Jeremaia 23:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Me ti na ko nan Nguibamɨn ikia uari akuvir dughiamɨn ikegha, nan nɨghnɨzitam inigha, egha me ghua guizbangɨra nan akabar gun nan gumazamizibav kemeghai. Ezɨ akar kam gumazamizibagh amizɨ, me arazir kurar me amiba ategha, uamategha na bagha izeghai.

Jeremaia 23:22 ပူးပေါင်းရင်းမြစ်များ

Sekaraia 1:4

Ia uan inazir afeziabar mɨn damu ikian markɨ. Fomɨra Godɨn akam inigha izir gumaziba nan akam me mɨkɨra ghaze, Ikiavɨra Itir Godɨn Gavgaviba Bar itim ghaze, ia pazavɨra itir arazir kuraba ataghɨragh. Ezɨ me na barazi puvatɨgha, nan gɨn izir puvatɨ. Kar Ikiavɨra Itir Godɨn mɨgɨrɨgɨam.

Jeremaia 25:5

Godɨn akam inigha izir gumazir kaba ghaze, “Ia bar vaghvagh navibagh iragh, tuavir kurar ia gɨn zuim atakigh, egh arazir kurar ia amiba atakigh. Egh arazir kaba ateghtɨ, Ikiavɨra Itir God ia ateghtɨ, ia nguazir a ia ko ian ovavibagh anɨngizir nguazimɨn deraghvɨra ikɨ mamaghɨra ikiam.

Jeremaia 23:18

Ezɨ Jeremaia kamaghɨn mɨgei: “Godɨn akam inigha izir gumazir katam, bar Ikiavɨra Itir Godɨn Nguibamɨn ikia uari akuvir dughiamɨn ikegha, Godɨn akatam ko an nɨghnɨzir aghuitam inizir puvatɨ. Gumazir kaba deraghavɨra kuarim atɨgha Godɨn akam baragha fozir puvatɨ.

Esekiel 13:22

“ ‘Ia akar ifavarir bar avɨribagh amua, gumazamizir aghuibar nɨghnɨzibagh asɨghasɨki. Ezɨ kɨ uabɨ me gamizɨ, me osemezir puvatɨ. Ia gumazamizir arazir kurabagh amibav gɨa, gavgavim me ganɨdima me uan navibagh ighasa nɨghnɨzir puvatɨ, kamaghɨn amizɨ, me zurara itir ikɨrɨmɨrim inighan kogham.

Jeremaia 35:15

Nan akam inigha izir gumaziba, kɨ dughiar avɨribar me amadima, me ia bagha izi, me nan ingangarir gumaziba. Me kamaghɨn mɨgɨa ghaze: Ia vaghvagh uan nɨghnɨzibagh ira uan arazir kuraba ategh, uan araziba akɨrigh. Egh ia asebar gɨn mangɨva, dar ziaba fan markɨ. Ia nan akar kamɨn gɨn mangɨva, nguazir kɨ ian ovaviba ko ia ganɨngizir kam, deraghvɨram an ikiam. Nan akam inigha izir gumaziba akar kamɨn gun ia mɨkeme, ezɨ ia nan akam barazir puvatɨgha, an gɨn zuir puvatɨ.

1 Tesalonika 5:6

Kamaghɨn amizɨ, e gumazamizir igharazibar mɨn daku ikian kogham. En damaziba kurighɨreghtɨ e deraghvɨra nɨghnɨgham.

Esekiel 3:17

“Nguazir kamɨn gumazim, kɨ Israelia geghuv men ganasa nɨ amɨsefe. Egh kɨ me mɨkɨmsɨ akatam mɨkemeghtɨ, nɨ oregh, ikiangsɨzim me danɨng me mɨkɨm.

Esekiel 2:7

Nɨ fo, kar akaba batozir adarasi. Me nɨ baragham, o ti puvatɨgham, nɨ pura nan akabar me mɨkɨm mangɨvɨra ikɨ.

Esekiel 18:30

“Kɨ Ikiavɨra Itir Godɨn Ekiam, kɨ kamaghɨn ia mɨgɨa ghaze, O Israelɨn ikɨzimɨn gumazamiziba, kɨ vaghvagh bar ian araziba tuisɨgham. Kamaghɨn amizɨ, ia navibagh iragh, ia amir arazir kuraba ategh, akɨrim ragh dagh asaragh. Eghtɨ ian arazir kuraba ia gasɨghasɨghan kogham.

Jeremaia 36:3

Eghtɨ Judaba bizir kurar kɨ me damuamibar akar kaba baregh, uan nɨghnɨzibagh ira uan arazir kuraba ateghtɨ, kɨ men arazir kuraba ko osɨmtɨziba gɨn amadagham.”

Jeremaia 9:12

Ezɨ kɨ Jeremaia kamaghɨn Ikiavɨra Itir God mɨgei, “Nguazir kam tizim bagha ikuvigha gɨfa, egha gumazamiziba puvatɨzir danganimɨn mɨn iti? Gumazir manatam Ikiavɨra Itir God nɨghnɨzim a danightɨ, a bizir kamɨn mɨngarimɨn gumazamizibav kɨmam?”

Jeremaia 23:14

Ezɨ kɨ datɨrɨghɨn Jerusalemɨn gumazir Godɨn akam inigha izibar gari, me arazir bar mɨzɨrɨzibagh ami. Ezɨ men arazir kuraba bar kurigha, Samarian akam inigha izir gumazibar arazibagh afira. Me amuir ikɨziba ko, par ikɨziba abɨzir arazim gamua, egha uaghan ifavarimɨn arazim gami. Me gumazir arazir kurabagh amiba gavgavim me ganɨdi. Kamaghɨn amizɨ, gumazitam akɨrim ragha arazir kabanang gasarazir puvatɨ. Kɨ Jerusalemian garima, me bar gumazamizir kuraba, mati Sodom ko Gomora.

Esekiel 13:5

Me nguibar ekiam avɨnizir dɨvazir akaraghirezir danganibar gara ua dar ingarir puvatɨ. Kamaghɨn amizɨ, Ikiavɨra Itir God Izamin Dughiar Ekiamɨn mɨdorozim otoghtɨ, ia Israelia tuivigh gavgavighan kogh apanibav soghan iburagham.

Amos 3:7

Bar guizbangɨra, Ikiavɨra Itir Godɨn Ekiam damuasava amir biziba, a faragh uan ingangarir gumazibav kemegham, kar an akam inigha izir gumaziba, egh gɨn a mɨkemezɨ moghɨra dar amuam.

Malakai 2:6

Me guizɨn arazibar gumazamizibar sure gami. Egha arazir kuratamɨn men sure gamizir puvatɨ. Ezɨ men ikɨrɨmɨrim na ko bar dera. Egha me uari arazir aghuibaram amua gumazamizir igharazir avɨribar akurvazima, me arazir kuraba ataghɨrasi.