Jeremaia 21:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Jeremaia 21:14 ပူးပေါင်းရင်းမြစ်များ

Jeremaia 32:19

Nɨ bizir aghuibar amuasa nɨghnɨsi. Nɨ gavgavim ikia, egha nɨ ingangarir ekiabagh ami. Nɨ gumazamiziba amir biziba nɨ bar adar gari. Egha nɨ vaghvagha gumazamiziba amir araziba tuisɨgha, arazir me amibar ivezimra ikarvagh me ganɨdi.

Aghuzir Akaba 1:31

Kamaghɨn amizɨ, ia datɨrɨghɨn uan arazir kurar ia amiba bagh ivezir bar kuram iniam, mati gumazim dagher kuram amegha puvɨram arei.

Jeremaia 52:13

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

2 Eghaghaniba 36:19

Ezɨ Babilonia Godɨn Dɨpenim gaborogha Jerusalem avɨnizir dɨvaziba bar ada akaragharɨki. Egha nguibamɨn aven atrivir dɨpenim ko, dɨpenir aghuir igharaziba bar dagh apongezɨ da isi. Egha bizir iveziba bar pɨn kozibagh asɨghasɨki.

Jeremaia 9:25

“Ikiavɨra Itir God ghaze, Gumazir uan mɨkarzir mogomebar iniba aghorezir kaba, men araziba azenan paza zui, egha me nan akamɨn gɨn zuir puvatɨ. Gumazir kaba, dughiam izɨtɨ kɨ puv me damigham.

Sekaraia 11:1

O Lebanonɨn gumazamiziba, avim ian temer sidabar isigham, kamaghɨn amizɨ, ia tuavim apɨran markɨ, ia uan tiar akaba kuigh.

Jeremaia 22:7

Kɨ apaniba ameghtɨ, me izɨ nɨ gasɨghasigham. Me uan sobiaba ko mɨdorozir biziba inigh izɨ, nɨn dɨpenir akɨnir me sidan temebar ingariziba okegh da abigh, dar ararir kaba inigh avim mɨkɨnigham.

Jeremaia 11:22

“Kɨ Ikiavɨra Itir Godɨn Gavgaviba Bar Itim, kɨ guizbangɨra mɨgei: Kɨ Anatotɨn gumazamiziba pazɨvɨra me damighɨva, ivezir kuram me danɨngam. Kɨ me mɨsoghsɨ apaniba amadaghtɨ me izɨ men gumazir igiabav sueghtɨ me arɨmɨghiregham. Eghtɨ dughiar kamɨn, Anatotɨn gumazamiziba dagheba puvatɨghtɨ, men otariba ko guiviba arɨmighiram.

Jeremaia 6:29

Nan gumazamiziba mati silvan mɨneziba itiba, nɨ masinɨn avim givitɨ a puvɨra isi mɨnezir dar itir kabar isigh da batueghan kogham. Ingangarir gumaziba pura ingangarir kam damigham. Kamaghɨra, nan gumazamiziba arazir kurabagh ami, egh arazir kurar kaba me da ateghan kogham.

Aisaia 37:24

Nɨ uan ingangarir gumazir dapanibav kemezɨ, me nɨn ziam fa nan ziamɨn tira. Ezɨ kɨ men akatoribar mɨgɨrɨgɨar kaba baraki. Kɨ fo, nɨ kamaghɨn mɨgɨa ghaze, nɨ uan karisɨn avɨriba inigha Lebanonɨn Mɨghsɨabar orazibar ghuavanega, egha bar Lebanonɨn ruarir bar pɨzimɨn aven ghua, danganir gumazamiziba aven zuir puvatɨzimɨn, nɨ temer sidan bar ruariba ko temer painɨn bar aghuiba oke.

Aisaia 24:21

Eghtɨ Ikiavɨra Itir God uabɨ mɨsevezir dughiamɨn, a Godɨn Nguibamɨn itir mɨdorozir gumaziba ko, nguazir kam gativir atriviba, ivezir kuram isɨ me danɨngam.

Aisaia 10:12

Asirian atrivim ghaze, a bar pɨn mar ikia bar gavgafi, egha a uabɨra uan ziam fe. Eghtɨ gɨn nan Ekiam, a faragha mɨkemezɨ moghɨn, a Saionɨn Mɨghsɨamɨn ikɨ, a Jerusalemɨn nguibar ekiam, a uan ingangariba bar dar amigh gɨvaghtɨ, a gɨn uamategh mangɨ ivezir kuram Asirian atrivim danɨngam.

Aisaia 10:16

Ezɨ Ekiam, a Ikiavɨra Itir Godɨn Gavgaviba Bar Itim, a ziar ekiam ko gavgavir ekiam iti. Egh a datɨrɨghɨn arɨmariar bar kuratam amadaghtɨ, an Asiriabar mɨdorozir gumazibar amu, men gavgavir ekiam agɨvagham. Egh a uaghan avim damightɨ, a dɨkavigh isi mangɨ men biziba bar da agɨvagham.

Jeremaia 11:16

Kɨ faragha ia dɨbora ghaze, Israelia ia mati olivɨn temer aghuir mam bava ovɨzir aghuiba iti. Eghtɨ kɨ datɨrɨghɨn olivɨn temer kam avim a datɨghtɨ, avim ararimɨn mɨn pamten dagarvagh, temer kam gaseghtɨ, a isiva aguaba bar dɨpɨrighiregh bar gɨvagham.

Jeremaia 17:27

Egh ia nan akamɨn gɨn mangan aghuagh, Sabatɨn dughiam amɨseveghtɨ a nan dughiamra ikian kogh, ia biziba inigh Sabatɨn dughiamɨn Jerusalemɨn tiar akabar aven mangɨgh izegh damutɨ, kɨ tiar akar kaba avim dar atɨghtɨ da isiam. Eghtɨ Jerusalemɨn itir dɨpenir ekiaba bar isigham. Eghtɨ tav avir kam amungeghan kogham.’ ”

Jeremaia 22:1

Ikiavɨra Itir God kamaghɨn mɨgei, “Jeremaia nɨ Judan atrivimɨn dɨpenimɨn magɨrɨva, egh akar kam akun.

Jeremaia 46:23

Isipia me avɨraseme, egha me bar gavgavigha, mati ruarir ekiamɨn temeba bar uari anɨghafɨri, ezɨ gumaziba aven mangan asaghasaki. Ezɨ apanibar mɨdorozir gumazibar dɨbobonim bar ghuavanabo, egha odezibar dɨbobonim gafira, eghtɨ gumazitam men dɨbobonim mengan iburagham. Kamaghɨn amizɨ, kɨ Ikiavɨra Itir God, kɨ ghaze, apaniba bar Isipia agɨvagham, mati gumaziba ruarir ekiamɨn temeba bar ada oke.

Jeremaia 50:32

Babilon, nɨ kantrin akaba batozim, nɨ irɨgh bar ikuvightɨ, gumazir ua nɨ gifueghamiba puvatɨgham. Kɨ avim nɨn nguibabar atɨghtɨ, eghtɨ avir kam nɨn biziba bar dar isigham.”

Aghuzir Akaba 12:14

Nɨn mɨgɨrɨgɨaba ko araziba da deraghtɨ, bizir kaba nɨn akuraghtɨ nɨ ivezir aghuim iniam.

Jeremaia 6:19

O nguazim, nɨ oragh! Nan gumazamiziba na gɨnamadagha, Arazir Kɨ Me Ganɨngizibar gɨn zuir puvatɨ. Kamaghɨn, kɨ men arazir kurar kaba ikarvagh, uan gumazamizir kabagh asɨghasɨgham.

Esekiel 21:3

Nɨ nan Akar Gavgavim isɨ kamaghɨn Israelɨn nguazimɨn itir gumazamizibav kɨm suam, kɨ Ikiavɨra Itir God ghaze, kɨ ian apanim damuva, uan mɨdorozir sabamɨn bar ia mɨsoghɨrarigham, ian gumazamizir aghuiba ko kuraba sara.

Maika 7:13

Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.