Jeremaia 23:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Ezɨ Jeremaia kamaghɨn mɨgei: “Godɨn akam inigha izir gumazir katam, bar Ikiavɨra Itir Godɨn Nguibamɨn ikia uari akuvir dughiamɨn ikegha, Godɨn akatam ko an nɨghnɨzir aghuitam inizir puvatɨ. Gumazir kaba deraghavɨra kuarim atɨgha Godɨn akam baragha fozir puvatɨ.

Jeremaia 23:18 ပူးပေါင်းရင်းမြစ်များ

Jeremaia 23:22

Me ti na ko nan Nguibamɨn ikia uari akuvir dughiamɨn ikegha, nan nɨghnɨzitam inigha, egha me ghua guizbangɨra nan akabar gun nan gumazamizibav kemeghai. Ezɨ akar kam gumazamizibagh amizɨ, me arazir kurar me amiba ategha, uamategha na bagha izeghai.

1 Korin 2:16

Godɨn Akɨnafarim kamaghɨn mɨgei: “Tina Ekiamɨn nɨghnɨzim gɨfo? Gumazitam bizibar amuamin fofozim Ekiamɨn sure damuan kogham.” Ezɨ erara, Kraisɨn nɨghnɨzim en iti.

Jon Osirizir Akar Aghuim 15:15

E fo, ingangarir gumazim bizir an gumazir ekiam amiba, an adagh fozir puvatɨ. Kamaghɨn amizɨ, kɨ ua ‘ingangarir gumaziba’ ia dɨborir puvatɨ. Akaba bar kɨ uan Afeziam da, da baregha kɨ ia mɨkemegha gɨfa. Kamaghɨn amizɨ, kɨ ‘namakar aghuiba’ ia garɨsi.

Amos 3:7

Bar guizbangɨra, Ikiavɨra Itir Godɨn Ekiam damuasava amir biziba, a faragh uan ingangarir gumazibav kemegham, kar an akam inigha izir gumaziba, egh gɨn a mɨkemezɨ moghɨra dar amuam.

Onger Akaba 25:14

Gumazamizir Ikiavɨra Itir Godɨn atiatia an apengan itiba, a men namakam gami. Egha uan Akar Dɨkɨrɨzir Gavgavim azenara anekazɨ me a gɨfo.

2 Eghaghaniba 18:23

Ezɨ akam inigha izir gumazim Sedekaia, a Kenanan otarim, an orazi, Mikaia akar kamɨn Ahap mɨgeima, an an boroghɨn ghua an koviam mɨsuegha ghaze, “Ikiavɨra Itir Godɨn Duam manmaghɨn na ategha, nɨn ghugha akar kam nɨ ganɨngi?”

1 Atriviba 22:24

Ezɨ akam inigha izir gumazim Sedekaia, a Kenanan otarim, an orazi, Mikaia akar kamɨn Ahap mɨgeima, an an boroghɨn ghua an koviam mɨsuegha ghaze, “Ikiavɨra Itir Godɨn Duam manmaghɨn na ategha, nɨn ghugha akar kam nɨ ganɨngi?”

Jopɨn Akɨnafarim 33:31

“Jop nɨ datɨrɨghɨn oragh. Kɨ mɨgɨrɨgɨar maba iti, kɨ dar nɨ mɨkɨmasa. Kamaghɨn amizɨ, nɨ akam dukuagh, egh kuarim atɨgh deravɨra na baragh.

Jopɨn Akɨnafarim 21:22

“E gumazamiziba, enselba e gafira, ezɨ God men araziba tuisɨsi. Kamaghɨn, tinara God e damuamin arazir aghuim bagh an sure damuam? Bar puvatɨ.