Jeremaia 23:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ikiavɨra Itir God kamaghɨn mɨgɨa ghaze, “Ia gumazir dapaniba, Iavzika! Ia bar ikuvigham. Ia nan gumazamiziba paza me gami. Ia sipsipbar gari gumazir kuraba, ia men agɨntɨgha me gasɨghasɨzima me tintinibar zui.

Jeremaia 23:1 ပူးပေါင်းရင်းမြစ်များ

Jeremaia 10:21

Ezɨ kantrin gumazir dapaniba onganigha fofoziba puvatɨ, egha nɨghnɨzir aghuim bagha Ikiavɨra Itir Godɨn azangsɨzir puvatɨgha ire. Kamaghɨn me deragha ingangarir aghuim gamizir puvatɨ, ezɨ apaniba iza gumazamiziba batoghezɨ me tintinibar ghuegha kantrin igharazibar iti, mati sipsipbar garir gumazim deragha dar garir puvatɨzɨ, afiar atiaba sipsipba batoke.

Esekiel 13:3

“Ikiavɨra Itir Godɨn Ekiam kamaghɨn mɨgei: Akam inigha izir gumazir onganir kaba, Mevzika! Me bar ikuvigham! Me irebabar mɨn garir bizibar garir puvatɨ. Me uari uan navir averiabar aven itir bizibar gɨn ghua, uan nɨghnɨzibar dav gei.

Matyu 9:36

A gumazamizir avɨrir dafamɨn garima, men nɨghnɨziba tintinibar itima, me osɨmtɨzibar aven arua, mati sipsipbar mɨn ami, me ghuaviba puvatɨgha asaghasazibar mɨn puram arui. Kamaghɨn amizɨ, a bar men apangkufi.

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.

Jeremaia 12:10

“Kantrin Igharazibar Gumazamizibar gumazir dapanir avɨriba iza, nan wainɨn azenir dirim gasɨghasɨki. Me azenir dirir kam dɨkezɨ, a danganir mɨdiarimɨn mɨn iti. Ezɨ gumazamiziba uam an itir puvatɨ.

Jeremaia 50:6

“Nan gumazamiziba sipsipbar mɨn ovegha iti. Me geghuvir gumaziba me gamima me tuavir aghuim ataki, egha tintinibar mɨghsɨamɨn arui. Me tintinibar mɨghsɨamɨn arua, egha uan avughsir danganir dɨvazim itim gɨn amada.

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

Jon Osirizir Akar Aghuim 10:12

Ezɨ gumazir dagɨar ingangarimra amim, a guizbangɨra sipsipbagh eghuvir gumazim puvatɨ, a sipsipbar ghuavim puvatɨ. Egh a sipsipbar gantɨ afiar atiatam izɨtɨ, a sipsipba ategh arɨmangɨgham. Eghtɨ afiar atiam sipsipbar amɨsɨ dar agɨntɨghtɨ, da tintinibar mangegham.

Jon Osirizir Akar Aghuim 10:10

“Okɨmakɨar gumazim, a sipsipba okɨmɨva me mɨsoghtɨma me arɨmɨghiram, egh me gasɨghasɨghasa izi. A bizir igharazitam damuasa izir puvatɨ. Ezɨ ko, kɨ ia angamɨra itir ikɨrɨmɨrim iniasa, kɨ ize, eghtɨ ikɨrɨmɨrir aghuarim guizbangɨra ia gizɨvagham.

Jeremaia 23:2

Kamaghɨn, kɨ Ikiavɨra Itir God, Israelian God, kɨ bighavɨra gumazir dapanir nan gumazamizibagh ativiba me mɨgɨa ghaze, Ia nan sipsipba batogha men agɨntɨzi me tintinibar ara ghue. Ia deragha men gara me geghuvir puvatɨ. Kamaghɨn kɨ Ikiavɨra Itir God, kɨ ghaze, ia amizir arazir kurar kam, kɨ deraghvɨra an gan egh a ikarvagham.

Matyu 15:14

Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”

Esekiel 34:31

“Ia nan gumazamiziba, ia nan sipsipbar mɨn ikia, nan nguazimra iti. Ezɨ kɨ daghebar ian akuaghapa, ia geghuva, egha ian Godɨn iti. Kɨ Ikiavɨra Itir Godɨn Ekiam, kɨ mɨkemegha gɨfa.”

Esekiel 34:21

Ia sipsipɨn gavgaviba itiba, ia zurara sipsipɨn gavgaviba puvatɨziba uan komba ko, uan dapaniba ko, uan namnabar da munamadima, da tintinibar zui.

Jeremaia 2:26

Ikiavɨra Itir God, ua kamaghɨn mɨgei: “Me okɨmakɨar gumazimɨn suirazɨ an aghumsɨghizɨ moghɨn, kamaghɨra ia Israelia bar aghumsigham. Ian atriviba, ko gumazir dapaniba, Godɨn ofa gamir gumaziba, akam inigha izir gumazamiziba, ko Israelian gumazamiziba bar, ia uaghan aghumsɨzim iniam.

Jon Osirizir Akar Aghuim 10:8

Gumazir nan faragha izeziba, me bar okɨmakɨar gumaziba egha gumazamizibar biziba isir gumaziba. Ezɨ sipsipba me barazir puvatɨ.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Esekiel 36:38

Me Jerusalemɨn ofa damuasa inigha izir sipsipbar mɨn, me bar avɨrasemegham. Eghtɨ Israelia ua ingaramin nguibar ekiar kabagh izɨvagham. Eghtɨ me kamaghɨn fogh suam, kɨ Ikiavɨra Itir God.”

Esekiel 34:1

Ikiavɨra Itir God kamaghɨn na mɨgɨa ghaze,

Sekaraia 10:3

Ezɨ Ikiavɨra Itir God kamaghɨn mɨgei, “Kantrin Igharazibar Gumazamizibar gumazir dapanir nan gumazamiziba gativaziba, nan navim men atara me bagha nan isi. Kɨ ivezir kuram me danɨngam. Judan gumazamiziba, me nan gumazamizibara. Kɨ Ikiavɨra Itir Godɨn Gavgaviba Bar Itim, kɨ deraghvɨra men ganam, mati sipsipbagh eghuvir gumazim uan sipsipbar gari. Egh kɨ Judan anababa bar dar amutɨ, me mɨdorozir hoziar bar gavgavimɨn mɨn ikiam.