Jeremaia 20:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ E fo, Ikiavɨra Itir God, gumazamizir onganarazibagh amiba, a bar men akuragha gumazir kurabar dafarim da ua me ini. Kamaghɨn amizɨ, e Ikiavɨra Itir God bagh ongɨva, an ziam fam.

Jeremaia 20:13 ပူးပေါင်းရင်းမြစ်များ

Aisaia 25:4

Gumazamizir biziba puvatɨziba, nɨ deravɨra me geghuva men gari. Gumazamizir onganarazibagh amiba, osɨmtɨzibar dughiamɨn itima, nɨ men mogomer danganir bar gavgavimɨn mɨn iti. Atrivir kurabar adariba ko anɨngaghariba, mati amɨnir gavgavim iza dɨpenir bɨrim ginifi. Ezɨ nɨ mati averpenim me avarazɨ, amɨnir gavgavim izɨva me gɨnobaghan kogham. Ezɨ gumazir kurabar adariba, mati aruemɨn fefem dɨpaba puvatɨzir danganimɨn ikegha pamtem me gisira. Ezɨ nɨ mati, me tememɨn dughuazimɨn apengan ikia, aruemɨn fefemɨn uari apasi. Ezɨ amɨnim ko amozimɨn dughiamɨn, nɨ biziba puvatɨzir gumazamiziba avarazɨ me deravɨra iti, ezɨ aruer gavgavim me gapongezir puvatɨ, mati overiamɨn ghuariaba aruemɨn fefeim avarazɨ, nguibam bar orangi. Nɨ ifaghatir apanibar akaba dukumizɨ, atrivir kurabar dɨmdiaba pura gefi.

Onger Akaba 69:33

Ikiavɨra Itir God gumazamizir biziba puvatɨzibar azangsɨziba barasi, egha uan gumazamizir kalabusɨn itiba, a me gɨn amadir puvatɨ.

Onger Akaba 72:4

Atrivim deragh onganarazibagh amir gumazamizibar akurvagh men osɨmtɨziba akɨram. A biziba puvatɨzir gumazamizibar akurvagham. Egh gumazir igharaz darazi gasɨghasɨghasava amiba, a me abɨnam.

Onger Akaba 34:6

Gumazamizir onganarazibagh amiba Ikiavɨra Itir God ko mɨgeima, a me baragha men osɨmtɨzibar aven deragha men akurvasi.

Jeremaia 15:21

Kɨ gumazir arazir kurabagh amiba ko apangkuviba puvatɨzir gumaziba, men agharim da ua nɨ inightɨ, me ua nɨ gasɨghasighan kogham.”

Jeremaia 31:7

Egha Ikiavɨra Itir God ua kamaghɨn mɨgei, “Ia, Jekopɨn adarazi bagh bar akongegh ighiabar amu, gumazamizir kaba gumazir igharazibagh afira. Ia pamtem, ziar ekiam na danɨngamin ighiabar amu, egh kamaghɨn mɨkɨm, ‘Ikiavɨra Itir God, nɨ uan gumazamiziba ua me inigh, kar Israelian ikiavɨra itir varazira.’