Jeremaia 23:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ikiavɨra Itir Godɨn anɨngagharim ikɨvɨra ikɨ mangɨ, bizir a damuasa nɨghnɨziba bar ada gɨvagham. Egh dughiar abuananamɨn, ia gumazamiziba bizir kaba deraghvɨram adagh fogham.”

Jeremaia 23:20 ပူးပေါင်းရင်းမြစ်များ

Jeremaia 30:24

Ikiavɨra Itir Godɨn anɨngagharim ikɨ mangɨvɨra ikɨtɨ, bizir a damuasa nɨghnɨziba, a bar moghɨra dar amu da gɨvagham. Eghtɨ ia dughiar abuananamɨn, bizir kabagh fogham.

Aisaia 55:11

Ezɨ kamaghɨra, nan akam uaghan, pura uamategh na bagh izeghan kogham. Puvatɨ. A kɨ mɨkemezɨ moghɨra bizibar amutɨ da otivam. Eghtɨ ingangarir kɨ damuasa ifongeziba, a adar amutɨ dar dagheba otivam.

Sekaraia 1:6

Nan akam inigha izir gumaziba, kar nan ingangarir gumaziba, me nan akaba ko, arazir kɨ ifongeziba isa ian ovavibagh anɨngizɨ, me me baraghan aghuagha osɨmtɨzibar aven zui. Egha gɨn me navibagh iragha fogha ghaze, Ikiavɨra Itir Godɨn Gavgaviba Bar Itim, fomɨra mɨkemezɨ moghɨn, en arazir kurar kaba bangɨn ivezir kuram e ganɨngi.

Aisaia 14:24

Ikiavɨra Itir Godɨn Gavgaviba Bar Itim kamaghɨn akar dɨkɨrɨzir mam gami: “Bar guizbangɨra, bizir kɨ damuasa nɨghnigha gɨvazim, kɨ a damuam.

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Jenesis 49:1

Egha Jekop uan boribar diazɨ, me izima, a kamaghɨn me mɨgei, “Ia nan boroghɨra izɨtɨ, kɨ bizir gɨn ia bativamibar gun ia mɨkɨmam.

2 Atriviba 23:26

Josaia guizbangɨra arazir aghuir avɨribagh ami, ezɨ Ikiavɨra Itir God, Atrivim Manase amizir arazir kurabagh nɨghnɨghavɨra iti, egha a Judaba bar men anɨngaghegha, an anɨngagharim gɨvazir puvatɨ.

1 Atriviba 8:47

Eghtɨ e men kantrin kamɨn aven kalabuziar gumazamizibar mɨn ikɨva, uan arazir kuraba bagh nɨghnɨgh navibagh iraghtɨ, Ikiavɨra Itir God, nɨ e uarir akurvaghamin azangsɨziba baragh. Guizbangɨra, e uan apanibar kantrin ikɨva nɨghnɨzir gavgavim nɨn ikɨ, uan navir averiabar aven nɨ baghvɨra ikɨ guizbangɨra navibagh iragh, egh e nguazir nɨ en ovavibagh anɨngizir kam ko, nguibar ekiar nɨ ua baghavɨra inabazir kam ko, gumazamiziba nɨ bagh izamin Dɨpenir kɨ nɨ bagha ingarizir kamɨn ganɨva guam a mɨtuagh kamaghɨn nɨ ko mɨkɨm suam, ‘E arazir kurabar tuavimɨn ghua arazir kurar avɨribagh amigha gɨfa.’ Eghtɨ nɨ uan Nguibamɨn ikɨ, e nɨ ko mɨgeir mɨgɨrɨgɨaba baragh, e nɨn gumazamiziba, nɨ en kuarkuvigh en akuragh, en arazir kuraba gɨn amadagh.

Godɨn Araziba 4:30

Egh ia osɨmtɨzir ekiam ikɨtɨ, bizir kurar kaba ia bativtɨ, ia navibagh iragh uamategh Ikiavɨra Itir God, ian God bagh mangɨ an akamɨn gɨn mangam.

2 Atriviba 23:27

Egha Ikiavɨra Itir God kamaghɨn mɨgei, “Kɨ fomɨra Israelian kantri gamizɨ moghɨn, kɨ bar arazir magh garimɨn Judan kantri damigham. Kɨ Jerusalem akɨrim ragh a gasaragham, kar nguibar ekiar kɨ ua bagha mɨsevezim. Egh dɨpenir kɨ mɨsevezɨ gumazamiziba an izɨ nan ziam famin kam, kɨ akɨrim ragh a gasaragham.”

Jeremaia 51:12

Ia apaniba, ia nir avɨzir ababanim ghufeghtɨ, mɨdorozir gumaziba mɨghvɨra mɨsogh, Babilonɨn nguibar ekiamɨn dɨvazim akarika. Ia mɨdorozir gumaziba arightɨ, me nguibar ekiam bagh arav ikɨ, egh uan ingangarim deragh a damu. Ia mɨdorozir gumazibav kemeghtɨ me mangɨ mongegh, Babilonia mɨsoghsɨ damu ikɨ. Ikiavɨra Itir God, Babilonɨn gumazamizibagh asɨghasɨghasa mɨkemegha gɨfa, egha datɨrɨghɨn a bizir kam damuasa.

Esekiel 21:5

Eghtɨ gumazamiziba bar moghɨra fogh suam, kɨ Ikiavɨra Itir God uabɨ uan mɨdorozir sabam an mɨsevimɨn anesigha gɨfa, egh kɨ uam a isɨ anerugham kogham. Puvatɨ. Kɨ bar puvɨra ia damigham.”

Esekiel 21:10

Me mɨsoghasavɨra anemɨnezɨ a iti. Me uaghan borem a gaghuizɨ a zuegha onɨmarimɨn mɨn taghtasi. Ezɨ ia nan gumazamiziba, ia ti ghaze, ia deravɨra ikɨ bar akuegh ikiam? Bar puvatɨ. Kɨ mɨgɨrɨgɨar gavgaviba ia gamua mɨzazim ia gasima, ia tong nan akam barazi puvatɨgha da batoke.