Jeremaia 22:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Nɨ kamaghɨn mɨkɨm: O Judan atrivim, nɨ Atrivim Devitɨn atrivir dabirabim gapiaghiri, nɨ Ikiavɨra Itir Godɨn akam baragh. Nɨ uan gumazir dapaniba ko nɨn gumazamizir atrivimɨn dɨpenimɨn tiar akar kabar mangɨ izegh gamiba, ia bar moghɨra akam baragh.

Jeremaia 22:2 ပူးပေါင်းရင်းမြစ်များ

Luk Osirizir Akar Aghuim 1:32

A ziar ekiam ikɨtɨ, me suam, kar Godɨn Bar Pɨn Itimɨn otarim. Eghtɨ God a damightɨ, a uan ovavim, Atrivim Devitɨn mɨn ikiam.

Jeremaia 22:4

Egh ia nan akamɨn gɨn mangɨtɨ, atriviba zurara Atrivim Devitɨn ikɨzimɨn otivam. Egh atriviba hoziaba ko karisbar apiagh, egh atrivimɨn dɨpenimɨn dɨvazimɨn tiar akamɨn mangɨ zegh damuam. Eghtɨ gumazir dapaniba ko gumazamiziba, me uan atrivim ko daruam.

Aisaia 9:7

Eghtɨ atrivir kam, Atrivim Devitɨn danganim inigh, Devitɨn atrivir dabirabim daperagh gumazamizibar ganam. Eghtɨ a gumazamizibagh ativagh men ganamin gavgavir kam, an ekɨv mangɨvɨra ikiam. Kamaghɨn mɨdoroziba ua puvatɨghtɨ, gumazamiziba navir amɨrizimɨn ikia, deraghvɨra dapiagh ikɨ mamaghɨra ikiam. Atrivir kam, guizɨn arazimɨn gɨn ghua biziba deragha da tuisɨgha, Godɨn arazir aghuibara amuasavɨra iti. A kamaghɨn damutɨ, an atrivir ingangarim datɨrɨghɨn ikegh gavgavigh mangɨvɨra ikiam. Ikiavɨra Itir Godɨn Gavgaviba Bar Itim, uan gumazamiziba guizbangɨra bar me gifonge, kamaghɨn amizɨ, a bizir kam damightɨ an otogham.

Aisaia 1:10

Ia Jerusalemɨn gumazir dapaniba ko, gumazamiziba, ia mati fomɨra Sodom ko Gomoran ikezir gumazir kurabar mɨn iti. Egh ia datɨrɨghɨn bar deravɨra kuariba arigh Ikiavɨra Itir Godɨn akam baragh, a en God. A, ian sure damuamin akam, ia deravɨram a baragh.

Amos 7:16

Nɨ datɨrɨghɨn, Ikiavɨra Itir Godɨn akam baragh. God adarim Israelian ti, ezɨ nɨ Godɨn akam inigha izir gumazimɨn akaba, Israelia mɨkɨman nan anogoroke.

Esekiel 34:7

“Kamaghɨn amizɨ, datɨrɨghɨn ia sipsipbagh eghuvir gumaziba, ia Ikiavɨra Itir Godɨn mɨgɨrɨgɨam baragh:

Jeremaia 36:30

Kamaghɨn amizɨ, kɨ Ikiavɨra Itir God, kɨ Atrivim Jehoiakim gɨnɨghnɨgha kamaghɨn mɨgei, an adarazir gumazitam atrivimɨn otogh, Devitɨn atrivir dabirabim daperaghan kogham. Eghtɨ Jehoiakim aremeghamin dughiam, me an kuam isɨ nguazimɨn anekunightɨ, aruem a dapongtɨ, dɨmagarimɨn ghuariam a giram.

Jeremaia 29:20

“Ia gumazamizir kɨ Jerusalemɨn bar ia batuegha, ia amadazɨ ia Babilonɨn ghueziba, ia Ikiavɨra Itir Godɨn akam deraghvɨram abaragh.

Jeremaia 19:3

‘Ia Judan atriviba ko Jerusalemɨn gumazamiziba, ia Ikiavɨra Itir Godɨn akam baragh! Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei. Kɨ bizir bar kuram damightɨ, a danganir kamɨn otivam. Eghtɨ gumazamizir bizir otivamin kamɨn akaba bareghamiba, me bar dɨgavir kuram damigham.

Jeremaia 13:18

Ikiavɨra Itir God kamaghɨn na mɨgɨa ghaze: “Nɨ mangɨ akar kam isɨ atrivim uan amebam ko aningɨn mɨkɨm suam, Gua gɨn ua kantri gativaghan kogham. Guan atrivir dapanir asuar dirimning, pura bizir kɨnimningɨn mɨn otogham. Kamaghɨn amizɨ, gua atrivir dabirabimning atakigh.

Jeremaia 7:2

“Nɨ mangɨ Ikiavɨra Itir Godɨn Dɨpenim avɨnizir dɨvazimɨn tiar akamɨn tugh, kamaghɨn mɨkɨm: Ia Judan Ikiavɨra Itir Godɨn Dɨpenimɨn ghua an ziam fe darasi, ia kuaribar arigh an akam baragh.

Aisaia 28:14

Ia gumazir aruar Jerusalemɨn itir gumazamizibar gariba, ia deraghvɨra Ikiavɨra Itir Godɨn akam baragh. Ia na dɨpova ghaze, nan akam a pura bizim.

1 Atriviba 22:19

Ezɨ Mikaia ua kamaghɨn mɨgei, “Nɨ datɨrɨghɨn deragh kuarim atɨgh oraghtɨ, kɨ Ikiavɨra Itir God nan akazir bizibar nɨ mɨkɨmam. Kɨ garima, Ikiavɨra Itir God uan Nguibamɨn uan atrivir dabirabim gaperaghav iti, ezɨ an enselba bar an okarigha tuivigha iti.

Jeremaia 22:1

Ikiavɨra Itir God kamaghɨn mɨgei, “Jeremaia nɨ Judan atrivimɨn dɨpenimɨn magɨrɨva, egh akar kam akun.

Jeremaia 34:2

“Kɨ Ikiavɨra Itir God, kɨ Israelian God, kɨ ghaze, nɨ Judan Atrivim Sedekaia bagh mangɨgh kamaghɨn a mɨkemegh: Kɨ Ikiavɨra Itir God, kɨ nguibar ekiar kam isɨ Babilonɨn atrivim danɨngam, eghtɨ an a daboroghtɨ a isigham.