Jeremaia 25:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁴ Ia gumazamizibar gumazir dapaniba ko me geghuva men gariba, mati sipsipbar garir gumaziba uan sipsipbagh eghufi, ia bar puvɨrama azi. Apaniba izɨ ia mɨsoghtɨ ia arɨmɨghiramin dughiam otogha gɨfa. Eghtɨ gɨn me gumazamizir ikiavɨra itiba batuegham. Kamaghɨn amizɨ, ia nguazim giregh a gɨpoghpogh. Ia nguazir mɨner aghuim irɨgha bɨaghirezɨ moghɨn, ia iregh bar ikuvigham.

Jeremaia 25:34 ပူးပေါင်းရင်းမြစ်များ

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Amos 5:11

Ia onganarazibagh amir gumazamiziba dɨkabɨra men biziba pura dagh ekuava, men dagheba okei. Ia dagɨar gavgavibar dɨpenir aghuibar ingari, egh ia dɨpenir katamɨn ikeghan kogham. Ia wainɨn azenir aghuiba opari, egh ia azenir kabar wainɨn dɨpatabar ameghan kogham.

Daniel 11:8

Egh a men asebar marvir guaba, ko men aseba baghavɨra itir bizir aghuir me silva ko golɨn ingariziba, ko bizir aghuir igharaziba sara, inigh Isipɨn mangam. Eghtɨ bizir kabar gɨn azenir tabar mɨdoroziba puvatɨgham.

Esekiel 34:20

“Ezɨ datɨrɨghɨn, kɨ Ikiavɨra Itir Godɨn Ekiam, kamaghɨn ia mɨgei: Ia oragh! Kɨ vaghvagh ian araziba tuisɨgh ia tuiragham. Egh ia sipsipɨn gavgavir mɨkarziba sara itiba kɨ vongɨn ia arɨgh, egh vongɨn sipsipɨn gavgaviba puvatɨzibar arɨgham.

Jeremaia 50:27

Mati gumaziba bulmakaubav sozi moghɨn, ia Babilonɨn mɨdorozir gumazir gavgaviba bar me mɨsoghɨrarɨkigh. Ikiavɨra Itir God me gasɨghasɨghamin dughiam an otivasa, kamaghɨn amizɨ, me bar moghɨra ikuvigham.

Jeremaia 48:26

Ikiavɨra Itir God kamaghɨn mɨgei: “Moap na batoke, kamaghɨn amizɨ, apaniba a dɨkabɨnasa kɨ ifonge. Egh a damightɨ a mati gumazim dɨpar onganim amezɨ moghɨn otogham. A uan mimizibagh isɨn daku, egh tintinibar poghpogham, eghtɨ gumazamiziba an ingarɨva akam.

Jeremaia 27:7

Kantriba bar an apengan ikɨ, egh uaghan an otarim ko, an igiav otarir gɨn otivamim sara men apengan ikiam. Me Babilonɨn apengan ikɨ mangɨ, kɨ Babilon gasɨghasɨghamin dughiar kɨ mɨsevezimɨn tugham. Dughiar kamɨn, kantrin avɨriba ko atrivir gavgaviba Babilonɨn dɨkabɨragh, me damutɨ me pura men ingangarir gumazir kɨnibar otivigham.

Jeremaia 25:36

Ikiavɨra Itir God danganir men sipsipba apir grazibagh asɨghasɨki. Kamaghɨn amizɨ, ia oragh! Datɨrɨghɨn sipsipbagh eghuvir gumaziba bar puv aziava arai.

Jeremaia 25:23

Egha kɨ ghua Dedanɨn gumazamiziba ko, Teman gumazamiziba ko, Busɨn gumazamiziba ko, gumazamizir uan dapanir mɨnedevir arɨzibar pɨra da oteviba, sara bar me ganɨngi.

Jeremaia 25:12

“Eghtɨ 70plan azeniba gɨvaghtɨma, kɨ Babilonɨn atrivim ko an gumazamiziba, kɨ men arazir kurar me amiba ikarvagh puv me damigham. Egh Babilonɨn kantri gasɨghasigham, an ziar mam Kaldia. Eghtɨ Babilonɨn nguazim pura ikɨ mamaghɨra ikiam.

Jeremaia 22:28

Ezɨ Jeremaia kamaghɨn mɨgei: “Manmagh ami? Gumazir kam Jehoiakin, a mati nguazir mɨner kurar mam bɨghizɨ gumazamiziba an aghuaz, o? Manmaghsua Ikiavɨra Itir God an boriba sara nguazir me fozir puvatɨzimɨn me akunasa?

Jeremaia 3:19

Kɨ Ikiavɨra God, kɨ ua kamaghɨn mɨgei, “Israelia, kɨ fomɨra ia damightɨ ia guizbangɨra nan boribar otivasa nɨghnɨsi. Egha nguazir bar aghuir kam ia danɨngasa bar akonge. Nguazir dirir kam, gumazamizir igharazibar nguaziba bar dagh afira. Eghtɨ ia an ikɨ mamaghɨra ikiam. Kɨ kamaghɨn ia gɨnɨghnɨgha ghaze, ia na dɨpon suam, Nɨ en Afeziam. Egh ia zurara nan gɨn izɨ, uamategh mangan markɨ.

Aisaia 34:6

Eghtɨ Idomian ghuzim ko ovim, Ikiavɨra Itir Godɨn mɨdorozir sabam bar anegɨragɨrigham, mati sipsip ko memen ghuzim ko ovim, gumaziba ofa damuasa dav sozi men ghuziba ko ovim men dafariba agɨragɨri. Ikiavɨra Itir God kantri Idomɨn aven Bosran nguibar ekiamɨn, gumazamizir bar avɨrim mɨsueghtɨ me arɨmɨghiregham. Mati a uabɨ Bosran ikɨ ofan bar dafam damuam.

Aisaia 33:1

Ia kantrin igharazibagh asɨghasɨzi darasi, iavzika! Ia bar ikuvigham. Bar guizbangɨra, ia datɨrɨghɨn ikuvizir puvatɨ. Ezɨ ia kantrin igharazibagh asɨghasɨghamin dughiam, a gɨfa, eghtɨ ia uari ikuvigham. Ia igharaz darazigh ifarava, uan akar dɨkɨrɨziba abigha me isa apanibar agharim garɨsi. Bar guizbangɨra, tarazi datɨrɨghɨn ia gifarazir puvatɨ. Eghtɨ ia igharaz darazigh ifaramin dughiam, a gɨvagham. Eghtɨ igharaz darazi ia gifar, ia isɨ apanibar dafarim darɨgham.

Aisaia 30:14

Bar guizbangɨra, ia bar ikuvigham, mati nguazir mɨnem bigha akuar bar mɨzumzuiaribar ire, ezɨ akuar ekiatam itir puvatɨ, me akua tam isɨ avim isir danganimɨn mangɨ avir mɨkɨam tuighan kogham. O akua tam inigh mangɨ mozir dɨpamɨn an dɨpaba tuan iburagham.”

Aisaia 10:12

Asirian atrivim ghaze, a bar pɨn mar ikia bar gavgafi, egha a uabɨra uan ziam fe. Eghtɨ gɨn nan Ekiam, a faragha mɨkemezɨ moghɨn, a Saionɨn Mɨghsɨamɨn ikɨ, a Jerusalemɨn nguibar ekiam, a uan ingangariba bar dar amigh gɨvaghtɨ, a gɨn uamategh mangɨ ivezir kuram Asirian atrivim danɨngam.

Aisaia 2:16

A Tarsisɨn nguibar ekiamɨn kurir aghuiba, ko kurir ekiar bar dirir igharaziba, bar dagh asɨghasɨgham.

Onger Akaba 2:9

Nɨ uan agharir gavgavimɨn men suiragh men ganam. Nɨ me abightɨ, me nguazir mɨneba bɨaghiri moghɨn bɨghiregh, mɨzumzuiaribar iregham.”

2 Eghaghaniba 36:10

Azenir kamɨn, orangtɨzimɨn dughiam gɨvasava amima, Atrivim Nebukatnesar mɨdorozir gumaziba amadazɨ, me ghua Jehoiakin isa kalabuziar gumazimɨn mɨn, a inigha Babilonɨn ghu. Egha mɨdorozir gumaziba uaghan Ikiavɨra Itir Godɨn Dɨpenimɨn aven itir itarir aghuiba inigha Babilonɨn ghu. Egha Nebukatnesar Jehoiakinɨn afeziar dozim Sedekaia gamizɨ, a Juda ko Jerusalemɨn atrivimɨn oto.

Jems 5:5

Ezɨ dughiar ia nguazir kamɨn itim, ia bizir aghuir avɨriba isa bar akuegha iti. Egha ia dagher avɨriba apa bar ekefe. Ezɨ God ia mɨsoghtɨ ia arɨmɨghiramin dughiam, an otogha gɨfa.

Aisaia 34:7

Egh Ikiavɨra Itir God, uaghan bulmakaun atiaba ko bulmakaun igiaba ko bulmakaun apurir bar gavgaviba, dav soghtɨ da arɨmɨghirɨtɨ, dar ghuziba ko oviba Idomɨn kantrin nguazim giregh anevaragham.

Jeremaia 18:22

Nan apaniba nan suiragh na gasɨghasɨghasa, mati asɨzim mozimɨn magɨrasa mozim gutui, egha mati gumazim asɨzimɨn suighasa azuazim aguragha a mɨzua iti. Kamaghɨn amizɨ, nɨ zuamɨra gumazir kuraba ameghtɨ me izɨ gumazir kaba ko mɨsogh, me gasɨghasɨkigh, eghtɨ me bar puvɨram atiatingɨva, uan dɨpenibar aven mongegh bar puvɨram arangam.

Jeremaia 48:38

Kɨ Ikiavɨra Itir God, kɨ Moapɨn kantri gasɨghasigham, mati nguazir mɨner ingangariba puvatɨziba, gumazim ada abɨagharɨki. Kamaghɨn amizɨ, Moapɨn kantri ararer bar ekiam otogham. Eghtɨ me pɨn dɨpenibar azuaribar ikiam, o danganir me ivɨriabagh amua uari akuva itibar ikɨva, bar puvɨram aziam.

Hosea 8:8

Israelia ua derazir puvatɨ. Me kantrin igharazibar mɨraram oto. Datɨrɨghɨn me mati nguazir mɨnem bɨki, egh me ua nan ingangarim damuan kogham.

Sekaraia 10:3

Ezɨ Ikiavɨra Itir God kamaghɨn mɨgei, “Kantrin Igharazibar Gumazamizibar gumazir dapanir nan gumazamiziba gativaziba, nan navim men atara me bagha nan isi. Kɨ ivezir kuram me danɨngam. Judan gumazamiziba, me nan gumazamizibara. Kɨ Ikiavɨra Itir Godɨn Gavgaviba Bar Itim, kɨ deraghvɨra men ganam, mati sipsipbagh eghuvir gumazim uan sipsipbar gari. Egh kɨ Judan anababa bar dar amutɨ, me mɨdorozir hoziar bar gavgavimɨn mɨn ikiam.

Sekaraia 11:3

Atrivibar gavgaviba ko, men ziar ekiaba gɨfa, kamaghɨn amizɨ, men naviba bar osemezɨ, me azi. Ia oragh, atriviba pamtemɨn arava azi. Me mati laionba Jordanɨn Faner mɨriamɨn moga itir ruarir ekiam, me an temer ekiaba okava, a gasɨghasɨghizɨma da aroi.

Jeremaia 23:1

Ikiavɨra Itir God kamaghɨn mɨgɨa ghaze, “Ia gumazir dapaniba, Iavzika! Ia bar ikuvigham. Ia nan gumazamiziba paza me gami. Ia sipsipbar gari gumazir kuraba, ia men agɨntɨgha me gasɨghasɨzima me tintinibar zui.