Jeremaia 23:32 - Godɨn Eghaghanim: Akar Gavgavir Dɨkɨrɨzir Ghurim ko Igiam

³² Ia gan! Kɨ Ikiavɨra Itir God, kɨ garima, akam inigha izir gumazir kaba, uan ifavarir irebabar gara dar gun gumazamizibav gei. Egha me gifara ghaze, kɨ da isa me ganɨdi. Me akar ifavarir igharagha garir avɨriba akuri, ezɨ bizir kam gumazamizibagh etuima me nan saghon iti. Kɨ me amadazir puvatɨgha, ingangarim me ganɨngizir puvatɨ. Kamaghɨn amizɨ, me gumazamizibar akurvazir puvatɨ. Bar puvatɨ. Kamaghɨn amizɨ, kɨ men apanim gami. Kɨ Ikiavɨra Itir God, kɨ mɨkemegha gɨfa.”

Jeremaia 23:32 ပူးပေါင်းရင်းမြစ်များ

Sefanaia 3:4

Godɨn akam inigha izir gumaziba deraghavɨra uan ingangarim gamir puvatɨ, egha ifaghata gumazamizibagh asɨghasɨghasa pura me gifari. Ofa gamir gumaziba, me bizir anogorogheziba paza dagh ami, egha uarira uarir akurvaghasa Godɨn Akar Gavgaviba otavkɨri.

Jeremaia 7:8

“Ia uarir gan. Ia akar ifavarir kaba nɨghnɨzir gavgavimɨn dar iti. Ada tong ian akuraghan kogham.

Akar Mogomem 19:20

Ezɨ, asɨzir atiam ko akar ifavaribagh amir gumazim, an aning kalabus gatɨ. Akar ifavaribagh amir gumazir kam arazarazir igharagha garir avɨrim asɨzir atiamɨn damazimɨn dagh ami. Kamaghɨn amizɨ a gumazamizibagh ifarima me asɨzir atiamɨn osizirim inigha egha an marvir guamɨn ziam fe. Asɨzir atiam ko akar ifavaribagh amir gumazim, aning angamɨra ikiavɨra itima, me aning inigha aning akunizɨ aning danganir salfan dagɨar avim ikia mamaghɨra itim giraghu.

Matyu 15:14

Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”

Jeremaia 29:31

“Jeremaia, nɨ akam isɨ bar Judan Babilonɨn kalabusɨn itir adarazi bagh anemadagh, kamaghɨn me mɨkɨm suam: Ikiavɨra Itir God, Nehelamɨn nguibamɨn gumazim Semaia gɨnɨghnɨgha ghaze, kɨ ia bagha Semaia amadazir puvatɨ. Ezɨ an akam inigha izir gumazimɨn mɨn akamɨn gun ia mɨkeme, egha ia gamizɨma, ia akar ifavarir kam nɨghnɨzir gavgavim an iti.

Jeremaia 23:25

“Kɨ akam inigha izir gumaziba nan ziamɨn gun mɨgeir akar ifavariba baregha gɨfa. Me kamaghɨn mɨgei, ‘Kɨ irebamɨn gani. Kɨ irebamɨn gani.’

Jeremaia 23:16

Ikiavɨra Itir Godɨn Gavgaviba Bar Itim kamaghɨn Jerusalemia mɨgei, “Ia Godɨn akam inigha izir gumaziba mɨgeir akaba baraghan markɨ. Me ia gifara ghaze ia deraghvɨra ikiam. Me uan nɨghnɨzibar aven irebabar mɨn garir bizibar gara ia mɨgei. Kɨ akar kaba me ganɨdi puvatɨ.

Aisaia 3:12

O nan gumazamiziba, iavzika! Ian gumazir dapaniba ia gifara ia gamizɨ, ia men gɨn tuavir kurabar ghue. Ezɨ borir igiaba ko amiziba ia gativagha, ia dɨkabɨra paza ia gami.

Godɨn Araziba 18:20

Eghtɨ akam inigha izir gumazitam, nan akar kɨ a ganɨngizir puvatɨzitam akunam, o a asetamɨn ziamɨn gun mɨkɨmam, an ovengam.’

2 Korin 1:17

Ezɨ manmaghɨn ami? Ia ti ghaze, kɨ amizir mɨgɨrɨgɨar kaba, kɨ pura ia gifari. Ia ti ghaze, kɨ nguazir kamɨn gumazamizibar mɨn puram akar dɨkɨrɨzibagh amua dar ghuangsɨgha ghaze, “Guizbangɨra,” o “Puvatɨ,” uagharam aning mɨkɨmam? Bar puvatɨ.

Jopɨn Akɨnafarim 13:4

Ezɨ iarara, mɨgɨrɨgɨar ifavarir avɨribagh ami. Ia mati dokta gumazimɨn arɨmariam akɨran fofozim puvatɨ.

Aisaia 9:15

Dapanim, a gumazir aruaba ko gumazir ziar ekiaba itibar ababanim. Ezɨ puem, a gumazir akam inigha iziba, me akar ifavaribar gumazamizibagh anɨdiba, men ababanim.

Jeremaia 23:13

“Kɨ fomɨra Samarian Godɨn akam inigha izir gumazibar garima, me kamaghɨra arazir kurar kɨ bar aghuazim gami. Me asem Balɨn ziamɨn, akam akuri, egha nan gumazamizibar akua tuavir kuramɨn zui.

Jeremaia 23:31

Bar guizbangɨra, kɨ Ikiavɨra Itir God, kɨ akam inigha izir gumazibar garima, me pura mɨzebav gɨa kamaghɨn mɨgɨa ghaze, ‘Kar Ikiavɨra Itir Godɨn akam.’ Kamaghɨn amizɨ, kɨ men apanim gami.

Sekaraia 10:2

Gumazamiziba, me gɨn otivamin bizibagh foghasa, aseba ko kukunir gumazibar azangsɨsi. Ezɨ me ifavarir akabar me gami. Gumazir maba irebabar mɨngaribar gun mɨgei, me uaghan ia gifari. Me ghaze ia navir amɨrizim iniam, ezɨ puvatɨ, ian navir osɨmtɨzim ikɨvɨra ikiam. Gumazamiziba mati sipsipba tintiniba arua ovegha gɨfa. Me geghuvir gumaziba puvatɨzɨ, kamaghɨn amizɨ me osɨmtɨziba ateri.