Jeremaia 22:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Ia uamategh uan nguazimɨn izɨsɨ ifuegh, egh uam an izeghan kogham.”

Jeremaia 22:27 ပူးပေါင်းရင်းမြစ်များ

Jeremaia 44:14

Ia Judan datɨrɨghɨn Isipɨn ikiavɨra itir varazira, ia Judan nguazimɨn mangasa bar ifonge. Ezɨ ian tav asɨghasɨzir kam gitaghan kogham, egh uamategh uan nguazimɨn mangɨghan kogham. Ia bar moghɨra ikuvigham. Eghtɨ gumazir bar vaghvazibara uamategh arɨ mangɨ uan nguazimɨn mangam.”

Jeremaia 22:11

Joahas, an ziar mam Salum, a uan afeziam Josaian danganim inigha, Judabar atrivimɨn oto. Egha Joahas Jerusalem ategha gɨfa. Ikiavɨra Itir God Joahas gɨnɨghnɨgha kamaghɨn mɨkeme, “Gumazir kam ua izeghan kogham.

Onger Akaba 86:4

Ekiam, kɨ nɨn ingangarir gumazim. Kɨ uan navir averiamɨn aven nɨ baghavɨra iti. Kamaghɨn, nɨ na damightɨ nan navim bar akongegh.

Jeremaia 22:26

Nɨ uan amebam ko, kɨ gua inigh, gua isɨ kantrin igharazim mɨkɨnigham. Kar guizbangɨra guan kantrin guan amebamning gua batezir puvatɨzim, eghtɨ gua an ikɨ mangɨva an aremegham.

Jeremaia 22:28

Ezɨ Jeremaia kamaghɨn mɨgei: “Manmagh ami? Gumazir kam Jehoiakin, a mati nguazir mɨner kurar mam bɨghizɨ gumazamiziba an aghuaz, o? Manmaghsua Ikiavɨra Itir God an boriba sara nguazir me fozir puvatɨzimɨn me akunasa?

Jeremaia 28:4

Egh kɨ uaghan Judan Atrivim Jehoiakin, a Jehoiakimɨn otarim, a inigh egh Babilonɨn kalabusɨn itir marazi sara ua men aku Judan nguazimɨn izam. Guizbangɨra, kɨ Babilonɨn atrivim ian tuebagh arɨghizir ter arariba, kɨ kaba apɨrigham. Kɨ Ikiavɨra Itir God, kɨ mɨkemegha gɨfa.’ ”

Jeremaia 42:18

“Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei: Kɨ faragha puvɨra Jerusalemian anɨngagha, bar pazavɨra me gasɨghasɨki. Eghtɨ kamaghɨra, ia Isipɨn mangɨghtɨ, kɨ bar puvɨra ian anɨngaghegh, bar pazɨvɨra ia gasɨghasigham. Eghtɨ Kantrin Igharazibar Gumazamiziba, bizir kɨ ia gamiziba bareghɨva, atiating, dɨgavir kuram damigham. Egh me pazɨ ia damuva, egh dɨbovir akabar ia mɨkɨmam. Egh me uari akar kurabar uan apaniba mɨkɨmsɨ, me kamaghɨn mɨkɨmam, ‘Ia Judaba ikuvizɨ moghɨn, ia ikuvigham.’ Egh ia ua uan nguazir kamɨn ganighan kogham.”

Jeremaia 22:10

Ia Judaba, ian Atrivim Josaia aremegha gɨfa, ezɨ ian apangkuv a bagh azian markɨ. Ezɨ Atrivim Josaian otarim Joahas e ategha gɨfa. A uamategh uan nguibamɨn izeghan kogham. Kamaghɨn amizɨ, ia Joahas bagh puv azi.

Jeremaia 22:12

Apaniba a inigha nguibar igharazimɨn ghu. Ezɨ a uan nguazir kamɨn ganighan kogham. Puvatɨ. A kantrin igharazimɨn aremegham.”