagh afira. Ezɨ Godɨn Uan Nguibamɨn Itim, a nɨn amamangatɨzɨ nɨ atrivimɨn iti. Ezɨ a gavgavim nɨ ganɨga egha ziar ekiam nɨ ganɨngi.

Daniel 4:22

“Atrivim, nɨrara temer kam, ruaragha bar gavgafi. Ezɨ nɨn gavgavim bar ekevegha pɨn ti, ezɨ nɨn gavgavim nguazimɨn itir gumazamiziba bar dar gari.

Habakuk 2:8

Ia kantrin avɨrir igharazibar gumazamizibar biziba, ia bar da okeme. Egha ia men gumazamizir bar avɨrim mɨsoghezɨ me ariaghirezɨ, ia men nguibar ekiabagh asɨghasɨki. Egha men gumazamizir varazira ataghizɨ me ikiavɨra iti. Egh me gɨn, igharaz darazi gamizɨ moghɨra, me dɨkavigh arazir kamra ia damuam.

Esekiel 30:24

Eghtɨ kɨ Babilonian atrivimɨn agharimning damightɨ aning gavgavigham. Kɨ uan mɨdorozir sabam an dafarim datɨgham. Kɨ Isipɨn atrivimɨn agharimning apɨrightɨ, a mɨzazir bar ekiam iniam. Egh Babilonɨn atrivimɨn damazimɨn mati gumazim aremeghasava amua bar puvɨra tuava arai.