Jeremaia 20:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ kamaghɨn uabɨra uabɨ mɨkɨmam, kɨ ti nɨ gɨn amadagh ua nɨn ziamɨn nɨn akamɨn gun me mɨkɨman kogh, egh kɨ kamaghɨn nɨn akam gɨnɨghnɨgh suam, nɨn akam mati avim nan navir averimɨn ikia, nan agharibar isia iti. Kɨ ua nɨn akam mɨkɨman koghasava amuava avenge. Bar puvatɨ.

Jeremaia 20:9 ပူးပေါင်းရင်းမြစ်များ

Onger Akaba 39:3

Kɨ bizir kam dughiabar zurarama a gɨnɨghnɨghavɨra ikia, nan navir averiam osɨmtɨzim a gizɨvavɨra iti. Ezɨ kɨ mɨgɨa ghaze,

Esekiel 3:14

Ezɨ Godɨn Duam na fegha na inigha zuima, kɨ paza uabɨ baragha atara nan navim bar oseme. Ezɨ Ikiavɨra Itir Godɨn gavgavim na avara.

Aposel 17:16

Egha Pol Atensɨn ikia Sailas ko Timoti bagha mɨzuai. Egha a gari, Atensɨn nguibar ekiamɨn aven marvir guaba bar izɨfa. Ezɨ Pol bar osemegha an muriam bar ikufi.

Jeremaia 6:11

Ezɨ Ikiavɨra Itir God, nɨn anɨngagharir nɨ men itir kam uaghan na gizɨfa. Ezɨ kɨ an suiraghtɨ a dughiar ruarimɨn nan ikian kɨ aghua. Kɨ bar amɨra.” Ezɨ Ikiavɨra Itir God, kamaghɨn na ikaragha ghaze: “Nɨ nan anɨngagharir kam isɨ, borir pura tintinibar tuavibar ikarara itiba ko, gumazamizir igiar uari akuva itiba me gingegh. Egh uaghan poroghamiba ko gumazamizir bar ghuriba, uaghan me gingegh.

Luk Osirizir Akar Aghuim 9:62

Ezɨ Iesus a ikaragha ghaze, “Tav itazim kuazagh egh raghɨrɨgh gɨn ganam, a God Bizibagh Ativamin Dughiamɨn aven ingaran kogham.”

Aposel 18:5

Ezɨ Sailas ko Timoti Masedonia ategha izaghirɨzɨ, Pol dughiabar zurara Godɨn Akar Aghuim akuri. An akar gavgavimɨn kamaghɨn deravɨra Judabagh eghari, Iesus a Krais, Gumazir God Uam E Iniasa Mɨsevezim.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Jeremaia 23:9

Ezɨ Jeremaia Godɨn akam inigha izir gumazibagh nɨghnɨgha kamaghɨn mɨgei: “Kɨ Ikiavɨra Itir God gɨfo, egha an akar bar zueziba sara fo. Egha kɨ garima, Godɨn akam inigha izir gumaziba arazir kurabagh amua, Godɨn akabar gɨn zuir puvatɨ. Ezɨ bizir kam bangɨn nan nɨghnɨzim bar ikufi. Ezɨ kɨ atiatia nan aghariba bar puvɨra nɨsi. Kɨ mati gumazim wainɨn dɨpar onganir avɨriba amegha gɨvagha bar ongani.

Jeremaia 23:29

Kɨ Ikiavɨra Itir God, kɨ guizbangɨra mɨgei, nan akam mati avim. Egha mati haman ekiam, a dagɨaba bɨgha dagh amima, da mɨnemɨniar kɨniba iri.

Esekiel 3:3

Egha a kamaghɨn na mɨgei, “Nguazir kamɨn gumazim, nɨ akɨnafarir rɨghizir kam amɨtɨ, nɨn navim bar izɨfagh.” Ezɨ kɨ anepima, a nan akamɨn ikia, hanin mɨn isɨngi.

Amos 3:8

Gumazim laion baraghtɨ, a pamten dazertɨ, a ti atiatingam, o? Eghtɨ Ikiavɨra Itir Godɨn Ekiam uan akam gumazitam danightɨ, an anekunan kogham o? Puvatɨ, an an gun mɨkɨmam.

Jona 1:2

“Niniven nguibar bar ekiam, an arazir kuram nan damazimɨn otogha gɨfa. Kamaghɨn amizɨ, nɨ datɨrɨghɨra mangɨ, akam akunɨva a gasɨva a mɨkɨm.”

Jona 1:3

Ezɨ puvatɨ Jona Ikiavɨra Itir Godɨn arɨ, nguibar ekiam Tarsisɨn mangasa nɨghnɨsi. Egha Jopan nguibar ekiamɨn uaghira kuriba itir danganimɨn gari, ezɨ Tarsisɨn mangamin kurir mam iti. Ezɨ a uan kurir ivezim akɨrigha gɨvagha kurimɨn ingarir gumaziba ko kurimɨn bɨragha Ekiamɨn arava Tarsisɨn zui.