Jeremaia 23:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ “Kɨ fomɨra Samarian Godɨn akam inigha izir gumazibar garima, me kamaghɨra arazir kurar kɨ bar aghuazim gami. Me asem Balɨn ziamɨn, akam akuri, egha nan gumazamizibar akua tuavir kuramɨn zui.

Jeremaia 23:13 ပူးပေါင်းရင်းမြစ်များ

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

Aisaia 9:16

Gumazir dapaniba tuavir aghuim ko arazir aghuim men akazir puvatɨ. Kamaghɨn amizɨ, gumazamiziba okam nɨghnɨgha pura tintinibar ghue.

2 Eghaghaniba 33:9

Ezɨ Atrivim Manase Judaba ko, Jerusalemian nɨghnɨzibagh amua me getuima me bar arazir kurabagh amuavɨra iti. Ezɨ men arazir kurar kaba, da gumazamizir fomɨra nguazir kamɨn ikezibar arazir kurabagh afira. Gumazamizir kaba, Ikiavɨra Itir God me batoghezɨ, Israelia nguazir kamɨn aven ize.

1 Atriviba 18:40

Ezɨ gɨn Elaija kamaghɨn me mɨgei, “Ia dɨkavigh Balɨn akam inigha izir gumaziba bar moghɨra men suikigh. Ia men tav ateghtɨ an arɨmangan markɨ!” Ezɨ me akam inigha izir gumazir ifavarir kabar suighizɨ, Elaija me inigha Kisonɨn Daghurimɨn mɨriamɨn uaghirɨgha me mɨsoghezɨ, me ariaghire.

Jeremaia 23:32

Ia gan! Kɨ Ikiavɨra Itir God, kɨ garima, akam inigha izir gumazir kaba, uan ifavarir irebabar gara dar gun gumazamizibav gei. Egha me gifara ghaze, kɨ da isa me ganɨdi. Me akar ifavarir igharagha garir avɨriba akuri, ezɨ bizir kam gumazamizibagh etuima me nan saghon iti. Kɨ me amadazir puvatɨgha, ingangarim me ganɨngizir puvatɨ. Kamaghɨn amizɨ, me gumazamizibar akurvazir puvatɨ. Bar puvatɨ. Kamaghɨn amizɨ, kɨ men apanim gami. Kɨ Ikiavɨra Itir God, kɨ mɨkemegha gɨfa.”

Jeremaia 36:2

“Nɨ akɨnafarir tam inigh bizir Israel ko, Juda ko, kantrin igharazibar otivamin akaba bar ada osirigh. Nɨ akar kaba bar ada osirigh, kɨ Atrivim Josaian dughiamɨn faragha nɨ ganɨngizir akabar ikegh izɨ, datɨrɨghɨn otoziba sara, nɨ bar ada osirigh.

Hosea 4:11

Egha Ikiavɨra Itir God kamaghɨn mɨgei: “Wainɨn dɨpaba apir arazim ko, tuavir amiziba ko, akuir araziba, nan gumazamizibar nɨghnɨzibagh amizɨ, me onganigha, deraghavɨra nɨghnɨzir puvatɨ.

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Maika 1:5

Israelia, me Godɨn akam batuegha arazir kuram gami, kamaghɨn amizɨ, bizir kaba bar me bativam. Israelia akam batozir arazir kam, kar ten osɨmtɨzim? Samariaba, kar ian osɨmtɨzim. Ezɨ Judaba asebar ziaba feir arazir kam, kar ten osɨmtɨzim? Jerusalemia, kar ian osɨmtɨzim.