Jeremaia 21:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

^11-12 Ikiavɨra Itir God, ua ia mɨkɨmasa kamaghɨn na mɨgɨa ghaze: “Ia Judan Atrivim Devitɨn anabamɨn ikɨzim, ia nan akam baragh! Kɨ Ikiavɨra Itir God, kɨ kamaghɨn ia mɨgei, Ia zurara mɨzarazibar kotɨn gumazamiziba tuisɨzir arazim a deraghvɨra mangɨ. Egh gumazim gumazir igharazitamɨn bizim okemegh osɨmtɨzim a danightɨ, ia gumazir osɨmtɨzim itir kamɨn akuragh an osɨmtɨzim akɨrigh. Ia kamaghɨn damighan koghtɨ, kɨ ian arazir kurar kam bagh, nan anɨngagharim avimɨn mɨn bar ekeveghtɨ, kɨ pazavɨra ia damigham. Eghtɨ gumazitam anemungɨva avegham.

Jeremaia 21:11 ပူးပေါင်းရင်းမြစ်များ

Jeremaia 17:20

Egh nɨ gumazamiziba kamaghɨn me mɨkɨm suam, ‘Ia Judan atriviba, ko Judan gumazamiziba, ko Jerusalemian tiar akar kamɨn mangɨgh izegh gamiba, ia deraghvɨra kuariba arigh Ikiavɨra Itir Godɨn akam baragh.

Maika 3:1

Kɨ ghaze: “Ia oragh, ia Jekopɨn ovavir boribar gumazir dapaniba, ia Israelian gumazir aruaba, ia arazir aghuibagh nɨghnɨgh da bagh ingar.

Jeremaia 13:18

Ikiavɨra Itir God kamaghɨn na mɨgɨa ghaze: “Nɨ mangɨ akar kam isɨ atrivim uan amebam ko aningɨn mɨkɨm suam, Gua gɨn ua kantri gativaghan kogham. Guan atrivir dapanir asuar dirimning, pura bizir kɨnimningɨn mɨn otogham. Kamaghɨn amizɨ, gua atrivir dabirabimning atakigh.

Jeremaia 22:1

Ikiavɨra Itir God kamaghɨn mɨgei, “Jeremaia nɨ Judan atrivimɨn dɨpenimɨn magɨrɨva, egh akar kam akun.

Jeremaia 22:18

Ezɨ bizir kam bangɨn, Ikiavɨra Itir God Jehoiakim gɨnɨghnɨsi, a Josaian otarim, Judabar atrivim. Ezɨ Ikiavɨra Itir God kamaghɨn mɨgei: “Jehoiakim aremeghamin dughiamɨn, gumazamiziba an apangkuv, egh a bagh azian koghɨva kamaghɨn mɨkɨmam. ‘O noki, nan aveghbuam,’ ‘O noki, nan amizim.’ Egh me kamaghɨn mɨkɨman kogham, ‘O noki, en gumazir aruam,’ ezɨ ‘Noki, en atrivim.’ Puvatɨ, me bar kamaghɨn mɨkemeghan kogham.