Jeremaia 23:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Me uari uan irebabar gun uarira uariv gei, egha me ghaze bizir kam gumazamizibar amutɨ, me na gɨn amadagham, mati men inazir afeziaba fomɨra na gɨn amadagha, asem Bal bagha tevibar pɨra an ziam fe.

Jeremaia 23:27 ပူးပေါင်းရင်းမြစ်များ

Gumazir Dapaniba 3:7

Egha Israelia Ikiavɨra Itir Godɨn damazimɨn arazir kuram gami. Me Ikiavɨra Itir God, uan God, bakɨnɨghɨnigha, arazir kuram gamigha Balɨn aseba, ko Astarten aser amizibar ziaba fe.

Aposel 13:8

Kukunir gumazir kam, me Grighɨn akamɨn ziar kam Elimas a gatɨ, an mɨngarim kukunir gumazim. Elimas, a gavmanɨn gumazim Sergius Paulus, nɨghnɨzir gavgavim Iesusɨn ikian an aghua. Elimas, Barnabas ko Solɨn ingangarim pazɨva a damuasa.

Jeremaia 29:8

Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra ia mɨgei, ia akam inigha izir ifavarir gumaziba ko kukunir gumaziba, ia me ateghtɨ me ia gifaran markɨ. Egha ia garir irebar aghuiba, gumazir dar mɨngariba abɨgha ia mɨgeiba, ia me baraghan markɨ.

2 Atriviba 21:3

Fomɨra an afeziam Hesekia mɨghsɨabar pɨn itir asebar ziaba fer danganiba apɨragharɨki. Ezɨ datɨrɨghɨn Manase ua dar ingari. Egha asem Balɨn ziam fasa ofa gamir dakozibar ingari. Egha a Israelian Atrivim Ahap, fomɨra amizɨ moghɨn, an aser amizim Aseran nedazim itir temer guarir akɨnibar ingari. Egha uaghan overiamɨn itir mɨkovezibar ziaba fe.

Gumazir Dapaniba 10:6

Ezɨ Israelia uam arazir kuram Ikiavɨra Itir Godɨn damazimɨn a gami. Me aser Balba ko aser amiziba Astarte, dar ziaba fe, kar kantrin kabar aseba, Siria, Saidon, Moap, Amonia ko Filistiaba. Israelia Ikiavɨra Itir God ategha uam an ziam fer puvatɨ.

Jeremaia 9:14

Men navir averiaba gavgavigha uan ifongiamɨn gɨn ghua men inazir afeziaba men sure gamizɨ moghɨn, me aser Balbar ziaba fe.

Godɨn Araziba 8:11

Egha Moses kamaghɨn Israelia mɨgei: “Ia uari bagh deravɨra gan, egh Ikiavɨra Itir God, ian God bakɨnɨghnɨghan markɨ. Ia ti kamaghɨn damuva, ia Godɨn Akar Gavgaviba ko bizir a damuasa ia mɨkemeziba ko, arazir a ifongeziba ia da abigham, kar arazir bar kuram.

Godɨn Araziba 8:14

Ia dughiar kamɨn, uari fɨva akaba batogh Ikiavɨra Itir God, ian God, a bakɨnɨghnɨghan markɨ. Ia ingangarir gumazir kɨnibar mɨn Isipɨn kantrin itima, a ua ia inigha azenan ize.

Godɨn Araziba 8:18

Ikiavɨra Itir God, en God, a uabɨ gavgavim ia ganɨdima, ia bizir avɨriba isi. An arazir a ia gamir kabar mɨngarim kamakɨn, a ian inazir afeziaba ko amizir Akar Dɨkɨrɨzir Gavgavir kam gɨnɨghnɨgha kamaghɨn amua datɨrɨghɨn ghuavɨra iti.

Jeremaia 2:32

Egha ia ti ghaze, guivir igiaba me uan kurkazir aghuiba ategham, o puvatɨgham? Eghtɨ amizir igiar pamɨn ikiamim, uan kurkazir korotiar aghuiba bakɨnɨghnigh dar aghuan kogham, o? Puvatɨgham. Ezɨ ia nan gumazamiziba, fomɨra iza datɨrɨghɨn ia na gɨnɨghnɨzir puvatɨ. Gumazitam ti, dughiar ia na bakɨnɨghnɨghavɨra itibar dɨbobonim, mengɨva avegham.