Jeremaia 23:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Kamaghɨn amizɨ, tuavir me zuir kam, kɨ a damightɨ a bar apɨghsigham, eghtɨ mɨtatem bar me avaragham. Eghtɨ kɨ bar mɨghɨghvɨra me abɨntɨ me iregham. Kɨ me gasɨghasɨghasa dughiam ginabagha gɨfa, eghtɨ dughiar kamɨn kɨ bar puv me gasɨghasigham. Kɨ Ikiavɨra Itir God, kɨ mɨkemegha gɨfa.”

Jeremaia 23:12 ပူးပေါင်းရင်းမြစ်များ

Jeremaia 13:16

Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jeremaia 11:23

Anatotɨn gumazamizir paza nɨ damuasava amiba, kɨ me ikarvagh me gasɨghasɨghamin dughiam, kɨ a ginabagha gɨfa. Men tarazi mɨseveghɨrɨghan kogham. Me bar moghɨra ikuvigham.”

Onger Akaba 35:6

Ikiavɨra Itir Godɨn ensel me batueghtɨ me mangɨ. Tuavir me zuir kam, an a damightɨ amɨnim an pɨrightɨ a bar apɨghsigham.

Jon Osirizir Akar Aghuim 12:35

Ezɨ Iesus kamaghɨn me mɨgei, “Dughiar ovezimɨn angazangarim ian tongɨn ikiam. Datɨrɨghɨn angazangarim ian ikiavɨra iti, ezɨ ia angazangarimɨn aven daru. Puvatɨghtɨ, mɨtatem ia avaragham. E fo, gumazim mɨtatemɨn arui, a fozir puvatɨ, a managh zui.

Aisaia 8:22

vɨn nguazimɨn gan, egh me bar bizir aghuitamɨn ganighan kogham. Bar puvatɨ. Me osɨmtɨziba ko dughiar kuramra danganiba bar da gan ikiam, mati amɨnirbɨrim bar me avara. Egh me osɨmtɨzim gitavɨragh arɨmangamin tuaviba puvatɨgham.

Onger Akaba 73:18

Guizbangɨra, tuavir me aruiba nɨ dagh ami da bar apɨghsɨki, egha me gami me ira bar moghɨra ikufi.

Ua Me Ini 32:34

Aria, nɨ mangɨ, gumazamiziba inigh danganir kɨ nɨ mɨkemezir kamɨn mangɨ. Nɨ oragh. Nan ensel ia inigh ian faragh tuavimɨn mangam. Eghtɨ gɨn kɨ izɨ ivezir kuram gumazamizir arazir kuram gamiziba, kɨ me ikaragham.”

Jut Osirizir Akɨnafarim 1:13

Me mati ongarir fɨfɨzir ekiaba dɨpɨraghiri. Egha me arazir kurabar amuasa aghumsɨzir puvatɨgha, mati ongarim dɨpɨra izima an puvpuvir mɨzɨrɨziba pɨn otivi moghɨn men arazir kuraba azenim giri. Egha me mati mɨkoveziba pɨn overiamɨn uan tuavibar gɨntɨzir puvatɨ. Kamaghɨn amizɨ, God me bagha danganir mɨtarmer bar pɨghatomezim atɨ, eghtɨ me mangɨ an ikɨ mamaghɨra ikiam.

1 Jon 2:11

Egh gumazitam o amizitam uan adarazir aghuaghɨva, a mɨtatemɨn aven ikia, an aven arui. Mɨtatem a gamima, a garir puvatɨ. Kamaghɨn a fozir puvatɨ, a managh zui.

Maika 7:4

Ezɨ gumazir igharaziba ghaze me deragha arazir aghuibagh ami, ezɨ God men gari, me ikuvigha mati grazir ataghatariba ko, benir dɨkoniba itiba. Dughiam otogha gɨfa, ezɨ God uan gumazamizibagh asɨghasɨghasa, mati an akam inigha izir gumazim mɨkemezɨ mokɨn. God kamaghɨn damutɨ, an gumazamiziba okam nɨghnɨgh onganigh tintinibar nɨghnɨgham.

Jeremaia 50:27

Mati gumaziba bulmakaubav sozi moghɨn, ia Babilonɨn mɨdorozir gumazir gavgaviba bar me mɨsoghɨrarɨkigh. Ikiavɨra Itir God me gasɨghasɨghamin dughiam an otivasa, kamaghɨn amizɨ, me bar moghɨra ikuvigham.

Jeremaia 48:44

Eghtɨ gumazitam atiatim gumazamizibagh anɨdir bizibar, arɨ mangam, a mozir ekiamɨn magɨram. Egh a mozim ategh anangɨva otoghtɨ, ivem an suiragham. Kɨ Ikiavɨra Itir God, kɨ guizbangɨra mɨgei: Kɨ Moapia gasɨghasɨghasa dughiar kam amɨsefe, ezɨ kɨ me gasɨghasɨghasava ami.

Jopɨn Akɨnafarim 18:18

Me angamɨra itir dughiamɨn, me aruemɨn angazangarimɨn gari. Ezɨ ovevem iza me batoghezɨ, me nguibar bar mɨtarmangizɨmɨn ghue.

Godɨn Araziba 32:35

Ikiavɨra Itir God ghaze, Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam. Eghtɨ dughiar bar ovezimɨn me iregh bar ikuvigham.

Onger Akaba 82:5

“Me nɨghnɨzir aghuitam men itir puvatɨzɨ, me bizitam gɨfozir puvatɨ. Me mɨtatemɨn nguazir kam garua, arazir aghuitam gumazamizibar akurvaghasa a gamir puvatɨ.

Jeremaia 8:12

“Me ti arazir kurar me amizibar aghumsɨghama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng, me gasɨghasɨgham. Kɨ Ikiavɨra Itir God, kɨ mɨkemegha gɨfa.