Jeremaia 2:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Me na gɨnɨghnɨzir puvatɨ. Egha me bizir kɨ men akurvaghasava amiziba dagh nɨghnɨzir puvatɨ. Kɨrara Isipɨn kantrin me inigha men akua ize. Ezɨ me pura danganir dɨpaba puvatɨzir ekiam abɨki. Danganir kam, pura gigir kɨnim an iti, egha mozir konir kuraba tintinibar an iti. A gumazamiziba puvatɨzir danganim ko amoziba izir puvatɨzim. Danganir kam, mɨtater kuram anevara. Gumazamiziba uaghan danganir kam garuir puvatɨgha, uaghan an itir puvatɨ.

Jeremaia 2:6 ပူးပေါင်းရင်းမြစ်များ

Godɨn Araziba 32:10

Israelia, ia onganigha pura gumazamiziba puvatɨzir danganimɨn amɨnir ekiaba ivair kam garui. Ezɨ Ikiavɨra Itir God, uabɨn gara uabɨ geghuvi moghɨn, a me akumakua deraghavɨra me geghufi.

Hosea 13:4

Ikiavɨra Itir God ua kamaghɨn mɨgei: “Kɨ Ikiavɨra Itir God, ian God, kɨ Isipɨn ia inigha ian akua azenan ize. Kɨ uabɨra, kɨ ian God. Ua godɨn igharaziba puvatɨ. Kɨrara kɨ ian Akurvazir Gumazimra!

Matyu 4:16

Gumazamizir arazir kurabar mɨtatemɨn aven aruiba, me datɨrɨghɨn angazangarir ekiamɨn gari. Me danganir mɨtatemɨn apiaghav ikiava aremeghasava ami, ezɨ datɨrɨghɨn amɨnim tirazɨ angazangarim me gisira.”

Hosea 12:13

Israelia Isipɨn itir dughiamɨn, Ikiavɨra Itir God uan akam inigha izir gumazir mam amada, ezɨ a me inigha Isip ataki. Egha akam inigha izir gumazir kam deravɨra me geghufi.

Jeremaia 5:2

Egha ia gavgavim uan mɨgɨrɨgɨabar anɨngasa Ikiavɨra Itir Godɨn ziam dɨbora pɨn arɨgha mɨgei, kar ia ifara pura mɨgei.”

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

Jeremaia 2:2

“Nɨ Jerusalemia bagh mangɨ nan akamɨn gun kamagh me mɨkɨm: Ikiavɨra Itir God ghaze, ia bar faraghavɨra nan gumazamizibar otivizir dughiamɨn, ia mati amizim igiamra pamɨn ikia uan pam gifongezɨ moghɨn, ia uari isa na ganigha na gifueghavɨra iti. Egha ia na baghavɨra ikia gumazamiziba puvatɨzir danganimɨn nan gɨn zui, kar nguazir gumazitam dagheba oparizir puvatɨzim.

Aisaia 64:7

Gumazitam nɨn ziam dɨbora nɨ ko mɨgeir puvatɨgha, akurvazim bagha nɨn boroghɨn zuir puvatɨ. E ghaze, en arazir kuraba bangɨn, nɨ bar uan guam en modogha e ataghizɨ, en arazir kuraba e gasɨghasɨghizɨ, e bar ikuvigha iti.

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Onger Akaba 77:5

Kɨ dughiar fomɨra ghueziba ko, azenir fomɨra ghuezibagh nɨghnɨsi.

Onger Akaba 23:4

O God, nɨ na ko iti. Kamaghɨn, kɨ danganir zarimɨn mangɨva ovevemɨn tuavir mɨtarmemɨn mangɨ, egh bizir kurabar atiatingan kogham. Nɨ uan asadivir aghorir sipsipbagh eghuvimɨn suirazɨ, kɨ an gara fo, nɨ na geghuv deragh nan ganam. Kamaghɨn, nan navim bar nan dera.

Jopɨn Akɨnafarim 35:10

Ezɨ gumazitam kamaghɨn deir puvatɨ, ‘Godɨn Nan Ingarizim, a managh iti? A dughiar kurabar gavgavim en navibagh anɨdima, e bar akuegha ighiabagh ami.

Jopɨn Akɨnafarim 3:5

A dughiar kam gamizɨ a bar mɨtarmegha, ghuariar pɨziba overiam avaraghɨva aruemɨn angazangarim bar anepazazɨ, kamaghɨn deraghai.

2 Atriviba 2:14

Egha a Elaijan korotiar ruarir kam inigha, Elaija faragha amizɨ moghɨn dɨpam mɨsoke. Egha a dɨpam mɨsozir dughiamɨn, a ghaze, “Ikiavɨra Itir God, a Elaijan God, a managh iti? A ti uaghan, na ko ikiam?” Ezɨ dɨpam zuamɨra bigha akuar pumuningɨn otozɨ, Elisa uamategha vongɨn ize.

Gumazir Dapaniba 6:13

Ezɨ Gideon a ikaragha ghaze, “O gumazir ekiam, kɨ bizitam bagh nɨn azangasa. Ikiavɨra Itir God, e ko itima, ezɨ bizir kaba manmaghsua e batifi? Ezɨ bizir aghuir a en inazir afeziabagh amizir kaba, da managhɨra iti? E dar garir puvatɨ. Ikiavɨra Itir God, ti e inigha Isip ategha azenan izes ti? Egha datɨrɨghɨn Ikiavɨra Itir God, e ategha e isa Midianian agharibagh arɨki.”

Ua Me Ini 20:2

Kɨ uabɨ, kɨ Ikiavɨra Itir God, ian God. Kɨrara Isipɨn kantrin ia inigha ian akua azenan ize. Kar danganir ia ingangarir gumazamizir kɨnibar ikezim.

Godɨn Araziba 1:19

Moses ua kamaghɨn mɨgei, “Ikiavɨra Itir God, en God, e damuasa mɨkemezɨ moghɨn, e ami. E dughiar kamɨn dɨkavigha Sainain Mɨghsɨam ategha ghua danganir bar kuramɨn zui, kar gumazamiziba puvatɨzir danganim. E ghuavɨra ikia Amorian mɨghsɨaba itir danganimɨn otivigha Kades Barnean otifi.

Jeremaia 13:16

Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jeremaia 51:43

An nguibar ekiaba bar ikuvigham. Eghtɨ kantrin kam danganir dakɨghtɨzir kɨnimɨn mɨn ikiam. Eghtɨ gumazamiziba an ikian koghɨva, a daruan kogham.

Godɨn Araziba 8:2

Ikiavɨra Itir God, en God, a 40plan azenibar ian faragha ghua ia inigha gumazamiziba puvatɨzir danganim garui. Ia bizir kam gɨnɨghnɨghvɨra ikɨ. A dughiar kamɨn ian navir averiabagh fofoghasa, ia an Akar Gavgavibagh nɨghnɨghavɨra iti, o puvatɨ. Ia uari fer arazim agɨvagh, an apengan ikiasa, an osɨmtɨzir maba ia ganɨngi.

Jeremaia 5:12

Israelia Ikiavɨra Itir God, an gɨn mangan aghuagha ifara ghaze: “Ikiavɨra Itir God, arazir kuratam damightɨ an e batoghan kogham. Apaniba izɨva e mɨsoghan kogham, eghtɨ mɨtiriar ekiatam otoghan kogham.

Amos 2:10

Kɨ Isipɨn nguazimɨn aven ia inigha azenan ize. Egha ia inigha Amorian nguazimɨn ia arɨghasa, 40plan azenibar gumazamiziba puvatɨzir danganimɨn kɨ ian faragha ghua ian akua ize.