Jeremaia 20:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² O Ikiavɨra Itir Godɨn Gavgaviba Bar Itim, nɨ gumazamizibar nɨghnɨziba ko navir averiaba tuisɨgha dagh fo, ezɨ nɨn kotiam a bar guizɨn arazimra gɨn ghua bar dera. Ezɨ kɨ uan osɨmtɨzir kam isa nɨn dafarim garɨsi. Kamaghɨn amizɨ, kɨ ghaze, nɨ nan apaniba ivezir kuram me danɨngtɨ, kɨ ganika.

Jeremaia 20:12 ပူးပေါင်းရင်းမြစ်များ

Jeremaia 11:20

O Ikiavɨra Itir Godɨn Gavgaviba Bar Itim, nɨ arazir aghuimɨn gɨn ghua gumazamizibar araziba tuisɨsi. Nɨ deravɨra men nɨghnɨziba ko naviba tuisɨsi. Kɨ osɨmtɨzir kam isa nɨn dafarim gatɨ. Kɨ fo, Nɨ gumazamizir kaba ivezir kuram me danɨngɨva bar me gasɨghasigham.”

Onger Akaba 62:8

Nan adarasi, ia zurara nɨghnɨzir gavgavim Godɨn ikɨ. Egh osɨmtɨzir ia itiba ko nɨghnɨzir ia itiba, ia bar da isɨ a danɨng. E ia a bagh mangɨ an aven mongegh deraghvɨra ikiam. (Ighiam gamua an suiam atugha avughsegha ua ighiam gami.)

Onger Akaba 54:7

Nɨ nan akurazima, osɨmtɨzir na bativiba, tam na abɨrazir puvatɨ. Kɨ nɨn gari, nɨ nan apanibagh bar me gasɨghasɨki.

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

Onger Akaba 59:10

Nan God apangkuvim nan iti, a izɨ nan akuragham. A nan apaniba abɨnamin dughiam, a nan amamangatɨghtɨ, kɨ ikɨ men gantɨ, a me gasɨghasɨgham.

Onger Akaba 139:23

O God, nɨ nan navir averiam tuisɨgh egh deragh nan nɨghnɨzim gɨfogh.

Onger Akaba 7:9

O God, nɨ bar Godɨn aghuimra. Nɨ gumazamiziba bar men navir averiaba ko nɨghnɨziba tuisɨsi. Nɨ gumazamizir kurabar arazir kuraba bar ada gɨfagh. Egh nɨn damazimɨn derazir gumazamiziba, nɨ me damutɨ, me tugh gavgafigh.

Jeremaia 17:18

Egh datɨrɨghɨn nɨ paza na gamir gumaziba, aghumsɨzim me danɨngightɨ, me dɨgavir kuram damightɨ, kɨ dɨgavir kuram damigh aghumsɨghan kogham. Nɨ men arazir kuram bangɨn dughiar kuram damightɨ, a me batogh bar me gasɨghasɨkigh.

Aisaia 37:14

Ezɨ Atrivim Hesekia akɨnafarir kam, abuir gumazir a inigha izeziba dama an suiragha an ganigha, a inigha Ikiavɨra Itir Godɨn Dɨpenimɨn ghu. Egha Ikiavɨra Itir Godɨn damazimɨn an onegha anetɨ.

Onger Akaba 17:3

Nɨ uabɨ nan navir averiam gɨfo. Nɨ dɨmangan na bagha iza nan araziba tuisigha gɨfa, egha nan arazir kuratamɨn apizir puvatɨ. Gumazamizir igharaziba akar kurabav gei, ezɨ kɨ bar gavgavigha ghaze, kɨ akar kuratam mɨkɨman kogham. Kɨ nɨn Akar Gavgavimɨn suiragha an gɨn gua, adariba ko mɨdorozir arazibar gɨn zuir puvatɨ.

Onger Akaba 11:5

Ikiavɨra Itir God, a gumazamizir aghuiba ko kuraba uaghara men araziba tuisɨgha men gari. Egha gumazir mɨsoghasa ifongeziba, a uan navir averiamɨn aven bar men aghua.

Akar Mogomem 18:20

Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”

Akar Mogomem 6:10

Duar kaba dɨa kamaghɨn mɨgei, “Gavgaviba bar itir Ekiam, nɨ arazir kuraba bar dar saghon ikia egha bar zue! Ezɨ nɨn akar dɨkɨrɨziba da guizbangɨra otifi! E nɨ mɨzua iti, nɨ zuamɨra nguazimɨn itir gumazamizibar araziba tuisɨghɨva, egh en ghuzimɨn ivezim ikarvagh!”

Akar Mogomem 2:23

Kɨ uaghan an boribav sueghtɨ me arɨmɨghiregham. Eghtɨ siosba bar kamaghɨn fogham, kɨ bar gumazibar naviba ko nɨghnɨzibagh fogha da tuisɨsi. Egh kɨ ia amir arazibar mɨrara ivezim isɨ vaghvagh ia danɨngam.

1 Pita 4:19

Kamaghɨn Godɨn ifongiamɨn, gumazamizir maba mɨzaziba iniam, egh me bar uari isɨva Godɨn agharim darɨgh, egh arazir aghuibar amuvɨra ikɨ. God en ingarigha, zurara bar deravɨra en gari.

1 Pita 2:23

Ezɨ me akar kurabar a mɨgeima, a men akatam ikarazir puvatɨ, egha a mɨzazim inigha paza me damuasa me mɨgeir puvatɨ. A uabɨ isa jas ganɨngi, jas a God. A fo, kar jasɨn bar deravɨra biziba tuisɨzim.

Jeremaia 12:8

Nan gumazamizir kaba, nan apanim gamigha, na dɨkabɨnasa pamten diava arai, mati laionɨn mam ruarimɨn ikia pamten aroi. Kamaghɨn, kɨ me gifongezir puvatɨ.

Aisaia 38:14

Kɨ mɨzazim isa ara deima, nan arareba gavgaviba puvatɨ, mati kuarazir nguzimɨn ararem. Nan arareba, da kuarazir bunbamɨn ararebar mɨn bar nɨmɨram arai. Kɨ dughiar bar ruarimɨn akurvazim iniasa, kogha overiamɨn garava araima, nan damazimning teriba ira na gamizɨ, kɨ bar amɨra. O Ekiam, kɨ osɨmtɨzir bar ekiam iti, ezɨ nɨ izɨva nan akuragh.

Onger Akaba 86:4

Ekiam, kɨ nɨn ingangarir gumazim. Kɨ uan navir averiamɨn aven nɨ baghavɨra iti. Kamaghɨn, nɨ na damightɨ nan navim bar akongegh.

2 Eghaghaniba 24:22

Atrivim Joas, a Sekaraian afeziam Jehoiada amizir arazir aghuibagh nɨghnɨzir puvatɨ. A pura Sekaraia mɨsoghezɨ an areme. Sekaraia duam suer dughiamɨn, a kamaghɨn mɨgei, “Ikiavɨra Itir God ia amir bizir kamɨn ganigh ia ikarvagh ivezir kuram ia danɨngam.”

1 Samuel 1:15

Ezɨ Hana kamaghɨn an akam ikaragha ghaze, “Gumazir ekiam, kɨ dɨpar onganitam amezir puvatɨ, bar puvatɨ. Nan navim, osɨmtɨzim bar a itaragha uaghirima, kɨ bar oseme. Egha kɨ uan osɨmtɨzim isa Ikiavɨra Itir God ganɨga a ko mɨgei.

Onger Akaba 58:10

God, gumazamizir arazir kurabagh amibagh asɨghasɨgham. Eghtɨ gumazamizir aghuiba arazir kamɨn ganigh bar akuegh, gumazir kurabar ghuzibar uan dagariba ruam.