Jeremaia 23:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Jeremaia 23:19 ပူးပေါင်းရင်းမြစ်များ

Jeremaia 30:23

Ia gan! Ikiavɨra Itir Godɨn anɨngagharim gumazir kuraba bativasava ami, mati amɨnir gavgavim ko amozir ekiam me bato, egha mati amɨnir ighuagha aruim men dapaniba abɨni.

Jeremaia 25:32

“ ‘Ikiavɨra Itir Godɨn Gavgaviba Bar Itim, kamaghɨn mɨkeme: Ia oragh. Kantriba bar ikuvigham. Bizir kam, faragh kantrin tamɨn otogham, egh mangɨ bar kantribar otivam. Ezɨ asɨghasɨzir kam, mati amɨnir ekiam bar saghon dɨkavigha iva iza nguazim bar a garui.’ ”

Amos 1:14

Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Aisaia 21:1

Ikiavɨra Itir God, Babilon ikuvighamin akar kam anɨngi, an ongarimɨn boroghɨn gumazamiziba puvatɨzir danganimɨn iti. Ia oragh, osɨmtɨzir bar dafam ko, bizibagh asɨghasɨzir arazim me batogham. Apaniba izɨ mati, amɨnir bar gavgavim, Negevɨn danganim, a sautɨn amadaghan itir gumazamiziba puvatɨzir danganimɨn ikegha, pamtem ivegha iza bɨzimɨn mɨn nguazim avigha izi. Gumazamiziba puvatɨzir danganir kam, gumazamizibagh amima me bar atiati.

Aghuzir Akaba 10:25

Dughiar kuram gumazamizir kuraba batogham, bizir kam bar me agɨvagham, mati amozir ekiam izima aperiam me avigha ghu. Ezɨ gumazamizir aghuiba zurara gavgavigha egha deraghvɨra iti.

Sekaraia 9:14

“Ikiavɨra Itir God uan gumazamizibagh isɨn azenaram otogh barir pimɨn asam. Eghtɨ an afuziba onɨmarim mɨn taghtagh zuamɨra mangam. Eghtɨ Ikiavɨra Itir Godɨn Ekiam sɨgham givigh, sautɨn amadaghan ikegh, pamtem sueba akun daru, amɨnir bar gavgavim ko, amozim sara izam.

Jeremaia 4:11

Eghtɨ apaniba izamin dughiamɨn, Ikiavɨra Itir God kamaghɨn Judaba ko Jerusalemia mɨkɨm suam, “Amɨnir fefem nguazir mɨghsɨar gumazamiziba puvatɨzibar ikegh dɨkavigh, nan gumazamiziba iti naghɨn vang izam. Amɨnir kam nɨmɨra izɨ arazir kuraba batoghasa puvatɨ, mati amɨnim nɨmɨra iza witɨn ovɨzibar mɨsevibagh ivavamadi mokɨn. Puvatɨ.

Aisaia 40:24

Atriviba mati, akɨmarir igiaba gumazamiziba datɨrɨghɨra da opari, ezɨ dar biba tɨghar nguazimɨn magɨram. Eghtɨ Ekiam amɨnir fefem amadaghtɨ, a izamin dughiamɨn, me zuamɨra mɨsɨngam. Eghtɨ amɨnim mɨnezir muziarimɨn mɨn, me giveragh mangɨgham.

Aghuzir Akaba 1:27

Dughiar kuram zuamɨram otogham, mati amɨnir gavgavir kuram bizibagh asɨghasɨsi. Eghtɨ osɨmtɨziba ko mɨzaziba ia batogh ia gasɨghasigham, mati amɨnir bar ekiam oto.

Onger Akaba 58:9

Gumazim temer muziarim voroghɨrama anetuzɨ moghɨn, God bar zuamɨra me gasɨghasigham. Me angamɨra ikiavɨra itima, God men anɨngaghegha bar moghɨra me agɨfa.

Jeremaia 51:1

Ikiavɨra Itir God kamaghɨn mɨkeme: “Kɨ tarazir nɨghnɨziba feghtɨ me bizir avɨribagh asɨghasɨgham, egh me mati amɨnir gavgavimɨn mɨn izɨ, Babilonɨn kantri ko an itir gumazamiziba sara mɨsogham.

Esekiel 1:4

Ezɨ kɨ kogha, notɨn amadaghan pɨn garima, Ame! Amɨnir ekiam mɨturir ekiar mɨtiam sara izi. Ezɨ onɨmariba mɨturir mɨtiar kamɨn aven taghtazima, an angazangarim avimɨn mɨn bariba sɨgha ghuavɨra iti. Ezɨ avir kamɨn tongɨn bizir mam brasɨn mɨn angazangarigha taghtasi.

Sekaraia 7:14

Bar guizbangɨra, kɨ me batoghezɨ, me ghua Kantrin Igharazibar Gumazamizibar tongɨn, pura guighav iti, mati amɨnir ekiam bizibagh ivara. Ezɨ men nguazir aghuir kam, danganir kuramɨn mɨn otozɨ, gumazitam uam a garuir puvatɨ.”

Jeremaia 25:31

An dɨmdɨar kamɨn nɨgɨnim, bar nguazim avaragham. Ezɨ dɨmdɨar kamɨn mɨngarim kamakɨn. Ikiavɨra Itir God nguazir kamɨn gumazamiziba bar me tuisɨgham. A kantriba bar dar gumazamiziba isi kot darɨgham. Egh ana apaniba ameghtɨ me mangɨva, gumazamizir arazir kurabagh amibav soghtɨ, me arɨmɨghiram. Ikiavɨra Itir God, a kamaghɨn mɨkeme.

Jeremaia 30:24

Ikiavɨra Itir Godɨn anɨngagharim ikɨ mangɨvɨra ikɨtɨ, bizir a damuasa nɨghnɨziba, a bar moghɨra dar amu da gɨvagham. Eghtɨ ia dughiar abuananamɨn, bizir kabagh fogham.

Esekiel 13:13

“Ezɨ datɨrɨghɨn, kɨ Ikiavɨra Itir Godɨn Ekiam kamaghɨn mɨgɨa ghaze, nan anɨngagharimɨn, kɨ amozir izɨ mamaghɨra ikiamim, ko amozir ofɨzir ekiar dagɨabar mɨn gariba, ko amɨnir gavgavim amadaghtɨ, da dɨvazir kam gasɨghasigham.