Jeremaia 2:37 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁷ Kɨ Ikiavɨra Itir God, gumazir ia nɨghnɨzir gavgavim men itiba, kɨ akɨrim ragha me gasaragha gɨfa. Eghtɨ me bizitam ian akuragh, ia bagh bar a damighan kogham. Kamaghɨn, ia uaghan Isipia ategham, egh dughiar kamɨn ia aghumsigh naviba bar osemegham.”

Jeremaia 2:37 ပူးပေါင်းရင်းမြစ်များ

2 Samuel 13:19

Ezɨ Tamar uan navir osɨmtɨzim akakagha, averenim uan dapanim gaghuigha korotiar ruarir kam abɨki. Egha dafarimning uan dapanim gatɨgha, pamten aziavɨra zui.

Jeremaia 17:5

Ikiavɨra Itir God kamaghɨn mɨgɨa ghaze, “Gumazim akɨrim ragha na gasaragha, nɨghnɨzir gavgavim gumazir kɨnimɨn ikia ghaze, kɨ uan gavgavimɨn uabɨn akurvagh deravɨra ikiam, gumazir kam a bar ikuvigham.

Jeremaia 2:36

Ezɨ ia manmaghɨn amigha tuavir mamɨn gɨn ghua anetegha zuamɨra ghua tuavir igharazimɨn gɨn zui? Isipia tong ian akuraghan kogham, eghtɨ ia bar aghumsigham, mati Asiria ian akurazir puvatɨzɨ ia aghumsɨghizɨ mokɨn.

Aisaia 10:4

Ia bizitam damuva avegham. Bar puvatɨgham. Ian tarazi mɨdorozimɨn arɨmɨghiregham. Me ian tarazir suigh mangɨtɨ, ia kalabuziabar tongɨn bar atiatigh teviba apɨrigh mamaghɨra ikiam. Ia osɨmtɨzir bar kurar kam gitaghan kogham. Ikiavɨra Itir God bizir kabar amutɨ, da ia bativam, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

2 Eghaghaniba 13:12

Ia oragh. God en faragha zuir gumazim, ezɨ an ofa gamir gumaziba e ko kagh ikiava, ia ko mɨsoghasa mɨdorozimɨn sɨghabagh iviasa gara iti. O Israelia, Ikiavɨra Itir God, a ian inazir afeziabar God, ia a ko mɨsoghan markɨ. Ia e dɨkabɨraghan kogham. Bar puvatɨgham.”

Dɨboboniba 14:41

Ezɨ Moses kamaghɨn me mɨgei, “Manmaghsua ia Ikiavɨra Itir Godɨn Akar Gavgaviba batosi? Ia me mɨsogh me abɨraghan kogham.

Jeremaia 14:3

Men gumazir dapaniba dɨpaba tuasa ingangarir gumaziba amangizɨ, me mozir dɨpabar ghuegha gari mozir paba dakegha gɨfa. Ezɨ me mɨner mɨseviba ua da inigha nguibar ekiamɨn ghue. Egha me paza uari baragha aghumsigha, osemegha uan guaba monge.

Jeremaia 14:4

Amoziba Judan kantri gizir puvatɨzɨ, nguazim bar mɨsɨngi. Kamaghɨn amizɨ, gumazir azeniba opariba, bar osemegha aghumsigha uan guaba monge.

Jeremaia 22:30

Ikiavɨra Itir God kamaghɨn mɨgei: “Nɨ kamaghɨn gumazir kamɨn eghaghanim osirigh. Gumazir kam, mati gumazim boriba puvatɨzɨ moghɨn, bizir an amiba bar deragh otivan kogham. Bizir kam bangɨn, an boritam an danganim inigh, Devitɨn atrivir dabirabim daperagh, Judan nguazim gativaghan kogham.”

2 Samuel 11:12

Ezɨ Devit a mɨgɨa ghaze, “A dera, nɨ datɨrɨghɨn kagh ikeghtɨ kɨ gurumzaraghan, ua nɨ amadaghtɨ nɨ mangam.” Ezɨ aruer kamɨn Uria Jerusalemɨn iti. Ezɨ amɨmzaraghan guaratɨghɨn,

Aisaia 28:18

Egh kɨ ia Ovevem ko amizir akar dɨkɨrɨzir gavgavim uaghan anetughɨva, ia Gumazamizir Oveaghuezibar Nguibam ko, akar dɨkɨrɨzir gavgavim agɨvagham. Eghtɨ dughiar bar kuraba ia bativtɨma, ia bar moghɨra ikuvigham.

Jeremaia 22:20

Ikiavɨra Itir God kamaghɨn mɨgei: “Jerusalem, gumazir nɨ me gifuegha me ko arazir kurabagh amiba, me bar ikuvigha gɨfa. Kamaghɨn amizɨ, nɨ mangɨ, Lebanon mɨghsɨar ekiaba ko Basan mɨghsɨam ko Abarimɨn Mɨghsɨamɨn ghuavanabogh, pamtemɨn dɨmɨva azi.