Jeremaia 22:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ikiavɨra Itir God kamaghɨn mɨgei: “Jerusalem, gumazir nɨ me gifuegha me ko arazir kurabagh amiba, me bar ikuvigha gɨfa. Kamaghɨn amizɨ, nɨ mangɨ, Lebanon mɨghsɨar ekiaba ko Basan mɨghsɨam ko Abarimɨn Mɨghsɨamɨn ghuavanabogh, pamtemɨn dɨmɨva azi.

Jeremaia 22:20 ပူးပေါင်းရင်းမြစ်များ

Dɨboboniba 27:12

Egha Ikiavɨra Itir God kamaghɨn Moses mɨgei, “Nɨ Abarimɨn Mɨghsɨamɨn ghuavanabogh, munagh nguazir kɨ Israelia danɨngasa mɨkemezimɨn gan.

Esekiel 23:22

Ezɨ Ikiavɨra Itir God ua kamaghɨn mɨgei, “O Oholiba, kɨ Ikiavɨra Itir Godɨn Ekiam, kɨ fo, nɨ ifongezir gumaziba, nɨ bar men aghuagham. Eghtɨ kɨ me damightɨ me adarim nɨn ikɨ, egh tintinibar ikegh izɨ pazɨ nɨ damu nɨ gasɨghasigham.

Esekiel 23:9

Kamaghɨn amizɨ, kɨ a isa, Asirian gumazir a bar ifongegha, me baghavɨra itibar agharim gatɨ.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.

Jeremaia 4:30

O Jerusalem, nɨ ikuvighamin dughiamɨn, nɨ manmaghɨn damuam? Nɨn gumazir fomɨra bar nɨ gifongegha nɨ ko akuir kaba, me datɨrɨghɨn nɨn aghuagha, nɨ mɨsueghtɨ nɨ aremeghasava ami. Kamaghɨn amizɨ, nɨ pura korotiar aghevir aghuibar aghuan markɨ, egh me golɨn ingarizir kurkazibar uabɨn kurkian markɨ, egh uan damazimning aghɨvan markɨ. Kurkazir kaba tong nɨn akuraghan kogham.

Jeremaia 2:36

Ezɨ ia manmaghɨn amigha tuavir mamɨn gɨn ghua anetegha zuamɨra ghua tuavir igharazimɨn gɨn zui? Isipia tong ian akuraghan kogham, eghtɨ ia bar aghumsigham, mati Asiria ian akurazir puvatɨzɨ ia aghumsɨghizɨ mokɨn.

2 Atriviba 24:7

Isipɨn atrivim fomɨra ativazir danganiba, Isipɨn kantrin mɨtaghniamɨn fanemɨn ikegha ghua Yufretisɨn Fanemɨn tu. Ezɨ dughiar kamɨn Babilonɨn atrivim dagh atifa. Kamaghɨn amizɨ, Isipɨn atrivim uan mɨdorozir gumaziba ko ua ghua kantrin igharaziba ko mɨsozir puvatɨ.

Godɨn Araziba 32:49

“Nɨ Moapɨn nguazimɨn itir Abarimɨn Mɨghsɨabar mavanang. Mɨghsɨar kaba, da Jordanɨn Fanemɨn boroghɨn iti. Ezɨ Jerikon nguibam vongɨn iti. Nɨ Nebon Mɨghsɨamɨn mavanabogh, egh munagh Kenanɨn nguazimɨn gan. Nguazir kam kɨ datɨrɨghɨn a isɨ, Israelia danightɨ me a iniam.

Aisaia 57:13

Egh osɨmtɨzim ia bativamin dughiamɨn, ia ti marvir guar ia akuvazir kabar dɨmtɨ, me izɨ ian akuragham, o? Bar puvatɨgham. Da gavgaviba puvatɨ, amɨnir bar muziarim me gɨvaragh mangɨgham. Ezɨ gumazamizir na bagha iza nɨghnɨzir gavgavim nan ikia nan aven modoghav itiba, me nguazir kam iniam. Me uaghan mɨghsɨar kɨ ua bagha inabazir kam inigh an ikiam.”

Jeremaia 2:25

Israelia, ia asebar ziaba fɨsɨ ivemar dar gɨn mangan markɨ. Ia kamaghɨn damuva, ian dagarir asuaba ti dɨghoraghireghtɨ, ian kuariba bar ia mɨsigham. Ezɨ ia ghaze, En ifongiam aser kabar iti, ezɨ e dar gɨn mangɨvɨra ikiam. E nɨn akam baraghan aghua.”

Jeremaia 3:1

Ikiavɨra Itir God ua Israelia mɨgɨa ghaze: “Gumazim uan amuim batueghtɨ a mangɨ gumazir igharazimɨn ikegh, egh uamategh uan par faragha ikezim bagh izeghtɨ, an par faragha ikezim uam a inian kogham. A kamaghɨn damightɨ, kantrin kamɨn nguazim nan damazimɨn bar mɨzegham. Israelia, ia tintinibar gumazir avɨriba isa me koma akuigha gɨfa. Egha datɨrɨkɨn ia uamategh na bagh izasa, a?

Esekiel 27:6

Egha me Basanɨn nguazimɨn ghua temer okɨn aghuiba inigha an pulbar ingari. Egha Saiprusɨn Arighatɨzimɨn ghua temer aghuiba inigha, kurimɨn ghuriamɨn ingari. Egha elefanɨn atariba inigha an ghuriam asɨngi.

Jeremaia 2:37

Kɨ Ikiavɨra Itir God, gumazir ia nɨghnɨzir gavgavim men itiba, kɨ akɨrim ragha me gasaragha gɨfa. Eghtɨ me bizitam ian akuragh, ia bagh bar a damighan kogham. Kamaghɨn, ia uaghan Isipia ategham, egh dughiar kamɨn ia aghumsigh naviba bar osemegham.”