Jeremaia 20:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

Jeremaia 20:10 ပူးပေါင်းရင်းမြစ်များ

Onger Akaba 41:9

Nan roroar aghuim, kɨ nɨghnɨzir gavgavim an iti. Gumazir na ko dagheba apim, nan apanimɨn oto.

Onger Akaba 31:13

Kɨ orazi, apanir avɨriba uari akuva gɨrakɨrangɨn moghɨn aghumra uariv gei. Me atiatim na danɨngasa uari akuva na gasɨghasɨghasa akam mɨsosi. Egh na mɨsueghtɨ kɨ aremeghasa uariv gei.

Aisaia 29:21

Egh arazir kamra uaghan, gumazir pura ifara igharaz darazi isa kot garɨziba, ko gumazir osɨmtɨzibagh amibar akurvagha akar ifavaribagh amiba, ko gumazir kotiam adavadavightɨ, eghtɨ gumazir Godɨn damazimɨn deraziba kotiamɨn me gafiraghan kogham, gumazir kaba, me bar moghɨra bar ikuvigham.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Aposel 24:13

Ezɨ me datɨrɨghɨn na gasir akaba, me nɨn akaghamin tuavitam itir puvatɨ. Akar me na gasir kam, a guizɨn akam puvatɨ.

Esekiel 22:9

“Ian gumazamizir maba, akar ifavaribar igharaz darazigh amua me mɨsoghɨrarɨghasava ami. Ezɨ ian marasi, asebar ofa gamir dagheba api. Ezɨ marasi, zurara uan inivafɨzir agorogebar arazimɨn gɨn ghua aghumsɨzir arazibagh ami.

Jeremaia 6:25

Apaniba me bar gumazir kuraba, egha danganiba bar adar iti. Egha mɨsoghasavɨra gara itima e atiatingi. Kamaghɨn amizɨ, e tuaviba ko azenibar aruan kogham.”

Aghuzir Akaba 10:18

Gumazim igharaztavɨn aghuagha navir kuram an ikia, egha bizir kam mongasava ami, kamaghɨn a zurara akar ifavaribav gei. Ezɨ gumazim igharaztavɨn gɨrakɨrangɨn a mɨgei, a mati gumazir bar onganim.

Luk Osirizir Akar Aghuim 20:20

Egha me bar deravɨra a bagha gara, egha moga garir gumaziba amadazɨ, me ifara mati me guizɨn mɨgei. Me kamaghsua, me Iesusɨn mɨgɨrɨgɨar otevitamɨn suiraghɨva, egh a isɨ Romɨn gavmanɨn gumazir ekiam danigham.

Jopɨn Akɨnafarim 19:19

Nan namakar bar aghuiba, me datɨrɨghɨn bar nan aghua. Kɨ bar ifongezir gumaziba, me uaghan akɨrim na gasaragha na abɨnasava ami.

1 Atriviba 21:20

Ezɨ Elaija Ahap bagha zuima, Ahap an apigha kamaghɨn mɨgei, “O nan apanim, nɨ iza ua na bato, a?” Ezɨ Elaija ghaze, “Are, kɨ nɨ mɨkɨmasa izɨ. Nɨn nɨghnɨziba ko ifongiaba, Ikiavɨra Itir Godɨn damazimɨn, arazir kurabar amuasa bar gavgafi.

1 Atriviba 19:2

Ezɨ Jesebel Elaija bagha akam amaga ghaze, “Nɨ asem Balɨn akam inigha izir gumazibav soghezɨ me aremezɨ moghɨn, kɨ nɨ mɨsueghtɨ nɨ aremegham. Nɨ gurumzaraghan dughiar kamra, nɨ aremegham. Kɨ kamaghɨn damighan koghtɨ, aseba narara mɨsueghtɨ kɨ aremegham.”

Aposel 7:54

Ezɨ me kamaghɨn oregha, men navir averiaba a bagha bar ikuvigha uan ataribagh ivi.

Aposel 5:33

Judan kotɨn aven itir gumaziba kamaghɨn aposelbar akam baregha, men naviba me bagha bar ikufi. Egha me mɨsueghtɨ me aremeghasa nɨghnɨsi.

Onger Akaba 57:4

Nan apaniba bar na okarizɨ kɨ men torimɨn akui. Me laionbar mɨn gumazibar amasa men atariba baribar mɨn bar ghumi. Ezɨ men mɨzeba sabar ghumtɨzir pumuning itimɨn mɨn bar ghumi.

1 Atriviba 22:27

Egh kamaghɨn aning mɨkemegh, ‘Atrivim kamaghɨn mɨgei: Gua gumazir kam isɨ kalabuziam datɨgh. Egh bretɨn muziariba ko dɨpabara, a danɨng mangɨtɨ mɨdorozim gɨvaghtɨ kɨ uamategham.’ ”

1 Atriviba 22:8

Ezɨ Ahap a ikaragha ghaze, “Akam inigha izir gumazir igharazir mam iti, an ziam Mikaia, a Imlan otarim. A dughiatamɨn, Godɨn akam baragha, akar aghuitamɨn na mɨgeir puvatɨ. Dughiaba bar, a na gasɨghasɨghamin akar kuram na ganɨdi. Kamaghɨn amizɨ, kɨ gumazir kam bar an aghua.” Ezɨ Jehosafat ghaze, “Nɨ mamaghɨn mɨkɨman markɨ.”

Jeremaia 11:19

Kɨ faragha fozir puvatɨ, me paza na damuasa na bagha akam mɨsosi. Kɨ mati sipsipɨn nguzim gumaziba a mɨsueghtɨ an aremeghasa an akua zui. Ezɨ gumazir kaba akam mɨsuegha ghaze, ‘Aria, e datɨrɨghɨram a mɨsueghtɨ an aremegham, mati gumazim temem bema, me an dughiamrama an oti mokɨn. E bar a kuavaremeghtɨ, gumazamiziba uam an gɨnɨghnɨghan kogham.’

Jeremaia 11:21

Kɨ orazi Anatotɨn nguibamɨn gumazir maba na mɨsueghtɨ, kɨ aremeghasa kamaghɨn na mɨgɨa ghaze, “Nɨ Ikiavɨra Itir Godɨn ziamɨn uam akatam mɨkɨman markɨ. Nɨ ua tam mɨkɨmtɨ, e nɨ mɨsueghtɨ nɨ aremegham.” Ezɨ Ikiavɨra Itir God, nan dɨmdiam baregha kamaghɨn na mɨgei,

Jeremaia 20:3

Egha amɨmzaraghan, Pasur kalabusɨn Jeremaia isa azenim gatɨzɨ, Jeremaia kamaghɨn a mɨgɨa ghaze, “Ikiavɨra Itir God, ziam Pasur nɨ gatɨgha, nɨ dɨborir puvatɨ. A ziar igharazir kam nɨ gatɨgha nɨ dɨbora ghaze: Atiatim Danganiba Bar Dar Ikiam.

Jeremaia 37:13

A ghua Jerusalemɨn dɨvazimɨn tiar akar kamɨn oto, me kamaghɨn a dɨbori, Benjaminɨn Tiarakam. Ezɨ mɨdorozir gumazibar gumazir dapanir mam, tiar akar kamɨn tugha gumazamizibagh eghuva, men gari me mangɨ izegh gami. Gumazir dapanir kamɨn ziam, a Iriya, a Selemian otarim, egha Hananian igiavotarim. Ezɨ Iriya Jeremaian suiragha ghaze, “Kɨ fo, nɨ arɨ mangɨ Kaldiaba ko ikiasava ami.”

Daniel 6:4

Ezɨ gavmanɨn faragha zuir gumazir kaba ko, Daniel ko ingangarir vamɨram amimning, me nɨghnɨzir kam gifongezir puvatɨ. Egha me Danielɨn ingangarimɨn aven gari, a bizitam pazɨva a damightɨ, me a kot darɨgham. Me garima, Daniel a gumazir bar aghuim, egha an ingangarim bar dera. A ifarir puvatɨgha arazir kuratam gamizir puvatɨ, kamaghɨn amizɨ, me an arazir kuratamɨn apizir puvatɨ.

Onger Akaba 31:14

O Ikiavɨra Itir God, nɨ nan God, kɨ nɨghnɨzir gavgavim nɨn iti.

Onger Akaba 41:10

O Ikiavɨra Itir God, nɨ nan kuarkuvigh egh nan arɨmariam agɨfagh. Eghtɨ kɨ gumazir kabar arazir kurar kam ikaraka.

Jeremaia 1:19

Kɨ Ikiavɨra Itir God, kɨ mɨkemegha gɨfa, Kɨ uabɨ nɨ ko ikɨ nɨn akurvagham. Eghtɨ gumazir kaba nɨn apanimɨn ikɨva, nɨ dɨkabɨragh nɨ abɨnsɨ damuva avegham.”