Jeremaia 25:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Egha kɨ ghua Dedanɨn gumazamiziba ko, Teman gumazamiziba ko, Busɨn gumazamiziba ko, gumazamizir uan dapanir mɨnedevir arɨzibar pɨra da oteviba, sara bar me ganɨngi.

Jeremaia 25:23 ပူးပေါင်းရင်းမြစ်များ

Jeremaia 9:26

Ia nguibar kabar gumaziba, kar Isipia, Judaba, Idomia, Amonia, Moapia ko gumazir pura gumazamiziba puvatɨzir danganimɨn ikia uan dapanir dakurir arɨzibagh isezɨ da oteveziba, gumazamizir kaba me gumazir God gɨfozir puvatɨziba. Ezɨ Israelia uaghan men arazibar gɨn zui. Israelian gumaziba uan mɨkarzir mogomer iniba aghoregha, uan navir averiabagh irazir puvatɨ. Egha me mati gumazir uan mɨkarzir mogomer iniba aghorezir puvatɨziba.”

Jeremaia 49:32

Ia men kamelba ko men bulmakauba ko sipsipba inigh. Gumazir pura gumazamiziba puvatɨzir danganimɨn ikia, egha uan dapanir dakurir arɨzibagh isiba, kɨ me batueghtɨ me tintinibar mangegham. Kɨ Ikiavɨra Itir God, kɨ apaniba ia damightɨ, ia tintinibar danganiba bar dar otivightɨ, Hasor bar dughiar kuram batogham.

Jeremaia 49:8

Dughiar kɨ arazir kurar ia amiziba bagh ivezir kuramɨn ia ikarvaghamim, kɨ anemɨsevegha gɨfa. Egh kɨ dughiar bar kuram damightɨ, a Idomia bativam. Ia Ison ovavir boriba, ia bar ikuvigham. Kamaghɨn, ia Dedanɨn gumazamiziba, ia nguibam ategh arɨ mangɨ deraghvɨra mongegh.

Jopɨn Akɨnafarim 6:19

Teman nguibar ekiamɨn gumaziba ko Sabean gumazir biziba amadiba, uaghan kamaghɨram ami. Me ghaze, dɨpaba daghurir kabar ikiama, egh me uan kamelba inigh mangɨtɨ me dɨpabar amam. Ezɨ me daghuribar garima, da bar dakezɨ, me dɨgavir kuram gami. Egha men nɨghnɨziba bar derazir puvatɨgha okam nɨghnɨsi.

Jenesis 22:21

Otarir kabar ziabar kara: Us, an otarir ivariam, ko Bus, ko Kemuel (Kemuel gɨn Aramɨn afeziamɨn oto) ko,

Esekiel 27:20

Ezɨ Dedanɨn gumazamiziba hoziabar satelɨn apengan arɨzir nir mɨtiaba isa, nɨn biziba bagha, nɨ ko ikarvazir arazim gami.

Esekiel 25:13

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Kɨ datɨrɨghɨn uan agharir gavgavim isɨ Idomɨn kantrin amadagh, a gasɨghasɨgham. Egh Temanɨn nguibamɨn ikegh mɨdorozir sabamɨn gumazamiziba ko asɨzibav soghɨrarɨgh mangɨ Dedanɨn nguibamɨn tugham. Eghtɨ Idomɨn kantri pura ikiam.

1 Eghaghaniba 1:30

Misma, Duma, Masa, Hadat, Tema ko,

Jenesis 25:15

ko Hadat, Tema, Jetur, Nafis, ko Kedema.

Jenesis 10:7

Ezɨ Kusɨn otaribar ziabar kara: Seba, Havila, Sapta, Rama ko Sapteka. Ezɨ Rama otarir pumuningra iti: Seba ko Dedan.

Jeremaia 49:7

Ikiavɨra Itir Godɨn Gavgaviba Bar Itim, Idomian gumazamiziba akam men iti. A kamaghɨn mɨgei: “Manmaghɨn ami? Temanɨn Distrighɨn gumazamiziba ti nɨghnɨzir aghuiba ko fofoziba puvatɨ, a? Ezɨ fofozir gumaziba ti akar aghuibav geir arazim ataki, a? Men nɨghnɨzir aghuim ko fofozim ovegha gɨfa, a?

Esekiel 27:15

Dedanɨn gumazamiziba nɨ ko ikarvazir arazim gami, ezɨ ongarimɨn mɨriabar itir gumazamiziba, nɨ ko ikarvazir arazim gamua, elefanɨn atariba ko ebonin temer pɨziba nɨ ganɨga nɨ da bizibagh ivesi.

Jeremaia 9:25

“Ikiavɨra Itir God ghaze, Gumazir uan mɨkarzir mogomebar iniba aghorezir kaba, men araziba azenan paza zui, egha me nan akamɨn gɨn zuir puvatɨ. Gumazir kaba, dughiam izɨtɨ kɨ puv me damigham.

Jeremaia 49:28

Ikiavɨra Itir God, Kedarɨn ikɨzim ko Hasorɨn nguazimɨn aven itir distrighbar adarazi akam men iti. Babilonɨn Atrivim Nebukatnesar me mɨsogha me dɨkabɨragha gɨfa. God datɨrɨghɨn kamaghɨn Kedarian apanibav gei: “Ia dɨkavigh mangɨ Kedarian mɨsogh. Ia aruem anadi naghɨn itir gumazamizir kaba bar me agɨfagh.