Jeremaia 20:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ Ikiavɨra Itir God, mati mɨdorozir gumazir bar gavgavir mam, a nan akurvaghasa nan boroghɨn tughav iti. Eghtɨ gumazir izɨ pazɨ na damuamin kaba, bizir kuram me batoghtɨ me daghiregham. Egh me bar aghumsɨghtɨ, men aghumsɨzir kam ikɨ mamaghɨra ikɨ gɨvaghan kogham.

Jeremaia 20:11 ပူးပေါင်းရင်းမြစ်များ

Jeremaia 1:19

Kɨ Ikiavɨra Itir God, kɨ mɨkemegha gɨfa, Kɨ uabɨ nɨ ko ikɨ nɨn akurvagham. Eghtɨ gumazir kaba nɨn apanimɨn ikɨva, nɨ dɨkabɨragh nɨ abɨnsɨ damuva avegham.”

Jeremaia 1:8

Kɨ nɨ ko ikɨ egh nɨn akurvagham. Kamaghɨn, nɨ men atiatingan markɨ. Kɨ Ikiavɨra Itir God, kɨ nɨ mɨkemegha gɨfa.”

Jeremaia 15:20

Kɨ gumazamizir kabar damazimɨn nɨ damightɨ, nɨ brasɨn dɨvazimɨn mɨn tugh gavgavigham. Kɨ datɨrɨghɨn nɨn akuragha, nɨ ko iti. Eghtɨ gumazamizir kaba nɨn apanim damuva nɨ dɨkabɨraghan kogham. Kɨ Ikiavɨra Itir God, kɨ kamaghɨn mɨkemegha gɨfa.

Jeremaia 17:18

Egh datɨrɨghɨn nɨ paza na gamir gumaziba, aghumsɨzim me danɨngightɨ, me dɨgavir kuram damightɨ, kɨ dɨgavir kuram damigh aghumsɨghan kogham. Nɨ men arazir kuram bangɨn dughiar kuram damightɨ, a me batogh bar me gasɨghasɨkigh.

Aisaia 41:10

Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.

Onger Akaba 6:10

Nan apaniba osɨmtɨzir ekiam inigh, bar aghumsɨgh atiatigham. Me zuamɨra na ategh onganigh arɨ tintinibar mangegham.

Onger Akaba 40:14

Gumazamizir maba na mɨsueghtɨ kɨ aremeghasa. Eghtɨ nɨ me abɨnigh men nɨghnɨziba aghamsightɨ, me aghumsika. Osɨmtɨzir kɨ isiba, gumazamizir maba dar gara bar akonge. Nɨ men ziaba abɨnigh me batueghtɨ me mangɨ.

Onger Akaba 35:26

Gumazir osɨmtɨzim na gatɨgha bar akongezir kaba, nɨ me damightɨ me okam nɨghnɨgh bar aghumsɨkigh. Me nan ziam abɨra uan ziaba fe. Nɨ men ziaba abɨn aghumsɨzim me danɨng.

Akɨnafarir Pol Romɨn Nguibar Ekiamɨn Itir Sios Bagha Osirizim 8:31

E bizir kabagh foghava, manmaghɨn mɨkɨmam? E fo, God e baghvɨra ikɨtɨ, tina e dɨkabɨragh e gafiragham? Bar puvatɨgham.

Jeremaia 23:40

Kɨ ia damightɨ, gumazir igharaziba dɨbovir akaba ia gasɨtɨ, ia bar aghumsigham. Eghtɨ aghumsɨzir kam ikɨ mamaghɨra ikiam, eghtɨ ia a gɨn amadaghan kogham.”

2 Timoti 4:17

Ezɨ Ekiam uabɨ nan boroghɨn ikia gavgavim na ganɨdi. Kamaghɨn amizɨ kɨ Akar Aghuim bar anekurima, Kantrin Igharazibar Gumazamiziba, me bar a barasi. Ezɨ kɨ ovengasava amima God nan akura, mati a laionɨn akamɨn ua na ini.

Aisaia 45:16

Asebar marvir guabar ingarir gumaziba bar guizbangɨra okam nɨghnɨgh bar aghumsigham.

Onger Akaba 66:5

Ia izɨ God amizir bizibar ganigh. A gumazamizibar tongɨn bizir bar ekiabagh ami.

Daniel 12:2

Eghtɨ God gumazamizir avɨrir ovengeziba ua me fɨtɨ me ua dɨkavam. Men marazi zurara itir ikɨrɨmɨrir aghuim iniam. Eghtɨ men tarazi bar aghumsɨghɨva kamaghɨra ikɨvɨra ikiam.

Onger Akaba 65:5

O God, nɨ en akurvasi. Nɨ en azangsɨziba baragha ingangarir bar ekiar aghuibagh ami. Gumazamizir nguazir kamɨn saghuiamɨn itiba, me nɨghnɨzir gavgavim nɨn iti. Men marazi uaghan ongarir bar ekiamɨn vongɨn saghon ikia, nɨghnɨzir gavgavim nɨn iti.

Onger Akaba 47:2

Ikiavɨra Itir God, a Godɨn Bar Pɨn Itim, an atrivir ekiamɨn ikia nguazir kam gativagha an gari. Kamaghɨn amizɨ, e bar an atiatiava an apengan iti.

Aisaia 41:14

Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.

Onger Akaba 129:2

Nɨ kamaghɨn mɨkɨm suam, “Kɨ uan igiamɨn ikia iza datɨrɨghɨn, nan apaniba arazir kurabar na gami. Me kamaghɨn na gamua egha na abɨrazir puvatɨ.

Jeremaia 15:15

Ezɨ kɨ Jeremaia kɨ kamaghɨn mɨgei: “O Ikiavɨra Itir God, nɨ biziba bar dagh fo, egha gumazir paza na gamiba, nɨ bar me gɨfo. Kamaghɨn, nɨ gumazir nɨn ziam bagha dɨbovir osɨmtɨziba na garɨzibar ganɨva, na gɨnɨghnɨgh nan akuragh. Egh gumazir na gasɨghasɨzir kaba, nɨ ivezir kuram me ikaragh. Nɨ ti men sughsughtɨ, me na mɨsueghtɨ kɨ aremegham.

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.

Jeremaia 32:18

Nɨ zurara tausenɨn gumazamizir avɨribar apangkufi. Eghtɨ gumazitam arazir kuratam damigham, nɨ ivezir kuram a danɨngɨva, uaghan an boriba ko an arazir kuraba ikarvagham. God nɨ bar gavgafi, ezɨ nɨn gavgavim bar en gavgavim gafira. Ezɨ nɨn ziam kamakɨn: Ikiavɨra Itir Godɨn Gavgaviba Bar itim.

Jeremaia 1:18

Jeremaia, nɨ orakigh. Kɨ datɨrɨghɨn nɨ gamizɨ nɨ nguibam avɨnizir dɨvazir gavgavimɨn mɨn gavgavigha, mati ainɨn dɨpenir akɨnir guarim, ko dɨvazir me brasɨn ingarizimɨn mɨn gavgafi. Eghtɨ Judan atriviba ko, atrivimɨn ingangaribar faragha zuir gumazir dapaniba ko, ofa gamir gumaziba ko, nguazir kamɨn itir gumazamizir bar gavgaviba, me nɨ dɨkabɨragh nɨ abɨraghan kogham.