Jeremaia 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ikiavɨra Itir God, kamaghɨn mɨgɨa ghaze: “Ia amizir arazir kurar kaba bagh, kɨ ia isɨ kot datɨgham. Egh kɨ uaghan ian boriba, ko ian ovavir borir gɨn otivamiba, kɨ me isɨ kot datɨgh me tuisɨgham.

Jeremaia 2:9 ပူးပေါင်းရင်းမြစ်များ

Jeremaia 2:35

Ia ti ghaze, ia osɨmtɨziba puvatɨ. Egha ghaze, kɨ ua ian ataran kogham. Ia uan arazir kurabar ghuangsɨghtɨ, kɨ ia isɨ kot datɨgh ia tuisɨgh, ivezir kuram ia danɨngam.

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

Ua Me Ini 20:5

Ia asetam ko marvir guatamɨn itevibar pɨrɨva an ziam fan markɨ. Guizbangɨra, kɨ Ikiavɨra Itir God, kɨ ian God. Egh godɨn ifavaritamɨn amamangatɨghtɨ, a nan danganim inian kogham. Bar puvatɨ. Gumazamizir nan aghuaziba, me osɨmtɨzim iti, ezɨ kɨ ivezir kuram me ko men ikɨzim danɨng mangɨvɨra ikɨtɨ, men ikɨzimɨn igiar boriba ko azɨziba otogham.

Hosea 2:2

Ezɨ God akar isɨn zuim uan gumazamizibagh amua ghaze: “O nan boriba, ian amebam ua nan amuimɨn mɨn itir puvatɨ, ezɨ kɨ uam an pamɨn mɨn itir puvatɨ. Ia pamten, a mɨkɨm a gakaghontɨ, a uan arazir tintinimɨn gumaziba ko akuim atakigh. A ua tuavimɨn amizimɨn arazim damuan markɨ.

Jeremaia 2:29

Ikiavɨra Itir God, ua kamaghɨn Israelia mɨgɨa ghaze: “Ia uari nan akam batoke, egha manmaghsua akam na gasa na mɨgei?

Aisaia 43:26

Ia ti ghaze, ia arazir kurar tabagh amizir puvatɨ. Egh ia kotɨn aven deraghvɨra mɨkɨm uan nɨghnɨziba azenim darigh oteviba akakagham, eghtɨ e nɨghnɨzir vamɨra damu akam akɨr mɨkɨm suam, ian nɨghnɨziba ti dera.

Aisaia 3:13

Ezɨ Ikiavɨra Itir God gumazamiziba bar men kotiaba baragha, me tuisɨghasav ami.

Ofa Gami 20:5

kamaghɨn kɨ uabɨ an apanim damuva an adarazi sara, ko gumazamizir akɨrim na gasaragha asem Molekɨn ziam feba bar, kɨ men apanim damuam. Kɨ uan gumazamizibar tongɨn me batuegham.

Onger Akaba 50:4

An overiam ko nguazimɨn diazɨ, aning izɨ uaghan ikɨ gantɨ, a guizɨn arazimɨn gɨn mangɨ uan gumazamizibar araziba tuisɨgham.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Hosea 12:3

Men inazir afeziam, Jekop, a uan aveghbuam ko, aning uan amebamɨn navir averiamɨn ikia, uaning mɨsosi. Gɨn Jekop ekevegha gɨvagha God ko mɨsosi.