Jeremaia 22:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 22:23 ပူးပေါင်းရင်းမြစ်များ

Jeremaia 6:24

Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.

Jeremaia 22:6

Kɨ Ikiavɨra Itir God, kɨ Judan atrivimɨn dɨpenim mɨgɨrɨgɨar kam an iti: “O atrivimɨn dɨpenim, kɨ nɨn garima, nɨ bar dera, nɨn ganganim bar deragha mati Distrik Gileatɨn ruarir ekiam, egha mati kantri Lebanonɨn mɨghsɨar ekiaba. Eghtɨ kɨ nɨ damightɨ, nɨ pura nguazir kɨnimɨn mɨn ikiam, mati danganir mɨsɨngiziba ko nguibar gumazamiziba itir puvatɨziba.

Habakuk 2:9

“Iavzika! Ia gumazir igharaz darazir bizir avɨriba iniziba, ia bar ikuvigham. Ia bizir kaba isa uan adaraziram anɨngi. Egha ian biziba deravɨra ikiasa, ia da bagha dɨpenir bar gavgavibar ingari, egha ia ghaze, arazir kamɨn osɨmtɨzim izɨ ia gitavɨragham. Puvatɨgham.

Obadia 1:4

Ezɨ kɨ God, kɨ ia mɨgei, ‘Ia kuarazir isabar mɨn mɨgha bar pɨn ghuavanaga, egha uan dɨpeniba bar pɨn mɨkovezibar tongɨn dar ingari, ezɨ kɨ ia gekuightɨ ia bar izighiregham.’ ”

Amos 9:2

“Egh me nan arɨ mangɨsɨ, uari bagh mozibagh ku magɨrɨ Gumazamizir Oveaghuezibar Nguibamɨn ikiam, eghtɨ kɨ uaghan magɨrɨ men suigham. Me pɨn overiamɨn ghuavanaboghtɨ, kɨ uamategh me gekuigh izighiram.

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Hosea 5:15

“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”

Jeremaia 49:16

Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Jeremaia 48:28

“Ia Moapia, ia uan nguibaba ategh mangɨ dagɨabar tongɨn mongegh. Ia kuaraziba danganir kurabagh isɨn mɨkonibar ingari moghɨn damu.

Jeremaia 21:13

“O Jerusalem, kɨ Ikiavɨra Itir God, kɨ guizbangɨra nɨ mɨgei. Nɨ oragh! Nɨ bar pɨn mar aperaghav ikia danganir zarir vɨn itibar gari. Nɨ mati dagɨar bar pɨn itim. Nɨ ghaze, ‘Tina izɨ e mɨsogham? Tinara izɨva en nguibar e aven modimɨn aven izam?’ Ezɨ puvatɨ.

Jeremaia 3:21

Gumazamiziba orazi, nɨgɨnir dafam mɨghsɨabagh isɨn otifi. Kar Israelian gumazamizir arazir kurabagh amiba puvɨram arava azia ikia, uarir apangkuvighasa azangsɨghavɨra iti. Me fo, me Ikiavɨra Itir God, men God, me anetegha tuavir kurar igharazimɨn ghue. Kamaghɨn me pamtem azi.

Dɨboboniba 24:21

Egha Balam irebamɨn mɨn garir bizimɨn aven a Kinian gari. Egha kamaghɨn mɨgei: “Danganir ia itim, a nguibar gavgavir aghuim, ia deravɨra an ikia, mati kuarazir isamɨn mɨkonim, dagɨabagh isɨn bar pɨn mar mɨghsɨamɨn iti.

Esekiel 17:3

Nɨ kamaghɨn Israelia mɨkɨm suam: “Kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Bar maburan kuarazir bagar mam iti, an avɨziba bar ekevegha arɨziba bar ruarigha dirir aghuiba ikia ganganir bar aghuim gami. A mɨghegha Lebanonɨn Mɨghsɨabar ghua temer sidan mamɨn ghuam apɨri.